＜＜老闆送的米妮毛毛公仔手信＞＞

＊　＊　＊　＊　＊

琴日家姐老闆話今日點都抽時間返下公司清野，
結果佢接近十一點返到黎，跟住同佢傾左陣偈又八卦下佢先開工，
老闆送左隻米妮毛公司比我做手信，佢話係佢兩個仔去玩遊戲『潛』返黎，
冇所謂啦，有心都好開心。

可能老闆太耐冇ｏ係香港，follow 返ｄ case 淨係講電話都排講，
我地兩點食完飯返黎佢都未出去，跟住佢又講左ｄ旅途中同阿媽ｏ既野，
佢話有時真係好忟憎，咁我都明有時同阿媽唔同年代觀念ｏ既人有時都會有衝突，
好似我同阿媽返鄉下都會好多忟憎野一樣，仲有老闆仲八左細佬ｄ事比我聽，
不過真係佢唔講我地唔會知，因為佢細佬始終係男人，好多野未必會講出黎，
咁我都明白ｏ既。

今日都幾多野做，但好在都係瑣碎事多，都唔駛太花腦筋，
仲叫做可以一邊傾住偈一邊做，五點左右又接到家姐老闆電話，
今次佢向我吐下苦水，話佢一個老同學保險因生意上ｏ既野話佢，
一傾就傾左接近半個鐘，佢話想揾人吐下苦水所以打比我，
我話我地聽老闆吐苦水都係工作上ｏ既一部份黎，佢地肯講我咪聽囉，
不過佢地兩姊弟都有ｄ野好相似，就係有時鍾意打電話比秘書傾偈，
就好似前細佬老闆打比女王發一輪傻咁，但我覺得咁都好，
好似同老闆ｏ既關係冇咁隔膜，相對同煩煩老闆比，佢就係屬於老一代ｏ既人，
剛剛相反，好少講公事以外ｏ既野比我聽，所以做野上黎都冇咁夾。

聽日返工又要繼續努力清野咯。

星期一喇，今日ｄ老闆回歸喇，一朝早返到去已經見枱面有工作做，
不過就唔多，最主要係有ｄ我未拎比佢，諗住等佢返黎公司先，
煩煩老闆都去左旅行返工，好似心情幾好咁，但把聲就沙晒。

今日同心急老闆傾偈，問佢上星期去照左ｂｂ情況點，知道仔定女未，
佢話係囡囡媧，其實仔女都冇乜所謂啦，最緊要係健健康康，
況且佢本身都有個囡囡，將來兩姊妹感情可能會好ｄ。

今日全日都唔算好忙，係不時都有野做，不過聽日肯定忙死，
因為家姐老闆好多文件等住佢處理，當佢處理完後就輪到我捱喇。

臨放工本來諗住整埋ｄ手尾先走，點知家姐老闆打黎，
問我佢今次請星期五ｏ既假趕唔趕得切？我話ｏｋ呀，
之後同佢講佢放假三星期都發生左ｄ事，佢立即好好奇咁咁我八下比佢聽，
我就將隔離分行決裂ｏ既事話佢聽，仲有大秘書同ｄ分行秘書唔ｏ岩ｏ既事，
仲有我個位同埋大秘書不公平拎位ｏ既野大概講左比佢聽，
不過因為時間關係，我都只係大約講左ｄ，其實仲有好多呢，應該揾次同佢慢慢講先ｏ岩。

本來諗住做好ｏ既野先走，就係講左八卦野做唔切添，嘻！！

<<今日最大雨時影到閃電劈中賽格廣場＞＞

＊　＊　＊　＊　＊

放假最開心係訓可以訓個飽，中午有出去食野，只係屋企煮麵食，
跟住洗下衫又上下網，本來今朝都仲幾好天，不過到晏畫開始轉差，
而且仲落起大雨黎添，真係超大雨，大雨到望出去附近ｏ既樓都唔清楚，
又不斷行雷閃電添。

因為依家屋企有露台，所以可以企ｏ係屋邊睇下雨景，
今日閃親電都好勁，雷聲又響，望到不遠好高ｏ既『賽格廣場』幾次被雷擊中，
於是貪得意拎部手機出黎影，咁ｏ岩都影到一下閃電又劈中賽格廣場，
但因為雨太大視野好朦，同埋影出黎ｏ既質素唔太好，所以睇得唔係太清楚，
平時我好少影moive，今次叫做試下影左啦。

夜晚都係去樓下新『飯堂』食飯，好似好多野都幾好味，
可以慢慢試晒佢都得咯∼∼