懶左幾日冇打日記，呢兩晚都掛住打機，打到好『早』先訓，
今日中午起身後睇電視先知掛左一號風球，都唔知點解無啦啦有風球都有ｏ既？
聽日好似有機會掛三號添媧。

起身之後煮左麵食就算喇，跟住就上下網，打陣機，
今日天熱唔好都懶得去買餸，所以落街食就算喇。

聽日原來已經八月十四喇，時間真係好快，不過唔知會唔會有Holiday mood 呢？

琴日晏書開始無啦啦覺得有dd凍，熟識我ｏ既同事都知我若覺得凍可能有病，
果然琴日係有ｄ唔妥，除左有ｄ凍仲覺得有ｄ頭痛同眼皮好重，
於是琴晚食完飯後抖左陣上床訓，不過呢個時侯成個人都覺得熱，
已經開行晒冷氣都要將手腳露出黎散熱，所以真係唔多妥，
但可能如老豆果輩ｄ人話齋，將ｄ熱散左出黎會好ｄ，
不過都捱左兩粒鐘先開始冇咁熱同訓得著，所以今朝雖然冇乜事，
因為訓唔夠都好完全好返晒，不過我地呢ｄ賤命一條，抖下都應該冇咩事ｏ既。

今日成日都冇乜停手，但總好彩ｄ工作唔太煩覆，
今晚希望可以訓返好ｄ精神好返ｄ啦。

又到左星期一，又係唔願意的返工，今日因為好早所以去行下買野先返工，
工作亦一般，唔算忙但又有Ｄ野做。

晏晝聽分行秘書講Ｏ係接待處見到以前坐Ｏ係我隔離Ｏ既右護法，
見到佢Ｏ既出現總算得佢有可能返黎做，雖然當初佢走時我都估佢會食回頭草，
亦未知佢真係會返黎，但佢出現得都肯定有Ｄ野，雖然我唔可以控制得到，
但真係唔想佢返黎做，因為佢真係一個超級是非精，果陣坐佢隔離都被迫聽唔少是非，
真係唔想依家唔係太平Ｏ既公司再黎多個是非精，咁離開和諧Ｏ既工作生活距離越來越遠喇，
最希望係返工之餘同同事都可以開開心心。