終於到左星期五喇，返埋今日放兩日假，太好喇。
今日都唔算多工作，因為家姐老闆冇返，其他老闆都唔太多野做，
不過就要好好善用埋今日清野，若果唔係家姐老闆返黎就冇乜機會喇。

做下ｄ濕碎野，去埋bank 接近四點，返黎幫心急老闆交埋張單後，
都要將自己一ｄ文件清理下，因為已經好多過晒警戒線，
雖然都拎左唔少文件去碎，但文件實在太多，只係令水位退左大半左右，
唔知幾時先有機會再清。

五點鐘左右收到家姐老闆電話，佢去完仔仔學校開完家長教師會返黎，
話有份會議紀錄比我打，因為學校個書記唔知乜鬼野媧∼∼
吓？又要打呢ｄ，雖然唔係常常有，不過，呢ｄ始終唔係屬於工事，
雖然家姐老闆猛話唔好意思要麻煩我，但講真真係唔太想做，
後尾開左老闆個fax黎講，個手稿改到花厘花碌，星期五的五點幾，
我真係完全冇mood 去做，因為要打唔難，但煩在要花腦筋去慢慢睇，
雖然老闆話想星期一要，不過真係sorry 都係咁話，今個星期收爐喇，
只多下個星期一返去先努力過∼∼

＜＜淺粉紅的玫瑰洋鳳仙開始開花喇＞＞

＊　＊　＊　＊　＊

＜＜玫瑰洋鳳仙襯波斯菊＞＞

＊　＊　＊　＊　＊

今朝返到公司未夠九點，接到細佬老闆電話，原來隻老闆今朝唔知醒，
趕唔切返黎帶ｄ新人，又叫我同人講佢塞車未返到，
隻老闆真係曳，咁爛訓到有，仲叫我講ｄ咁寒ｏ既籍口都有ｏ既，
係人都唔信啦，所以我冇照佢咁講，只係話佢屋企有事未返得到黎。
不過最離譜都係坐隔離果個八卦大嬸，成九點半先返到，真係咩態度？
咁不負責任都得ｏ既？ｄ同事問我駛唔駛打比佢，我當然唔會打比佢，
打比佢咪又係指我地幫佢補鑊？我才唔會咁蠢，我照同ｄ經理講佢未返囉。

朝早家姐老闆返黎交單，不過唔係留左好耐就走左，
煩煩老闆例星期四係唔返，而心急老闆今朝又冇返，
所以難得幾個老闆都唔ｏ係度，手頭又冇乜特別野跟，
於是立即娟入心急老闆房度努力咁file 野，因為平日老闆好多時都ｏ係度，
努力左大半個上晏都叫清左ｄ最篤眼篤鼻ｏ既野，不過半路女王求救，
原來細佬老闆晏晝要比公司ｄ人睇佢早兩年整ｏ既program，
當時我有份幫佢整理powerpoint，仲係個惡夢添，所以我都幫女王手去setup，
不過食飯返黎努力裝左個program 去借黎的notebook，
但最終都係要借女王部電腦，真係白攪一場。

跟住都繼續努力咁scan野，難得都清左一堆仔，
只係半途比家姐老闆比細佬老闆的一個sms嚇親，
因為話佢架車比人撞左，好彩我打去比佢接電話，知道人冇事，
只係車尾比人撞左，但佢呢排真係有ｄ黑仔，冇耐前撞左車頭，
今次比人撞車尾，又要洗錢，唯一慶幸係人冇事囉。

臨收工細佬老闆打比女王傾電話發傻，唔知係咪冇生意到傻左，
係咁捉住女王傾無聊閒偈，阻住人地收工，真係丫，
佢千奇唔好再唔知醒添呀，唔係我同女王一於『大義滅親』告發佢∼∼嘻！

今朝訓醒起身開著電視，望一望發現今朝得十一度，
嘩！駛唔駛跌得咁低呀？雖然話三月份仲會凍都正常，
不過呢幾日ｄ温差真係太大喇。

今日唔太多野做，最主要係家姐老闆冇返同埋少打電話比我，
所以先有機會抽到ｄ時間出黎scan野，都已經好好架喇。
晏晝心急老闆問我，佢好唔好請多個人返黎scan野，
其實我都覺得冇乜所謂，因為依家我只係scan 到新ｏ既野，
佢ｄ客舊文件係完全冇時間去做，因為若要認真去scan，
應該係一日八個鐘做scan 野先有機會做到，仲係要做三兩個月果隻，
因為心急老闆大大話話有幾百個客，一個客可能有唔少文件，
真係有排做，不過最大問題係要有scanner 比佢用，
除非ｏ係放工後揾人做啦，不過到時先再算喇。