唔願返工的星期一，家姐老闆好乖咁比返ｄ寄比客ｏ既label 我，
基本上都可以開工喇，不過因為心急老闆果ｄ要加埋ｄ轉換表格等一齊寄比客，
所以都唔可以做得好快，截到今日放工前為止都係寄左廿封左右，
但仲有成百幾封，唉∼真係諗起都頭痕，唯有希望每日都抽到時間做下啦。

琴晚唔願訓，今日唔願醒，訓到成點鐘先起身，
諗住懶唔出去食杯麵，點知有電話響，望一望原來係剛搬到深圳冇耐的『配音王子』，
於是覆個電話比佢，原來今日佢打左幾次黎，不過佢唔知我ｏ既放假習慣，
一定訓到好晏兼訓教一定唔聽電話，所以要話比佢聽以後揾我地最好早一日通知喇。
可惜佢打邂左比我，剛好整左麵，不過快快食完都出去join 佢再去食個tea，
然後陪佢去睇下ｄ組合書架，順便幫自己睇埋，因為我應該又好快冇位坐喇。
不過佢因為未度好屋企呎吋，所以未買住，而佢都叫我地去佢新居坐下，
所以第一次去到ｏ係皇崗口岸附近一個大型屋苑。

呢個屋苑都有十零棟，依家仲開賣緊第三期添，雖然呢度望關口好近，
其實租金比我呢區平，不過都要行十分鐘以上，而且只係活動範圍較局限ｏ係屋苑內，
唔似我住呢邊咁旺。朋友屋企都幾開揚，但下面有高速公路都幾嘈，
但屋內都尚算寬敞，同埋屋苑內ｏ既花園整得幾好，呢度應該都有唔少香港人住。

大家坐下睇埋電視就落街食野，去左佢呢度一間酒樓食野，價錢都唔貴，
跟住大家一路傾偈傾到十點先走。

今晚明顯覺得風大左，聽日都要小心著衫先得喇。

呢幾日都真係幾攰，因為近年尾要忙於陪老闆追數寄聖誕咭，
所以都會催下老闆快ｄ寫定ｄ信，好彩老闆都好乖好合作好快比到ｄ信我，
於是幾咁忙都好點都要抽ｄｄ時間出黎開工，硬係覺得開頭最難，
只要一開左頭就可以慢慢清，因為唔想下個月幾佰封信一齊堆埋黎，
雖然依家只係寄左好少，但至少心理上覺得呢個一年一度偉大ｏ既『希望工程』展開喇，
家姐老闆仲乖拎埋ｄ客ｏ既label返屋企整添，真係要讚一個。

琴晚約左ｄ舊秘書出去打邊爐同埋聚聚舊，唔經唔覺ｄ秘書都離開左成年甚至年半，
時間真係過得好快，可能呢幾日真係懶勤力咁做野，真係幾攰，琴晚一訓就不醒人事，
一直到十二點幾，雖然未叉足電，但都八成架喇。

中午約埋一個內地朋友仔去飲茶，跟住去行左吉豬島再去街市買野，
夜晚煮完飯又覺得幾攰，今晚要好好咁叉足埋果兩成電先得喇。