話說今日我要返學校傾劇喎，套劇毫無意外既話會係2006年4月12日係學校演出。但我地依家只係啱啱print左個劇本出黎，道具同服裝等等既野乜都未整！而且又未試過有一次係正正式式既綵排，點解？因為好多腸粉次次都唔返囉！不過算啦，可能係甲唔到時間姐。但係，佢地返到黎又唔係認認真真咁去傾劇，係係度做自已既事同埋係度玩喎！！搞錯呀？！明知我地剩返十幾日就要演出既話就唔好成日玩啦，你估依家係細路仔玩泥沙咩？係咪玩少陣都唔得先？私人既事...好心你就傾完套劇先做啦！又唔係要你一日廿四小時不停係咁傾，唔比你休息！每日都係傾兩至三個鐘姐，你平時打機都唔止咁少時間啦呀化？>.<

回想今日，我舅父叫我地去飲茶，佢一叫到既話，上至我呀公，下至我表弟都一定會去，但我為左呢套劇就冒住生命危險推左佢，當然，我係用梗誇張手法啦，唔去既話都唔洗死既！都好既，16歲仔喇，仲成日要跟住呀爸呀媽咩...？！係時候要應酬下架喇！返到去學校，我同個導師講左呢件事，佢話：「雖然你冇同你屋企人去飲茶，但你呢個決定是對的！」-v-

聽日毫無既外既話就會派數學卷喇，好緊張呀！！！份卷連A. Maths果班都話勁難，我地文科班會點？比個提示你啦，合格既人數可以用十隻手指數得晒呀，勁嘛？-.-"

好喇，唔講咁多喇，要做功課喇，呢兩日都冇做過野...再唔做既話聽日欠交又要比人寫手冊架喇！

唔經唔覺，我老豆退左休已經有兩個月喇-.-雖然佢好搞笑，但佢要煩你果時都可以煩到你阿媽都唔認得。好多時佢講野講得唔清唔楚又係度話唔專注聽佢講野，但自已聽唔清楚既話就會話你謂野唔清唔楚；跟住又成日以自已既思想灌輸落人地既思想到，佢話好就係好，唔好就唔好，乜人黎架？不過，唔好睇佢係老人家，其實佢都好細路架，無啦啦都可以爆粗既，邊日聽唔到佢講「頂你個肺」既話，果日去買返張六合彩分分鐘中頭獎架>.<仲有，佢睇睇下電視，就算係睇卡通片定電影都可以講「仆你個街！」既...真係唔知笑佢好定鬧佢好=.=唔止咁喎，佢有時得閒無聊過頭就會去打機，以前得我阿媽同我爭電腦，依家就多左一位人兄同我爭，好無奈囉！