2000-2001 5M班
2001-2002 6M班
就係呢兩年，讓我認識到你地！
小學既時候人緣真的好差，
朋友都唔多個，係被流放、杯葛的一族！
到五、六年級，就係自己一d小小既改變，
遇到人生中其中四個知己！
畢業後，我發現左一樣野，
原來我同恩六年都同一班，
但我地居然響呢兩年先變成gd fd！^^
感恩遇到你地，雖然我無同你地一齊升返原校，
不過就係因為去左另一個新環境，
我個人變得開朗、活潑左！
雖然響cc既五年生活好短暫，
不過亦係見證住我成長既地方！
縱使人緣也不是太好，
不過亦令我遇到幾個朋友，
依家已聯絡不多了，或許是我記仇，
以及覺得自己和她們的距離太遠吧！
mandy的觀察力不差，
說出以往在IHMS時期的我，
從來無人會察覺到，哪時候，
我真的覺得很難過，
每日都在逃避，可能年紀細既小朋友無機心，
所以每到小息我都會同佢地一齊玩！
亦係我響小學得到快樂既時候！
闊別差不多兩年，期間發生了很多事！
你們三個一起升上預科，
而我就去了讀高級文憑，
回想起，我在四個入面成續是最差一個呢！><
會考後見過一次後，
今次正正式式聚啦！
這次感覺到我們都長大了，
個個都為著自己既理想、明天而努力！
雖然我地入面只有一個可以直接升到大學，
不過我相信只要肯努力，
我地大家都可以升上去，
當然條路會長d，
不過努力是不會白費的，
我深信沒有事可以難到我地！
唔知你地信唔信相由心生！
我地四個個樣都無甩點變，
沁由小學的小丸子、中學時期的長直髮，今日變左短頭髮，
還是哪樣的純真！或者係因為佢預科轉左過女校既關係，
睇每件事同我地有d唔同！
恩到依家都係俾我一種好純既感覺，
由細到大佢都係最高果個，
打扮亦較私文、成熟！
今日佢俾我既感覺係一個老師，不過依然好親切！
mandy 小學時期既最好朋友，
到今日我仲好記得佢跌左落M班既失落樣！
"你咪想知邊個考全級91？果個就係我！"，
唔知你仲記唔記得呢句說話呢？
你係最維護我果個，亦會教訓我既一個！
仲有就係不停升高果個！哈！
由以前既短頭髮、一時時戴眼鏡、中等既個子，
變成依家既長頭髮、戴眼鏡、高高的成功人士模樣，
不過樣子還是沒有變！
說真的，我發現我們四個的樣子並沒有太大的轉變，
性格就變了小許，或許已不再是以往的小孩子，
看事物的觀點與角度也有點不同吧！
唯一沒有變的，就是你們還是和以往一樣的純品吧，
除我以外！嘻！
我又變成怎樣呢？
不如將你們的感覺寫在各自的blog子中吧！^^
今日見面的時間過得很快，
恩要學琴的關係，差不多二時就先走了，
而沁亦約了姐姐的關係，約三時多亦先走了
只剩下我和mandy，
今日的活動不多，
午膳+聊天，不過由於很久沒見面的關係，
只是聊天都是一件樂事，
不過沒有拍照確實有點可惜！
不要緊，我們還有很多的時間可以聚嘛！
不如下次攪唱K吧！
雖然在學業方面和你們有很大的距離，
不過我們仍有很多的話題呢！
期待下次的活動！^^
我們不再是三友，而是四友呢！
因為要加埋我呀！
|
