琴日四點左右早走，因為要去參加怪獸媽ｏ既喪禮，
不過臨走都唔少野做，密密手咁做野，但做唔晒都唔理佢喇。

怪獸媽o係十一月尾，因為感染細菌發燒入院，其間病情反覆，
一向已中風有病ｏ既佢雖力戰病魔，但最終都係與世長辭，
不過佢眾子女表面都冇太大的哀傷，或者年事已高，離開都係遲早ｏ既事，
興幸去得安祥。

聽怪獸家姐姐講，本來一向信佛的怪獸媽臨終前信左主，
其實又覺得有ｄ．．．．不過，其實都唔緊要，都係一種信仰，
而亦因為咁今次用基督教形式舉行喪禮，禮節一切從簡，
琴晚舉行左一台追思禮，怪獸家中有信仰ｏ既家人都有唔少佢地ｏ既弟兄姊妹參加，
令本來親朋唔多的怪獸家可以唔駛咁冷清，
不過最有感觸都係有段由怪獸兄弟姊妹對怪獸媽的追憶，
真係覺得佢地以前年代ｏ既女人真係偉大，可以捱住苦咬實牙根獨力支撐頭家養大ｄ仔女，
仲係無怨無悔，坦白講比著我都覺得好難做到，慶幸係仔女雖然唔係有咩大成就，
但個個總算孝訓知道阿媽ｏ係辛勞，亦慶幸佢雖勞苦一生，但總算兒孫滿地。
追思會完左冇諗，本來一齊去食飯，不過我地唔想太夜，所以寧願早ｄ返過黎。

今朝出殯時間唔算太早，我可以比平時訓多兩粒鐘，但因為ｏ係大圍ｏ既緣故，
所以ｏ係羅湖坐火車，或者我坐憤左過境巴士好快，坐火車真係覺得超慢，
明明唔眼訓都坐到眼訓。

火葬儀式大約十二點半舉行，之前有簡單的禮儀同家屬獻花，
最後一下按鈕就同怪獸媽永別，不過，雖然我並唔係宗教的支持者，
但我都相信人死左可能真係可以擺脫人世間的煩惱同身體上的痛苦，
雖然，死者好似從此ｏ係呢個世上消息，但精神同回憶ｏ係家人心中長存，
真係去左另一個極樂世界過住無憂無慮的日子，每個人將來都一樣要去果個地方，
所以，有時覺得真係人生苦短，最緊要盡量令自己ｏ係呢匆匆數十年過得開心快樂，
唔一定要有很大的成就，又唔一定要好多錢，凡事都唔好太強求，咁都算不枉此生喇。

＊　＊　＊　＊　＊

唔知係咪早兩日訓教『付』被冷親，琴日都有ｄ喉嚨痛，呢兩日又比較攰，
唔多舒服身體弱左兩日ｏ係靈堂冷氣又比較凍，所以病上加病，
家陣好似有ｄｄ發熱／發燒添？？本來配音王子話今晚一齊食飯，不過我都冇乜精神理佢，
等怪獸自己同佢食飯算喇，打埋呢篇日記我都要上床早ｄ訓，
要抖返夠好好趕走病魔先得。

琴日未訓夠，晏晝要補個眠先ｏｋ，
今日都又訓到十二點幾先，後來又去食甜品加炒飯，
食完都成三點鐘，街市好多都未開晒檔，所以諗住去吉豬島行下，
不過左陣已經覺得好眼訓，於是求其去超市買ｄ即食麵今晚做晚餐算喇，
因為都好眼訓，雖然諗住唔想訓晝教怕夜晚訓唔著，
但返屋企對左電腦一陣都係頂唔順要補左陣眠到七點零起身先整野食，
可能我真係太懶惰，放假訓唔夠十二粒鐘都唔夠，琴日食飯時細佬都話我，
自細都係訓到唔食晏都唔捨得起身，嘻嘻！！我實在太鍾意訓教喇，
但覺得都應該係一件好事，幾多人有失眠都不知幾痛苦，
所以我依然樂意做一隻大懶豬∼∼

呢個星期公司頻頻努力整老闆o既newsletter 真係幾攰，
琴日雖然係星期五，但老闆又鬼咁多野做，到臨放工都未清晒，
但都唔理下星期先算喇。放工約左細佬，佢放假所以去我度住一晚，
琴晚比套覺得唔錯ｏ既『變型金剛』佢一齊睇，睇完都成三點先訓，
雖然今日都訓到成十二點都好似未夠喉，去飲完茶返黎再補個眠先好好多。

琴日比『配音王子』激死，臨放工打比我問我今日會唔會方便幫佢去補拎張sim 咭，
事緣佢早幾日比人扒左部手機冇晒ｄ電話號碼，但佢話去ｏ既地方又唔近我屋企，
再者內地同胞做野一向散慢，去攪一樣野分分鐘攪你半日兼且可能你去到話今日冇得整，
於是我問佢星期日果度有冇得整，點知佢比我ｏ既答案係佢想早一日拎到張咭，
其實都有ｄ閔，佢冇諗過因為自己唔見野但又想早一日拎張咭，
就要煩麻朋友花上半時間去幫佢攪，若果佢比我ｏ既答案ｏ係星期日唔開都話丫，
於是我話我未必得因為細佬呢兩日ｏ係度，同埋叫怪獸先生再打比佢，
叫佢send 左個地址比我先，後尾佢send 個地址比我真係好長，
之後我同怪獸講，佢都叫我咪鬼理佢，有時佢太婆媽，佢第日同佢傾開偈先好好同佢講下，
不過今日六點幾佢打黎，話張咭已經拎左，不過冇問到佢係自己去拎定揾人幫手，
但都唔理佢喇，有時做朋友唔係唔想幫手，但唔可以因為佢自己『懶』而而揾人幫，
又冇諗過會阻左人同埋花左人地時間，加上佢係一個堂堂男人黎家嘛，
我地女人都冇佢咁下下要揾人幫，咁真係好唔得，第日一定要好好話下佢先得喇。