＜＜我揀比老闆的繡球花＞＞
＊ ＊ ＊ ＊ ＊
真係幾日假返工就做返夠本，呢兩日都做到幾攰，
夜晚十一點左右對眼都幾乎睜唔開，
今日依然係清唔晒ｄ野，或者因為一堆堆文件影響心情，
不知從何入手。
今朝心急老闆比文件我整之餘，拎左張咭仔比我，
叫我一陣去買束花比家姐老闆，佢話家姐老闆呢排唔係好開心，｜
想買束花送比佢tum 下佢開心，咁呢樣我都知，
因為過年時又同大仔嘈交，於是我探聽左家姐老闆未走，
立即走過對面街市花檔買花。其實我冇咩心水，
只係睇下一ｄ已包裝好ｏ既花邊ｄ靚，我一去到就比一束繡球花吸引，
諗左一陣，就決定左買果束，比完錢叫花檔可以送黎喇。
返左去一陣有ｄ驚家姐老闆會走，於是專登走佢間房八下，
冇耐聽到老闆電話響，似乎係ｄ花到左，於是立即走左出房門口出面偷聽，
知道真係ｄ花到，立即閃人走左去，於是老闆要自已出去拎。
又過一陣家姐老闆叫我去佢度比ｄ文件我，然後同我講心急老闆個傻女送花比佢，
跟住我問返老闆，問佢ｄ花得唔得，老闆先知係我去訂，
佢笑住話我做咩唔阻止心急老闆，要佢浪費錢？我答做乜要阻止佢，
心急老闆諗住想tum 下佢開心嘛，家姐老闆猛話浪費錢，
我話雖然用左錢，但開心咪得囉，我又話心急老闆琴日老公都送花黎，
家姐老闆話老公送又點同呢？咁我話唔一定要男人送嘛，
女人送比女人都得格。家姐老闆仲笑話比人誤會有人追就死火，
我答佢怕乜鬼嗟，真係比佢笑死。
不過睇見佢兩個感情依然好都覺得安慰ｄ，
只少冇因為舊年大老闆事件而影響友情，聽家姐老闆講，
細佬老闆個女出左世時，心急老闆仲封左封大利是比老闆女，
雖然舊年發生事時，初頭心急老闆嬲左細佬老闆，
好彩依家都仲當細佬老闆係自己細佬咁，希望佢地幾個感情依然好啦，
咁唔單止佢地好，我都好嘛，唔駛夾ｏ係中間難做人，嘻！
夜晚返屋企食飯叫左條魚，唔小心哽到魚骨，依家都仲唔上唔落，
好唔舒服呀∼∼
| 
