woo~終於又返學啦！

好老呢，今年係final yr，真真正正的大師姐=.=

今朝返0830，琴晚約埋小叉著埋一樣返學！

哈，人生第一次著到孖公仔咁返學。

由於今朝太早訓既關係，所以叫左藍毛叫我起身，

因為大家都係返0830。

我約左好漢們一齊0800響ok等，

點知........唔緊要啦，記住要準時ar！

我對鞋又整損左隻腳啦，整返個舊傷口，

痛到我串步難行，可惜屋企同身上都無膠布，

但係又約左好漢們，咁我就"吉"下"吉"下咁行去火車站，

嘩！我居然用左差唔多半個鐘行落去囉！

一路行，一路sms問班fd 有無人有，

點知個個都無，好痛ar！幸好都準時到達！

到左9龍塘，等左陣就齊人，一齊返學。

我同小叉行得好快，又講哪個話題！

baby見到我把遮，佢好興奮ar！

不過佢同mon真係行得好慢。

哈，今朝有個傻瓜連自己響邊度上堂都係上堂之前先check，

仲要唔識check，打黎問人！

原來佢響我地正正樓下上電腦堂！

有人好慘呀，班上不多女ar，poor~

今日上兩堂，1st係LK 2nd 係LL，

兩個都.........仲要一星期見兩次！

1st 個mis教得好hea，完全無準備囉，

仲要係咁話我地係yr 2囉，咩事呀？

LL好小小，不過係咁聽佢吹水，

書都無教過！><

呢兩堂不停咁sms，好悶嘛！

點知又唔多覆人，無癮，唔send啦！

食lunch，浸大封了，回歸食，

無位，最後要坐場既椅子，

mon有下晝堂，baby要睇醫生，佢地都分別走了！

我同儀就一齊響飯堂，做功課，

之後就過左場，其實都無咩心機做，

玩、睇人玩、聽歌..............

到六點幾完本走，點知返轉頭，

老豆、老母、細佬打算又照舊下場，

老母見咁齊人，就話開會，人生第一次做文書！

個會開左個幾鐘，開完我就訓著左，

無啦啦有個人叫醒我寫名，

我都唔知乜事，再訓多陣，聽到有人話罰抽，

咁我就醒左啦！寫埋剩低既名，

就幫人填表。到八點幾九點，

等埋班男人玩下、沖涼就去又一城食din。

一路好開心，好好玩，完本係我同小叉玩，

點知老母加入戰團，跟住一個個加入，

最後仲轉game，我輸左啦><，

要罰飲可樂，不過佢地好好人，有復活戰，

結果冬瓜輸左，我又贏左佢，

結果就變左佢飲！><

玩既時候真係好開心，

不過見佢飲得咁辛苦，就開始覺得自己好衰！

玩完就走人啦，送小叉去搭車，又玩過，

之後就同兩個男人一齊搭火車，

佢地有佢地講，我得自己一個，

點知個藍毛講返琴日套野，講錯左！

跟住落車散場，佢太累，分開走了！

返到屋企打埋日、上下網，訓下先做功課。

上晝做功課，

下晝陪左ada去剪頭髮，

佢仲請我飲豆漿添！thx

陪完ada，就返左屋企換衫、執野，

因為今晚同藍毛去左睇神鵰俠侶，

去香港文化中心睇，我著得比平日詩文，

白polo t、紅吊帶、白碎花裙、平底鞋。

遲左小小出門口，點知去到tst又改路，

攪到又遲到，唔好意思，要你等！

我地今日好攪笑呢，一個著全黑，

一個著全白！

套野幾好睇嫁，不過由於有人太累，

所以中場訓左覺，咁到開場我都無叫醒佢，

坐左出出面，不過個位好凍，我係咁震！

開場無耐佢就醒左啦，不過我都無坐返入去，

因為佢個書包擋住同埋唔想再麻煩隔離位。

睇完套野就走啦，行左落佐敦搭車。

行到重慶大廈附近，有個ar差係咁同藍毛講野，

大致上係同佢講有房..........

跟住我就係咁笑，藍毛亦都無理佢。

我仲講笑叫佢整容，點知佢話：我個樣似攜帶少女嘛=.=

哈，一路行，佢一路講好多好笑既野，

點樣去玩街上面既情侶，點樣整人地.......

去到油麻地轉左次車，有好多位坐。

由於大累既關係，借左藍毛個膊頭訓覺，

講真，又真係幾舒服，唔該晒你呀！

不過原來我整到佢隻手好痛呢><

之後我地返左去大圍din，

不太好吃，吃完還敏感。

食完之後我地傾左好多野，佢直情唔多想走咁！哈

到十二點幾散場lu，行到一半，各自回家。

今日係學校第一日既迎新日，

由於本人係攀藝會既文書------完全不懂這玩意，嘻

咁就奉溫同學既命返左去啦，

原本可以準時嫁，

可惜細佬病左，娘親就叫我幫佢去老白度掛號，

原因係佢想細佬返下晝學，不過到最後佢都要請假，

因為佢d菌太勁，亦攪到我遲大到。

返到去，見到冬瓜、迪同藍毛加我，

一共四個，感覺上無乜野做，

幫人簽下名、登記下咁，

無乜心情做功課，唉，懶人是也。

識左幾個師妹同其他系既fd，

仲有就係原來包lunch的，

攪到我仲買定幾個杯麵tim，

得返三十蚊，仲要用二十黎買，

唉！死人頭藍毛><，

不過個飯真係好難食，我俾晒d肉班男人，

我剩食菜同飯，食左一半已經唔多想食，

跟住就走返去場度坐，用電腦。

lunch hr果陣，好多人入場玩，

多數係女仔，咁就有人成機溝女！

不過都係俾d女玩返轉頭，wa ka^^

咁我就同d新 fd傾計啦，講下實習d野咁。

佢地三個男人話我開"希子教室"囉！=.=

都只係講下點樣可以做得好d，互相交流姐。

咁見到咁多女都爬到上去，咁我又好有興趣，

但今日著左條裙既關係，聽日先爬啦。

我今日多左個細佬、老豆，

好攪笑地，老豆問：你個老母響邊？跟住佢講左個你老母？

跟住我就指住藍毛話：佢咪係囉！

咁自此希子就多左三個"屋企人"啦！

冬瓜係細佬、迪係老豆、藍毛係老x。

執好野之後，佢地兩個要訓練，

冬瓜就要專心學業，暫時唔去住，

咁佢就同我一齊走，佢話：一個女仔走唔安全。

woo 佢講既野同佢個樣一d都唔襯囉！

咁響我地走果時，藍毛就接近90度菊躬講唔該，

有點受不起呢，同埋我又唔係x左！

say 8後就同冬瓜一齊行落港鐵站，

入闡後就散lu，謝你^^

返到屋企，幫娘親煮埋剩下既手尾，

其實我都好攰呢！

煮完食左小小就入左房訓，

之後到九點幾，娘親打返黎，

叫我返去先，咁就走左啦，

返到去，用左陣電腦，就教教啦！

今日異常攰同無胃口，

下次傾電話都係唔好傾到咁晏><

今日係好多學生既開學日，

雖然我都係學生，不過我都係未問學xd。

今日訓到十二點幾先起身，

因為應承左媽咪既緣故，

所以急急腳整好晒個人就出門口啦！

今日好曬，我頂唔順開左遮。

小巴站又排長龍，由於太熱既關係，

我決定要扎辮，就左入個廁所，

出返去個站度，d人無晒，

好野！等左兩架就上到。

返左醫院拎藥，拎完就行左去co，

去左買小小野，跟住就返屋企，

由於接近財赤，所以返屋企早餐、午餐、下午茶一起吃(原本打算當埋晚餐)

返到上樓，細佬都返左黎，佢又響度整佢d魚，

無理佢，我入左房訓，

因為真係好攰，呢排經常都係咁！

訓到五點先肯起身，今晚要跳舞嘛！

睇埋西遊記就出門口，去到火炭先知無場，

咁就同y一齊搭車落返去，

一路不停傾計，講返好多中學同依家讀緊既野。

去到ntp就各自回家。

返左樓下食飯，媽咪送左兩張票俾我！

係香港舞蹈團(神鵰俠侶)，座位好像不太好，

不過是免費的無所謂啦！^^

其實我還在考慮同邊個去睇好d！

同a去是最好的選擇，因為有共同話題，

同b去也不錯，不過感覺總是怪怪地！

一切就睇聽日啦，聽日就知道同邊個去好d！^^

我好想知道一樣野，

如果我唔再幫你，唔再俾你玩，

你估你仲會唔會同我做fd呢？

我忍住痛、都遵守承諾！

你覺得食左兩粒強力既止痛藥，

仲痛到成隻蝦咁會無事咩？

"你有無事呀？"唔通我同你講有呀？

就算有，你都唔會理我嫁啦！

或者應該咁講，我無呢個資格要你去關心我！

一次、兩次、三次...................

我唔出聲、唔發嬲，你覺得真係好好玩咩？

人係有底線同極限嫁！

到最後，點都會爆，到爆既時候，

我相信結果就會同以前一樣！

你仲想玩我、利用我到幾時呀？

究竟我幾時先識得走返出黎呀？

唔好令我憎你、討厭你！

因為我知道我一行出呢一步，

就咩都無得返轉頭！