星期四喇，仲要返埋聽日，真係幾攰，
琴日叫做完成晒心急老闆第一階段ｏ既野，今日難得家姐老闆冇返，
可以抽時間做佢第一階段ｏ既煩野，食完晏去郵政局買完郵票返公司就開工，
好在我好早前已經儲定ｄ細公文袋，年年到年尾例必供不應求，
今年都唔例外，若唔一拎定都唔知得到幾時先開得工。

今日首先要寄晒ｄ日記簿加膠座枱曆，工作雖然唔難做，
不過都花工序，一口氣做做做，臨放工都寄左五十封，已經做左一半，
若聽日有時間做埋剩低一半，咁其他聖誕咭就可以等自己清左ｄ自己積壓未scan ｏ既野先做，
唔駛迫到最後咁一齊先做咁趕，不過一口氣忙完覺得好似個人都乾左，
唔知係咪做到『興』晒，ｄ水份蒸發晒呢？攪到面又乾，口又乾咁，成個人都乾晒∼∼

唔知聽日ｄ人見到寄野個箱滿晒我寄出黎ｏ既文件，
幾十封全部用晒細公文袋，而其他人則冇晒公文袋用，會唔會走去大姐秘書度投訴我呢？？嘻!!

今朝明顯清涼大風左，不過亦唔算太凍，
公司一清早個個開會，都幾清靜，我亦唔係太忙，所以把握時間做野，
幫心急老闆寄信比客順便做埋某ｄ計劃ｏ既轉換工作，最花時間，
但今日覺得完成目標在望，都希望今日可以一口氣做野，
好在因為唔係太忙關係，大約四點左右達標，雖然黎緊仲有一大堆野要寄，
不過工序最多ｏ既一part 做左，其實都仲有手尾跟，但到時先算。
完成左一部份最煩ｏ既野，黎緊就要處理家姐老闆第一部份寄比客ｏ既野，
就係塑膠座枱月曆加信一封，預計聽日要開工喇，一百封唔知要做幾多日，
但只有盡力而為啦。

琴日聽完大家被篤o既消息都覺得幾興，不過訓左一覺之後覺得好ｄ，
至多大家咪傾少幾句，又唔駛死ｏ既，
但又覺得攪事秘書同賤男女downline個『是非竇』近來好似少左一齊結集，
我懷疑我地被篤的同時，有可能佢地都比人話過，因為佢地都冇咁張揚咁班人ｏ係房傾偈食野，
若果真係咁我都覺得公平ｄ，冇可能佢地可以結集一齊傾偈食野我地唔可以，
所以我先前點都要同老闆報案反映，即使等老闆知道我地同佢地唔妥都冇所謂，
只係表明自已立場嗟。

另外今日家姐老闆同我講，佢琴日同『大佬』最高話事人傾開偈，
有同佢提起我冇話坐，但我真係每日返黎做野，而且係幫佢地揾錢，
所以都想人情上可以揾個位安置下我，真係冇位就話嗟，
老闆話大佬連聲話好，又話若遲ｄ大姐秘書出聲叫我搬位時話大佬應承左，
唔知係咪我成日對住老闆『依依哦哦』，投訴左大姐秘書不公平事，連老闆都怕左我煩，
所以幫我揮下，當然我覺得到時未必真係拎到咩位，但至少覺得老闆在意我，
真係為我爭取，即使到頭來好以上次揮個Access 咭咁，到頭來都係爭取唔到，
但老闆肯為我出頭已經覺得好開心好安慰喇，若果唔係怕老闆要出房，
我覺得坐入老闆房都冇乜所謂，反正我同老闆又唔係冇計偈，只係怕要成日搬來搬去煩嗟。

因為琴日接收左信息話唔好成日傾偈，我地大家都為免比ｄ小人咁多閒話講，
大家傾少ｄ多ｄ做野，不過有時真係幾眼訓，尤其係晏晝，
雖然大家都有野做，但大家都話有諗訓著ｏ既感覺，不過我諗好快就要同佢地分開喇，
到時唔知坐ｏ係邊，所以都要珍惜依家坐得近同埋咁方便用printer先得喇。