歡樂o既時光真係過得特別快，一連五日ｏ既假期今日就到左尾聲喇，
放完今次ｏ既大假如無咩特別事應該要出年先會放喇，
而且聽日返工就開始踏入一年中最忙碌ｏ既時侯。

因為琴日因為又訓過下晏教ｏ既原因，夜晚都未訓得著，
於是一路上網到今朝先訓，中午就訓到十二點幾先醒，
最後ｏ既一日假期冇咩活動，中午都只係ｏ係屋企煮個麵食，
黃昏先出去買餸返黎整晚餐，幾日假期基本上都只係比自己休息下。

聽日又要開始返工喇，其實覺得最辛苦都係一朝早爬起身，
放假幾日都咁懶訓，今晚唔知訓唔訓得著呢？ ^^|||

可能前日夜訓但琴日又冇叉足十二個鐘，又加上去做負離子呆坐左四粒鐘，
所以都幾攰，琴晚十點已經眼睛撐唔大，諗住攤一陣再起身，
不過一訓落床又唔願起身，雖然都好早醒左，但又唔願起身，
一路攤到成十二點幾先起身，跟住煮左麵食再上陣網，
之後再諗住出去行陣街，因為仲襯今日唔係公眾假期人少ｄ，
但係最終我都係行唔晒我想行ｏ既地方，買左對襪同一件衫，跟住就去買餸喇。

今日睇新聞朝早天氣好似幾涼，得十幾度，好在今日放假可以喱ｏ係被竇避過嗟∼∼

咁快又過左三日喇，睇女王日記知道家姐老闆呢幾日戰績輝煌，
所以返工都預期會多左做，不過佢地有成績都好ｏ既，我都想佢地好ｏ既，
因為佢地好就等於我好丫嘛，呵呵∼∼

一放假D 時間就推遲晒，因為琴朝訓到好晏先起身，所以琴晚好夜都未眼訓，
一路都四點先訓，不過今朝都係十二點幾起身，都唔想訓到咁晏，
唔係返工前時訓唔著都唔知點算。

今日唔訓咁晏都係另有一個目的，就係要去整下個頭喇，
不過食完晏仔都去行左陣先去整頭髮，今次最終都係幫襯屋企樓下果間，
上次試過做顏色都ＯＫ卦？而且上次我都問定做負離子價錢，心中有個預算。

我諗今次都算好彩卦？？幫我夾頭髮果個妹妹都幾有心機，
雖然依家我Ｄ髮質都好鬼差好難好似初時做咁靚，不過Ｄ曲髮走晒出黎真係好難忍喇，
依家整完舒服返，未知真正效果係點，可能洗完頭又飛晒起身，
不過只少頭頂同前面Ｄ陰冇咁唔舒服先啦，另外個師父又比左張咭我，
話十五日內可以去免費幫我做個深層護理媧，會唔會真係有咁著數呢？
唔理啦，拎左張咭先算咯。

今日天氣麻麻，時時都落住毛毛雨，整完個頭見個天黑晒，
仲以為好晏添，因為今日冇帶電話，坐左大半日都有Ｄ攰，可能今晚會早Ｄ訓喇。