琴曰除左秘書之外，全部人去晒開會，一年之中少有的清靜office，
真係好難得，朝早可以盡情下偈，好舒服，下個星期仲五都仲有一日咁ｏ既日子，
不過我有兩個老闆可能都唔去，但始終人少左都係好事。

夜晚約左舊同事食飯，今次我試左間新酒樓去打邊爐，叫做就晒佢架喇，
好彩佢都幾滿意，因為呢度坐得比較舒服，至少冇先前去旺角果ｄ咁迫咁嘈，
大家食到九點幾就走喇。

今日訓到十二點幾先起身，不過未夠喉，因為琴晚成兩點先訓，
起身去左飲茶同埋買DVD，本來有諗去花奔世界行下，不過天氣好悶熱，
都係遲下先喇，返到屋企上左陣網再補下眠，夜晚煮下飯再睇下電視就咁過左一日喇。

今日提的準備迎戰，並唔係要迎戰奧運，而係要迎戰年尾的工作，
聽隔離分行秘書話，今年的新年禮品將會係下星期送到，
換句話差不多進入一年中最忙的季節，聽到心情開始有ｄ滑落，
所以今個月都打算放三兩日假抖一抖後再全力進入作戰狀態。

聽日全人類要去開營銷大會，照正留ｏ係度的人不多，應該只有秘書ｏ係度，
夜晚約左同事同埋走左ｏ既豹紋同事一齊補食同事仔的生日飯，
不過大豹紋同事ｏ係度，我地就冇咩選擇，基本次次都係要就佢食中餐，
之前我都試過話之佢強硬的唔肯就佢去食日本野，雖然佢冇話我，
但從佢口黑面黑的表情就知佢極之不想，好彩後尾傾傾下氣氛舒緩返，
雖然我今次都可以又話之佢，不過實在冇乜心情力氣去同佢角力，
反正大家都係食餐飯聚下嗟，至多第日真係考慮下係咪要同佢食，因為其他人食咩冇咩所謂，
可以試下唔同ｏ既菜式，今次我連電話都唔多想打比佢，
因為當我對於某人某ｄ事抱放棄狀態的話，我就真係冇咩耐性去面對，
所以今次要麻煩女皇去做傳達喇，今次我訂左一處大家都未去過的地方食火鍋，
地點ｏ係油麻地彌敦道，今次唔知某人又會唔會話極之不方便等等不滿呢？
唉∼真攞命！！　

放假後第二日返工，叫做稍為回復ｄ狀態，可惜一大清早公司個網login 唔到，
所以好多野想check 又check 唔到，打email 又唔得，幾乎都做唔到野，
不過當然唔係冇野做啦，又可以scan 下野喇。呢排幫心急老闆scan文件戰意如虹，
因為早前佢個外甥幫手開左頭，依家跟住做落去會比較順，
再者我真係唔想老闆搵以前坐ｏ係隔離ｏ既『右護法』做part time，
呢隻超級八卦是非精ｄ野經過佢手又經把口出肯定冇好野講得出，
真係如同事仔話齋，呢ｄ人走左都仲咁剋人憎，希望有機會同老闆講下先得。

晏晝公司個網先正常返，不過煩煩老闆今日好勤力，ｏ係公司密密手做野，
跟住變左我又要密密手跟返ｄ野喇，星期五佢地全人類去開會，
期待有個清靜ｏ既Office 黎做野。