自尊

每個人都有生存目標，價值，享受人生的方式！而享受人生就要有本錢．．．本錢是指本身的價值即是金錢吧．．．．而還有一樣就是天賦了∼而我自己的生存目標．．．價值和享受人生的方式．．．還未清楚呢！！但是．．．我現在最想的是．．．做好自己的本份！！充實自己就是我現在的目標了！！如何充實自己呢？！

今日．．．因為小明幫所以買左啞鈴！佢話平ｄ喎∼我遲ｄ比返錢佢！＄３４０∼又爭人錢啦！之前小雪隻碟都＄１５０呢！！加埋都＄５００呢∼想死也！因為小明．．．我學左一ｄ野∼佢話佢唔衰得∼同我一樣呢∼不過．．．我唯一一樣唔同就係．．．．我唔衰得但我怕失敗！因為呢個原因．．．．阿媽佢地先會睇死我買左個啞鈴返黎唔會玩好耐！！我好唔服！唔想衰比佢地睇∼但我又知自己冇乜恆心去做呢∼冇呢個慣性去做呢樣野也！搞到自己．．．要迫自己去做∼比壓力自己先做到野出黎比人地睇！！我返呢份工都返左十幾日啦∼仲係戅居居咁企係到∼唉．．．太唔識得去醒ｄ啦∼老豆又係咁話我∼出到去做野又係咁！！我可以點樣改善？！留意多ｄ人地整野∼知要攞乜比佢地∼同埋知道ｄ步驟就ｏｋ嫁啦∼點解我都做唔到呢？？係要比人慢ｄ先學到野？！做咩都慢過人∼點出黎做野也？覺得自己月黎月唔掂啦．．．好想去改變自己．．．太屎啦我∼買左啞鈴又點？？我真係有恆心咩下？！唉．．．買個啞鈴返黎既原因有幾個．．．第１∼想操ｆｉｔ　ｄ啦，做野起碼大力ｄ也ｍａ∼第２∼著件ｔｅｅ都好ｄ啦∼我本身個膊頭斜到乜咁∼Ａ字膊咁∼第３∼想減肥呢∼就係咁多啦！！

愛情．．．有咪追ｌｏ！冇？！算啦∼自己暫時都唔知自己想點也！！

清純

幾日冇打ｌｕ！做節個日夜晚趕左過去阿ｃｈｒｉｓ屋企！打牌呢∼ｋａｋａ！打到第２日朝早∼我輸左４０幾雞∼阿榮勁也！ｗｉｎ左４００幾雞喎∼之後返到屋企大教訓ｌｕ∼訓到４點幾到．．．姑姐佢地黎左我屋企打牌！！就係咁過左呢個放假日呢∼真係正呢∼好想訓飽佢∼好大個黑眼圈呢∼唔制也！！好７７呢∼＝ｏ＝

我終於買左件ｓｔｕｓｓｙ既ｔｅｅ！！＄３２０∼個款幾正嫁∼真係值呢∼ｈａｈａ∼黑色嫁！！不過我仲有好多野未去買呢∼想買ｄ茶黑眼圈呢∼（貪令令也！）肯定好貴定啦∼我終於買返小雪第１隻ｅｐ啦！不過好貴呢．．．＄２５０呢（全新呢）我落左＄１００訂！

我發覺．．．七十一個女仔好令令好清純呢（樓下商場個間呢）不過阿怡（漫畫鋪既）話佢有男朋友喎！我真係唔知呢！我會每日放工都落去睇下先∼ｋａｋａ！睇下佢個清純既樣也∼佢又高啵∼不過佢個樣好似好大個咁呢∼２０歲咁∼唔知也∼睇定ｄ先啦！

等下次出糧

好想．．．

今日做節．．．同老細講左早走∼不過臨走之前都好煩下！要我過去攞鑰匙返總部∼我要攞返個袋！之後又返返過去比返條鑰匙老細！行黎行去∼熱死．．．過到去．．．．食飯ｌｕ！個陣阿妹要問選科ｄ野問思思姐姐！咁聽佢地講同時∼我亦諗起自己．．．我文科又唔得∼理科又唔得！唉．．．最終會考所以得２分∼ｈａｈａ∼算！我靜係想學返設計ｄ野姐∼我會諗辦法去進修下∼希望自己會去做啦！我都想學返英文∼

如果．．．講起想的話．．．．我好想．．．買啞鈴（練大隻）好想．．．出糧買件ｓｔｕｓｓｙ既ｔｅｅ也！！（型也）好想去做返自己想做既工（設計個ｄ）好想．．．改變自己既性格也（好燥低）（太冇用）．．．好多野都好想．．．好想拍拖．．．．好想有個女仔比我去對佢好，去關心佢！好想有人同我傾心事∼安慰對方∼我覺得呢ｄ事情好浪漫！好幸福！好舒服！好快樂！

但呢種感覺已經．．．．．冇左２年ｌｕ！等啦∼

我份人．．．．太冇責任感啦∼要改善．．．我有好多野想做．．．唔可以咁易放棄呢！！