今日晏晝先出街，

因為本少爺訓到成點先起身！

今朝實在太早訓啦！

儀第一次不遲而別呢！

希子今朝無朋友呢，無個理我><

仲要成間屋得我一個，

好得人驚嫁嘛！

好彩到最後我都訓著左！

訓醒左，整下間屋，

就睇左一陣d書，今次實在太瘋狂啦！

就黎二十本啦，不過唔知有幾大幫助啦！

之後就出左去還書啦，跟住又再借多左幾本！

去了食m記，有杯杯換，

我媽開心死，為了哪套杯，一個加大餐><

行左陣，就搭車走人，

返到大圍，去左街市果頭買野，

買完就返左上去。臨臨下，

搵個人幫我手食多個餐玩多隻，

咁就叫左藍毛啦，不過我成四點幾先食完一個，

咁我就約佢七八點先再食！

返到上去，都成六點幾啦，沖多次涼，

抖涼左個人，就準備出門口啦。

落到去新翠大約七點九，

無遲到！^^，等人果時就煲下d書！

果間得返三隻色，算啦，好過無！

食完，佢話去ntp woo，

咁就陪佢啦，去左兩間行山用品，

二手書店、銀行、二手書店、大眾、打算去商務，

不過人地都"山"左門、再返大眾，

不過都無佢本書！個職員d態度好差ar！

跟住我地就一齊搭港鐵，個傻人唔知會平d！

跟住就行返屋企，頭先玩大左，

整親隻手，痛到我喊！omg ><

哈哈，終於可以學而致用啦！

依家隻手係一伸直就痛到..............

希望聽日會無事啦！

今朝好早就俾我阿媽整醒，

健姐姐同佢個女今日黎香港，

所以就要一早起身去接佢地。

姐姐塊面好似燒傷左咁，

其實佢今次黎都係去睇醫生，

聽日下晝就走。

我地出到去，佢地已經到左，

之後我地上左樓抖左陣，

就出去食野，間野真係好唔掂，

不過有得睇女排，無所謂啦！

食完就陪佢地去買電話，

佢d fd搭佢買，又唔清唔楚，

行左好耐，打左好多次電話先知買乜，

下次要醒目d la！

行到我腳都遠埋，跟住仲要突然好肚痛，

食左止痛藥都唔得，但又唔想佢地掃興，

咁我就去買左支凍水，敷住，

好彩無咁痛，不過一拎開支水就........

盡量扮無事，最後好彩都無俾佢地發現！

佢地買電話，我就睇電話，

有個人係咁sell我買，

不過最後都無，佢有d失望！

跟住返上樓做左陣功課，就訓左陣，

到食飯先起身。

食完飯就起程返姨度啦，睇黎佢今晚唔返黎多！

又得我一個，其實我好想搵你，

不過知你好攰，所以我唔會煩你！

你早d抖啦！

舊日返左ar姨度，

所以少有地星六都在大圍。

訓醒之後，媽話舅父返左黎，

咁就約左出去wts飲茶啦！

媽當然都係最後一個到！

我整好個人，整埋間屋先出都快過佢！

飲茶，閒話家常，沒有太多趣事，

表妹做唔駛d功課，

佢今次大獲啦，因為我媽出山，

仲有佢仲未做完功課就去街，

我媽用一道金牌招去返黎，哈哈！

嚇到佢傻左！

成日都響舅父度，食埋晚飯先走。

今日同皮蛋影左好多相，好開心！

不過因為可樂仔去了度假的關係，

我已經好耐無長時間接觸"狗"呢種生物，

所以我對腳腫晒，好彩敏感藥及時發揮藥效，

去緊小小腫，如果唔係，就又變豬腳啦！

今晚以海鮮為主，不過唔多好食！

最好笑係抄聖子居然會有隻..............

哈，個廚師真好人！

食完飯就散場，返到屋企攤左陣，

就努力去面對我的功課！

我好努力，希望比前兩年做得更好！

今日算係放假以來最好訓既一日！

除左六點八醒過一次，

就到十二點度先醒！

無即刻起身，因媽要去做物理治療，

所以我就俾佢整野先。

我到兩點幾終於起身出廳啦，

整下個人、上左陣網就出門口啦！

遲到了，所以要等好耐！

今次梁醫生開左消炎藥俾我，

因為對手有發炎既現象，不過佢話唔算差！

睇完媽咪走先去開會，我就一個人去左世貿行街，

去左上次本書介紹的內衣店，

d底底好靚，值得推介！

跟住去左擲彩虹，擲了兩個獎，

之後剩左小小幣無用到。

再出發去圖書館，借了四本書！

原來響圖書館留左成個鐘都唔知！

跟住就搭車走啦，約了媽、弟din。

行去地鐵站期間，突然有個衣著光鮮的中年女人拍我，

佢問左我兩個問題：小姐你駛唔駛著中碼衫？

你讀緊書定做緊野？

由於趕時間既關係，無理佢就走左！

跟住我突然臨起好耐之前收到的電郵！

好得人驚呀，呢d壞人又出現響cwb啦，

各位要小心ar！

去到中環轉車果時，有兩個巴基斯坦人撩我，

無病ar？我邊係靚女，要撩人就行遠d，

本大少無心情理會你地呢d壞人！

入到地鐵，d內地同胞一見位就衝，

有無攪錯ar，出句聲我會借俾你過嫁，

唔駛推開我囉，我拎住四本字典咁厚既書，

你都可以咁，真係黑人憎！

我好彩無失平衡姐，如果唔係我一定會鬧到佢暈！

坐左好耐港鐵終於去到co，

食住野等佢地，到十點九先走，

今晚要返姨度！

返到去就玩下電腦同msn，

睇埋場比賽，應該差唔多訓啦！

今日最後一日上急救堂，

亦都係最遲返到既一日！

哈哈，臨住會早d返，點知都係晏左！

返到去好多同學仔響度練CPR，

咁mis俾我地練到十半，

我地就排隊等！

練習果時有好多野甩漏，

多謝好漢們的提醒！

到十點九度，mis就同我地黎一次quiz，

等我地知道有咩地方要改善同有幾多機會會及格！

又係mon同儀先，佢兩個永遠擺脫不了這個命運！

好快就到我啦，我都做得唔多好！

我要快d記熟d程序！

baby好叻叻ar，今日無喘氣ar！要加油ar！

bb個cpr我就好小小，不過都要練熟d！

好快就到lunch，今日我地買返去食，

食完就練習，我仲寫左d野響broad度！

lunch完左，mis 同我地溫筆試，

溫完筆試就溫包野，

原來十分鐘包兩樣野係好難ga！

我包果時個心跳得好快，

一有壓力就係咁，等我練多d，

熟d就會包得好d！

練完晒之後，mis就教左d野俾我地，

雖然唔會考，不過都幾有用！

放學啦，有點捨不得，最後影了張合照！

跟住我地去左行大埔商場，

行左九個字先出發去睇戲，

搭車去mk既時候，我地不停咁溫習CPR口缺，

去到買完飛，就即刻上去買d糧水。

第一次坐中間第三行，有點頭暈的感覺，

無計，爆場嘛，唯有照睇啦！

成套戲出現好多傷既場面，

我地四個好想幫佢地包扎！

總括黎講，比起之前既laughing gor，

差左好多，成日轉畫面，

仲有有小小行，又好化學，

唔知點解中左成十一槍，

仲可以唔死，有力掃翻低對眼，

又唔知點解要死咁多人！

個人對這套戲有點失望，

亦有後悔買飛入場睇！

不過有你地一齊，唔好睇都無所謂！

睇完去擲完彩虹就走，雖收穫不多，

不過都好開心！姨不回家，

咁我就同儀一齊返屋企，

一路上不斷談心，講左好多野！

我地果然係有不小相似既地方！^^

返到屋企upload埋d相就訓lu！

p.s.今日baby問了一個很怪的問題！