因為尋晚係咁執相既關係..執到成2:00先訓覺..好鬼累呀

今日11:10先起身..因為*寧寧*打俾我..不過唔緊要喇

之後就整下野同埋食野..下晝3:00約左寧寧同楊爸爸打羽毛球

係路口果陣撞到楊爸爸..之後就入去體育館book場喇

但係冇呀..羽毛球最快都6:00..乒乓球最快都要8:00先有得打

之後楊爸爸車我地去''舊咖啡灣''打沙灘排球..好鬼死熱同埋曬

初初我地去左個樹蔭度打..但係俾個救生員話囉..叫我地去場打

但係果度好曬囉..我地都係猜陣波咋..之後4:00就走喇..去買野飲

嘩..見到隻狗呀...嚇死我喇..我同寧寧都係咁整呀SIR件衫衫

買完野果陣又見到果隻狗喇..我同寧寧都差唔多整死呀SIR

之後呀SIR就車我地返兆禧..我同寧寧去打羽毛球..有場呀

打到5點幾..俾D細路激死..佢地好黑人憎呀..之後同寧寧去卓麗

又見到倩怡..之後就去喇..寧寧想買我D褲..但係買晒喇

之後傾1左陣就走喇..去買野食..但係我要等埋呀媽買喉糖

之後返屋企喇..唔知聽日又打唔打羽毛球呢??

尋晚1:30先訓..之後今日11:00先起身..之後換衫食早餐

落去''千味''又見到上次個小朋友喇..佢好可愛呀..QQ唷

落到去其實係冇早餐架喇..但係個姐姐話得呀..咁就好喇

食完野去行左陣就返屋企喇..開電腦..部電腦初初打唔到字

之後我就係咁整部電腦喇..終於攪掂喇..之後我家姐又霸電腦

又同''王子''同埋''姵妏''玩MSN..王子俾我改左個名呀..叫做白白豬

2:20同''姵妏''去悅湖買野食..我就買左杯野飲..不過好難飲

之後就返屋企喇..玩左陣電腦又訓左..7:00先起返身..睇電視

本來落街食飯但係因為要睇電視..所以叫外賣..又洗白白喇

呀RAIN好靚仔呀..諗起呀SIR下晝打黎果陣話佢唔靚仔

我都有D想打佢既衝動囉..之後獎門人都好好笑呀..之後就

係冰之驕子..都好好好睇呀..我呀媽肯買銀包俾我喇..係我睇中好耐既

WESTWOOD..本來諗住自己俾錢買..點知佢話簽咭..YAYA

我話我唔會俾返錢佢..佢冇出聲..哈哈..好開心呀..YAYA

琴晚成３：００先訓．同呀ｓｉｒ傾電話．但ｃｕｔ左佢線

今日８：５５就起左身喇．之後我就返屋企刷牙同埋換衫

９：３０就出門口喇．約左＊姵妏＊同埋＊倩怡＊係樓下等

之後＊姵妏＊走先．因為佢約左＊皇子＊．所以去接佢先

我同芷瑩就係度等＊倩怡＊．佢遲到．罰佢拎波袋．好衰呀我

之後就行去＊體育館＊．又見到＊皇子＊佢地喇．一齊行去喇

又見到１個新人．佢就要等姨姨．去到我地就入去喇．猜波先

之後就練野喇．練練下發生少少既誤會．好彩唔係真係．嚇死我

之後又練下開波同埋接一傳喇．１２：００就練完喇．又要訓話喇

訓完之後．芷瑩喊呀．唔好再提喇．不過芷瑩你都唔好唔開心喇

之後去左新屯中食飯．幾好食呀．不過就酸左少少．又等寧寧拎野

之後就行返去＊凱文＊屋企．我又咬＊皇子＊．我仲．哈哈哈

鍚左＊皇子＊一啖呀．ｋｅｅ．因為佢屈服於我．呵呵呵呵

上到＊凱文＊屋企打麻雀呀．都幾好玩呀．不過就難左少少囉

平時我成日都食雞糊．但係今次唔可以喇．我地要做牌呀

呀ｓｉｒ又打左鋪．４：５０就開始開會喇．６：００就走人喇

暑假好多日都要練波呀．不過就算要練波．我都會去浩悅先

因為我學校果隊打得不是太好．真係好唔掂呀．攪到我成日發脾氣

夜晚同*皇子*傾左個半鐘電話．雖然悶左少少．但係可以傾咁耐

原來佢唔係成日傾電話架．佢真係好得意呀．又多個傻婆喇

Ｐ．Ｓ大家唔好誤會呀．皇子唔係男仔黎架．係女仔黎架

今日成１０：３０先起身．好驚呀．因為我發左個恐怕既夢．關於凱文

攪到我突然好想見下＊凱文＊．不過唔開心就唔好提先喇

今日收到＊寧寧＊既信．我咁乖就梗係啦啦聲回信喇．聽日俾你

之後又有人上黎屋野喎．唔知個廁所咩野．又整到１２：３０

之後又要執返ｄ野．又沖涼換衫喇．等芷瑩返黎一齊出去行街

呀媽又要做野就落左去．１：３０我就出門口喇．等埋芷瑩

之後我地就係呢個車站等喇．今日因為係１／７既關係呀

大塞車呀．係架車度等左好耐呀．係架車度好肚餓呀．慘囉

成三點幾先出到去．之後啦啦聲左去食野先 ．去左＊大家樂＊

食完野就行街喇．去左＊宜家家私＊行呀．好好玩呀．癲左呀

我同芷瑩都影左好多相．成個大細路咁．ｋｅｅ．低低地既

我呀媽同芷瑩呀媽都好天真呀．諗ｄ野都係一樣架．好好笑呀

之後又買下野食同埋搭車返去．又無啦啦落大雨喎 ．討厭呀

返到去都８：００喇．就沖下涼同埋執聽日既野喇．跟住呢

落左去搵＊芷瑩＊喇．之後過去＊呀媛＊屋企訓呀．又睇電視

好好玩呀．又睇電影呀．＊新紮師妹２＊．都好好睇呀．好好笑呀

睇完返一返屋企刷牙．俾呀媽嚇一嚇呀．冇啦啦行出黎喎．嚇死呀

之後就過呀媛度喇．聽日又去練波喇．９：００就要起身喇

今日本來話同呀ｓｉｒ食宵晚．但係冇左件事呀．哈哈哈

今日本來要９：0０起身．但係我遲左呀．到芷瑩打俾我先醒

之後啦啦聲換衫整野．要＊芷瑩＊等我．真係對唔住呀．ＳＯＲ

之後我地一齊去搭輕鐵喇．去到都係１０：４５到姐．就拎房喇

對面房果Ｄ原來係芷瑩Ｄ　ＦＤ．真係岩喇．我同＊芷瑩＊好癲呀

特別係唱＊不死傳說＊果陣呀．拎晒叉果Ｄ．低低地既都．ｋｅｅ

之後１２：１５果Ｄ人叫我地埋單先．就俾左＄９０喇

又啦啦聲打俾＊倩怡＊．佢係咁趕過黎．因為叫左野食幫佢

但係佢都係趕唔切呀．佢真係慘喇．因為冇食又冇唱．慘呀

但係佢都要比返＄３０我．我地都想等埋佢架．但係唔得

因為果度Ｄ人趕我地走呀．之後去左搵＊倩怡＊．陪佢食野

食完野就行左一陣．之後就上＊芷瑩＊屋企．上去打麻雀呀

又等埋＊倩怡＊．佢返屋企換衫．我地３缺１呀．又搵唔到人打

６：２０我地先走．我地送埋＊芷瑩＊上去．先返屋企．ｋｅｅ

返屋企沖涼同埋食飯．又睇下電視同埋玩電腦喇．今日有ｒａｉｎ睇呀

＊東張西望＊有佢既訪問呀．．佢真係好靚仔呀．又跳舞勁喎．好掂呀

今日係３０／６喇．咁就過左半年喇．下半年一定要更開心呀．ｋｅｅ