又到左星期一，雖然琴晚夜訓，不過都好快訓得著，
今朝落住毛毛雨，感覺好悶。返到公司一早就有工作，
於是快手快腳咁去清理，臨到食lunch 家姐老闆就比一堆Quotation我準備，
雖然話ｄ quotation到今個星期五、六先用，
但一日唔做左佢先都唔係咁安落，怕跟住幾日有未可預計的忙著做唔切就弊。

不過，又話雖如此，但家姐老闆一向習慣一出Quotation 就十個八個，
因為可能一個人出兩個，一個family 可以出成六至八個，
所以最好有足夠時間去準備。

老闆佢地個group 要ｏ係今個月內追到成一百萬數，不過呢兩個月都冇咩人入單，
幾個老闆要咩ｄ數都幾大，淨話半個月都唔知趕唔趕得切，
但淨係知道家姐老闆一追數我都跟住要陪跑咁，
不過，唔知最後會點呢？

<<仔仔變成左黃黑色蝙蝠仔＞＞

＊　＊　＊　＊　＊

琴晚好大霧呀，大霧到好近ｏ既大廈都見唔到，
今日我訓到十二點先起身，跟住去左港式快餐店開餐加睇報紙，
嘆完報紙都三點，跟住行過兩步去購書中心八下，
諗住睇下ｄ煮飪書睇下有咩idea。唔知係咪今日星期日加天氣唔多好，
個購書中心都幾多人，逗留左一個鐘左右先去街市買野，
今日冇咩新餸整，但琴日試整的蜜糖雞翼自己都覺得唔錯，今日再整，
反正我咁鍾意食雞，嘻！

返到屋企都冇咩做，拎左ｄ買返黎的卡啦ｏｋ DVD出黎，
不過唔係唱ｋ，只係聽下聽，反正ｄ歌都係原唱ｏ既。
今日都係叫做無無聊聊咁過左一日。

＊　＊　＊  ＊　＊

我養的水滴仔『仔仔』今日終於變左色，
係好sharp o既黃色加黑色，頓時覺得襯在深色的背境牆紙前變得好突出。
唔知下次變身會變成點呢？會唔會有豬鼻又或者曲髮呢？
不過都要耐心養一段時間先會知結果喇。

今日又做懶人訓到十二點先肯爬起身，
跟住去左飲茶，今日冇去行花卉世界，
因為過年後佢地好似都未返返多ｄ花花，所以下次先再去，
晏書就坐左ｏ係部電腦前面肚周圍遊走，
仲揾左好幾個靚靚電話theme 落黎，得閒又可以幫部電話扮下靚。

到五點幾又走左去街市買餸，返到屋企就煮飯，
食完飯後又洗下衫，冇乜特別的一日，
不過今日發覺好潮濕，電梯度走廊出晒水濕晒，
望出去又好大霧，睇黎悶悶潮濕的春天又黎到喇。

我養第二代水滴仔仔已經長大，聽日有可能變色，
唔知會變成點呢？好緊張呀∼∼ ^++++^