終於到左一個星期既中段，又係星期三。呢兩日無聊到係度做d幾日之後先交既功課，因為唔想成日打機。聽日就要做埋地理同中史，希望聽日冇乜霧課做啦。

上左中五之後，差唔多日日都要補課。尋日已經好夠薑咁冇去補英文，今日就要補數，想走都冇得走，因為要小測。測概率既mc，我係21分之中拎左14分，都唔算好滿意；但呢個分數keep到去CE既話，加埋長題目，拎D都應該唔難。

等左個半月，今日終於掉位喇。不過，掉完之後覺得唔掉好過掉，掉左同個唔係幾想同佢坐既人一齊坐。呢條友中四同佢坐過，自此被納入五大唔想佢坐我隔離既人物之一。唔經唔覺，自3月尾起，已經打左200篇日記咯，呵呵！

今晚一如以往，都係去阿姨駤企食飯。今7既餸真係好正，有炒蜆、牛仔骨同豆苗等等，係我去阿姼屋企食飯咁耐，數一數二最好食既一餐。

原本話今日10點半補習架，點知蝴習老鼠話要改到2點半，亦都代表左我冇得出街。補完習都差唔多五點，打左陣FS，呢兩日都用梗A320-200黎飛。玩完之後就預備食晚飯，食鐵板燒，對上一次食鐵板燒都差唔多係成年之前既事。

咁快又到左一個星期之中最後一個返學日，今日係13號，又係星期五，亦即係傳說中星黑色星期五。無驚無險又過左一日，下午返完神經就去補地理，狂做MC...

星期日下午果時，阿媽話部腦有問題，於是叫我睇下。睇左之後都唔識點搞，部腦神左，成日無啦啦彈返出主視窗。打比我舅父，佢講十句之中七句係廢話，完全解笞唔到問題。最後，就搵左另一個舅父黎睇，原來部腦冇中過毒，只係有個掣卡死左，所以就出左事。

今晚要去阿婆果度食飯，食完就坐車返大埔，先去百佳買野，後返屋企。入到屋，第一時間係扔低個背包，跟住除鞋又除襪，然後就沖涼，因為要睇翡翠台9：30做果套野。好快就過左兩個鐘，一睇完，屋企人又要我做改相既野，好彩都幾簡單，好快完成，可以係今日最後幾分鐘之內打日記。

經過四日既返學，終於等到星期五。今日亦都係一年一度既中秋節，不過我地今日都係要返學既，仲要放3：55。而且今日有兩科都要小測，分別係中史同地理，希望合格啦。夜晚果時，家姐send左個sms比老豆，內容好鬼好笑：「當活左黑暗時，,不要放棄，請唸阿彌陀佛；但在你唸後，還是一樣黑暗，請唸哈利路亞；如果還是黑暗，哎喲，豬頭！點燈籠啦...中秋節快樂！」

今晚食食下飯，無啦啦聽到有音樂聲。原來係新興果邊搞果d乜野中秋晚會咁，由7點做到10點。有人唱歌，又好似有類似天才表演既野。往年都係屋企監視過呢d晚會，通常係中秋同聖誕都有。