今日終於星期四喇，返埋聽日可以休息兩日，
上星期放完幾日氯後直落返五日，雖然工作並冇預期咁忙，
不過放假日日懶開做大懶豬，所以覺得呢幾日好似嚴重唔夠訓咁，
可能呢ｄ都係放假後遺証。

今日亦都唔算忙，煩煩老闆冇返，家姐老闆晏晝出左街，
心急老闆半停產狀態，變得有少少好似冇咩做，但其實又有好多野等住做，
因為黎緊應該超級忙，因為要寄Newsletter，今日成功迫左心急老闆寫信，
希望可以盡早攪掂開住工先，唔駛下個月迫埋晒一齊做，
好想快ｄ返埋聽日要訓返個飽先得喇。

琴日真係好眼訓，可能剛放完假返工第一日未訓得好，
所以琴日真係攰到眼都撐唔大，好在夜晚一訓落床就訓著，
雖然訓ｏ既時間唔係好長，但熟睡都可以叉到電ｏ既。

返工三日好似仲未意識已經到左十一月，
食飯時仲以為今個月仲係短跑同事負責agency 野，比佢話已經轉左喇，
先醒起依家係十一月，真係放假都放到懵懵地，
但返工三日都唔算太忙，因為家姐老闆先前簽單都交晒，
不過佢又有ｄ『飛來蜢』客揾佢，我都希望ｄ客有著落啦，
咁對佢追數真係有好大幫助，又係果句，我都想佢追夠數，咁就大家happy 喇。

今朝返工喇，真係唔願起身，好在今朝都唔係太涼嗟，
朝早交通都好順利，因為時間尚早，所以都食埋早餐先返，
因為怕返去有一大堆野ｏ係枱面等緊我，真係連麵包都食唔切，
結果返到去枱面冇咩，不過個手袋都未放低，家姐老闆已經走出黎比定ｄ野我，
冇法啦，佢一向心急，而且又趕住開會，都冇乜所謂ｏ既。

好在有女王相助，放假三日幫我照顧左老闆，幫佢地影印交單，
少左好多手尾做，所以今日都唔算忙碌。
食lunch 時幾個秘書約埋心急老闆秘書食飯，因為佢做到月中就唔做，
所以都想同佢食下飯，因未知稍後佢會唔會好多人約，難得齊人，食左先喇。

今日返工完全feel 到上星期ｏ係女王日記中ｏ既感覺，
雖然果位攪事秘書我見到面都已經唔當佢存在喇，但連帶其中有ｄ agent 都有怪怪感覺，
尤其前細佬老闆一個攪事女downline，之前大家見到都會打下招呼傾幾句，
但今日迎面見到見佢都冇乜表情，我都冇特別叫佢，真係feel 到有ｄ野，
仲直覺覺得唔單止矛頭單對我地三個秘書，覺得會對前細佬老闆甚至個分行都有影響，
因為前細佬老闆個女downline 最鍾意攪事，再加上呢個攪事秘書，有種攪分化攪分裂感覺，
而且仲未必係隔離分行同事仔所講，話攪事秘書話我地呼喝佢對佢講野晦氣咁簡單，
若係因為咁都只係個人恩怨嗟，未足以構成其他某部份agent 用ｄ不尋常態度對我地，
所以一定講左ｄ令ｄ agent 都唔鍾意我地ｏ既野先會咁，先會令ｄ agent 對我地冇乜打招呼，
又或者對我地講事小心左，唔似以往咁自然，而且攪事秘書o係ｄagent 面前扮晒好人攞晒人情分，
相對我地一定係大奸大惡ｏ既啦，亦因為係咁，我先覺得事情未必咁簡單，所以放工同女王傾開偈，
稍後有機會我覺得都同老闆們講下呢件事，就當我係多心或敏感，
唔想日後有咩事時後悔有一早同佢地提起，亦唔想有咩會對ｄ老闆不利，
講真，我地呢ｄ咁ｏ既二打六有咩好得罪丫，最壞打算咪比人炒，有乜大不了？
但只要老闆一日信得過我地，我都留ｏ係度幫佢地手ｏ既，亦唔會怕果ｄ”
攪屎棍”牛鬼蛇神，咁容易比呢ｄ咁低級攪屎棍得逞，咁仲成世界既？唔得唔得！！

今日屋企怪獸先生落香港同朋友食晏，所以放工一齊坐車返深圳，
過左皇崗關口一出關，通常都匆匆忙忙咁上天橋坐車，但今日突然隔離有人拍我膊頭，
心諗咩人咁大膽拍我? 正想用死光眼怒啤呢個人時，
點知一轉過頭發現係怪獸先生舊同事『配音王子』，真係覺得好巧合，
咁都撞得到，原來佢仲早兩日仲搬左上皇崗口岸隔離ｏ既一個屋苑添，
又同我地一樣變埋半個深圳人，佢都話同我地一樣，
覺得搬左上黎心情覺得冇ｏ係香港咁緊張輕鬆ｄ，咁以後ｏ係呢邊又多個朋友仔喇。