已經過左好多日，
但我既決心仍然無變，
事不宜遲，長話短說，碎碎念開始－－
首先個主題已經離曬譜!!!
呢個主題－－懷舊無幾年前已經玩過，
今年仲要正式咁玩多次(=口=)
Cosplay就做得好
今年cosplay我廷滿意，
有唔少我識(一般香港人都識)既人物，
例如朱古力、愛德華(cos得超嘔心，愛德絕∼對不是這樣!!!)、
王君韾扮亞夢、鄭融扮草菇&周柏豪扮花輪同學，
佢地3個套衫&鞋我都很喜歡~
佈景簡單得黎幾好!
佈景有: 哈姆太郎、小丸子、月野兔、比卡超、悟空、??
大約就是這樣~~
留意鏡頭既左邊有一棵樹(=口=)
由40年前跳飛機唱到現在共30首動畫歌
我認為今年安排歌手唱返D近10幾年既歌做得好!
但有D歌手既唱功我有所保留. . .
好似有: 外星曚查查(仲要原唱出現>>> 姆指)、足球小將、龍珠、
崖上的波兒(?)－－至少有2次走音、飄零燕－－唱得麻麻、
千年女王、我係小忌廉、爆烈旋風－－唱得唔夠城城好!
長腿叔叔(有原唱出現>>> 姆指)。
大量動畫人物公仔出現>>>
今年另一樣做得好係出左大量大量動畫人物公仔!
好似有小雲&則卷千平等等~~
又有流行曲冒充兒歌增加出鏡率
已經唔係第1次，真係超厚面皮. . .
好明顯呢首唔係兒歌係流行曲!!
雖然" 時光之光" 係好好聽，
但再好聽都唔可能扮兒歌囉!!
究竟仲要安排幾多首歌先至夠?
佢既出現係整個活動上擺明就係陪企，
唔係無兒歌所以搵流行曲頂替呀?
商天娥夾口型
見到商天娥真火，
之前我都無咁憎佢，
真係越肥越憎(=口=)|||
我仲好記得佢舊年個表演臨尾衰左果下(=口=)|||
今年好似仲衰?起碼舊年真係出過下力。
" 花師奶" －－《我們這一家》真係比佢影衰曬. . .
其實首op2係幾好聽，
不過佢唱得好難聽. . .
好心就唔好唱啦，仲衰過薜家燕. . .
唱得衰都算，仲要夾口形，
佢係唔係路呀? (=口=)"
我想講唔只佢一個夾口形，
記得一開始既小儀、陳茵嶶都有!!
都唔知佢地係唔係認真唱?
依加就好似係公司比歌佢地佢地就格硬唱，
根本就唔係唱緊歌(=口=)
龔嘉欣唔識做主持－－疑有拜安德尊為師
我睇到龔嘉欣做主持. . . 唉. . .
佢就發啦，
公司比機會佢，不過佢好唔掂，
睇見佢就好似睇到安德尊咁. . .
做咩要嗌呢?
仲要嗌得咁核特(=" 口=)
－－果然係徒弟－－嗌得無咁勁(=口=)
講野懶神秘，效果又唔好. . .
不如正常返D啦(=" 3=)
薜家燕又攞獎啦(=口=)|||
佢真係好似唔識個" 醜" 字點寫?
李家仁醫生同陳以誠醫生都識收山啦－－雖然唔知幾時又出現返(汗)
佢首歌可以係好聽，但無兒歌feel囉，
仲加埋D Rap懶潮咁，
又Rap得鬼唔搭八似的. . . 完全唔mach!
絕對唔接受呢種歌做兒歌!!!
點解兒歌一定要咁有教育義意?
仲要D義意咁低層次(=口=)
徐子珊造型直逼o靚模
點解要扮Barbie?
好明顯係2D野，幹嗎挑戰3D野?
仲要係我眼中根本連動畫人物都不如(=" 3=)
小朋友節目就唔好著到咁性感啦. . .
同首歌－－動畫既形象更加大出入. . . . . .
失．敗。
我最鍾意臨尾出現既胡渭康哥哥!!
雖然我唔係好識《黃金戰士》呢首歌同卡通片，
對於胡渭康哥哥更是第1次見似的(?) . . . . . .
但佢唱歌真係好正!!!
歌詞填得超好! 同依加D歌比(依加D歌)真係拍馬都追唔上(-_-)
最尾個大獎竟然比廖碧兒(=口=)
佢唱得係Okay,
但無資格攞囉，比王祖藍都無咁嬲(="=)
擺明係TVB存心咁做!!!
- - - - - - - - - - - - - - - - - - - - - - - - - - - - - - - - - - - - - - - - - - - - - -
以上－－全屬我個人主觀，
您絕對有權唔同意!!
~~其實今年因為工作同錄影帶既關係，
我睇唔曬，
我覺得好可惜－－雖然我彈左唔少野. . .
總之. . .
無論何時，
我都希望睇返呢套野!!!
如果您有途徑請告訴我，
謝謝 m(_ _)m
但. . . 點解陳偉霆要唱《鋼鍊》op?(=[ ]=)
Eason唱得咁吸引既" 不死傳說" 點解要由陳偉霆唱?
太過分了(T^T)
佢完全唱唔出個韻味. . .
仲有就係>>>>>>10首歌有9首都唔係原唱，唉. . .
| 
