今日剩係落街買送果時出過去，

成日都留響屋企！

起身已經點半，

整下野，睇下書，咁就四點，

整完個人，到五點幾落左樓下買送，

交學費、買野食俾媽、弟！

買完晒就返返上樓！

上下網，咁就一日，

打八號啦，擔心你地呀！

唔好出去玩啦！嘻！

不過呢打風無阻住我地二人世界！

記住聽日的約定呀my dear >3<！^^

今朝實在好早訓，又好早起身，

真係早睡早起啦！嘻^^

同小叉、babymsn到差ng多三點先off，

跟住兩響床度look再好耐先訓到一陣。

到五點幾就起左六身，

因為到六半要叫醒姨去返工，

所以我就無返訓，

叫醒完佢就再訓過，不過到八點就起左身！

整好佢屋企d野，整完個人，

食左小小野，睇埋大唐，

就出發lu，首先落左去新翠寄信，

跟住行左去打千秋，不過打唔夠五分鐘，

太陽伯伯就出黎同我say hi，

咁我就走路，無得玩..........

龜速行去港鐵站，實在太熱啦！

去到ntp，去左圖書館搵資料，

行到大會堂，見到一對情侶，

哈哈，我同小叉都油左甲甲！^^

去到圖書館，搵左一堆書，

不過最後都只係借左三本走！

借完就去食野，又係我等人！

今日食左個新野：鯖魚定食！

我覺得佢整得好好食，食完就返屋企啦！

返到去我就開始煲書，搵靈感！

煲左一本，開始有返d頭緒，

開始緊第二本，聽日應該可以睇晒，

應該對份功課會有幫助！

食完飯，就繼續睇，

跟住就出左去上網，咁就一日！

今日成日響差ng多留響屋企，

到六點幾我先出門口，

因為今晚食果間野成日都要等好耐位，

咁我就做偉人去等啦！

我去到已經六點七，

拎完張飛，我都嚇左一跳，

我個no係97，點知個姐姐話果時先叫到28，

omg，我要等成..........，

咁我就一路同小叉(儀)sms，

到七點三度，ar姨佢地到左，

到大約七半，媽咪亦都黎到啦！

我等到呆晒，媽咪叫我去行個圈，

我上左一樓，去左行citysuper，

仲買左支好想買黎飲既果酒，

蜜桃乳酪果酒，雖然都ok，

不過都係伏特加果酒好飲d！

等到我唔多耐煩既時候，

藍毛先生就sms我，睇完之後，

我有d覺得今日咁問佢(sms的內容)好像不太好！

之後佢無覆我，我估佢太累訓左lu！

無幾耐都有位啦！

入到去就食飯，傾計。

到八半度散場，我就去左書局，

買左本書，講幼兒的，雖然日文，

同埋係過期雜誌，不過都有用！

歡迎好漢們借！^^

跟住我過返去搵ar姨，

跟住就搭車返去佢屋企啦，

返到去就收到sms，覆到隻手有小小痛！

攰就早d休息啦，唔好咁辛苦啦！

跟住就開始整下野，

整完就入左房上網、打blog，

支酒就快飲晒lu，雖然有d貴，

不過我下次會再買！我要同baby一齊飲！^^

p.s：聽日去打千秋，因為我唔知幾時先再返大圍啦！

最後都係忍唔住問左，

我就是不喜歡等及拖拖拉拉的感覺！

今朝三點度send左出去，

希望無嘈醒人啦！

見佢到晏晝都唔覆，所以決定send多個！

就係一個字咁多！總好過唔答！

朋友.........我當你一世朋友...........

永遠係朋友有時會仲好！

感恩我有你地幾個真摯既好朋友！

小叉、baby、藍毛、mandy、沁姐、joan，

你地唔好離開我ar！

今日聽左ar叉(儀)話，

要盡量放鬆自己，令自己可以開心d！

原本一直都無事，我照常整好個人先，

因為媽話想出去飲茶，順路去入銀行，

咁我就準備好晒等佢！

跟住隔左陣，鞋鋪打黎話有貨返，

咁佢就決定飲完茶就順路去埋！

不過我都唔知自己呢幾日做乜，

唔想講野，唔想同人溝通，

剩係想對住部電話sms+聽歌，

呢兩日成日都煩住小叉，我都覺得自己有d衰！

仲有就係呢排我一聽到兩個人把聲，

就好想發脾氣，一個係我媽、另一個係.............

其實我媽好錫我、好好人，

不過佢呢排成日無理取鬧，我覺得好辛苦，

日日都好頭痛，但我又唔知點同佢講好！

跟住就變成依家唔想講野！

飲茶果時又借野鬧，佢又發脾氣，

行去搭馬鐵果時，又同我講細佬的問題，

既然你自己都有決定，問我又有甚麼用？

問完又鬧，我決定唔講野，剩係聽歌，

佢又鬧我唔聽佢講野，想點姐？

我自己都好多野要煩ar，我都好辛苦，

但係鬧人、發脾氣解決唔到問題！

我覺得好辛苦，真係好想搵人借個搏頭俾我攬住喊！

我又唔想再煩到小叉同baby，因為佢地呢排真係幫助我好多！

陪完媽拎鞋，就去左買送，

跟住就返屋企啦！

p.s我好想去apm行街ar！

好掛住小叉、baby、仲有............

你地快d plan 日期ar，個美麗既沙灘等緊我地嫁！^^