人人說「清明時節雨紛紛」丫，看來這句話須平反了...今日好熱呀，成30度呀！我今日冇去拜祭先人喎...因為屋企人話費事咁迫嘛，所以20號先去拜喎。一朝早就出左去尖沙咀飲茶，跟住就飛左我阿媽，同我老豆去左西環影相呀！但係西環個天灰灰暗暗，影左d相都唔係好靚咋。玩到3點鐘就走咯，坐車返到大埔都4：30喇！(叮叮+天星+271=$2+$1.7+$9.1=$12.8)

都唔知呢兩日做乜事，繼尋日「誤殺」金仔支原子筆後，今日又整多單野。話說今日上econ果時突然好猛太陽喎，咁我坐窗口位既，老師就叫我落百葉簾喇，咁咪落囉，又唔知未落過呀...點知，當我拉落黎果時，幾秒之後就「砰！」一聲，Oh, shit...！成個百葉簾比我拉左落黎呀！！！成班同學係度笑我啦...又話我勁呀又話我好野呀....嘩！好彩扑唔中我個頭姐...如果唔係我咪食梗屎？不過都好既...果個百葉簾勁多塵，咪「拎」落黎比學校洗下囉！！

2006年4月3日 星期一 晴

這是金仔某支原子筆的最後一天，在此默哀一分鐘...

11：05-我拎住份WS打落金仔個頭到，

11：05-金仔打我，又話要將我支塗改帶扔落街。

11：06-我拿起他的原子筆作「人質」，

11：06-金仔仲唔比返支塗改帶我。

11：07-我將金仔支筆放左出窗外，

11：08-金仔看出窗外，不見了他的筆，然後再跳高看看地面，見到支筆，並已斷開幾截，證實「身亡」。佢話要殺死我...但後尾又話支筆唔重要...所以我冇事！！！

13：15-我到地面執返支筆，屍橫遍野，仲有d殘骸搵唔返......

**金仔，我冇心架...希望你支筆主懷安息啦！

今日好鬼熱呀，我巴不得著件短袖衫返學呀。朝早集隊果時成身汗呀...下午既課堂諗住開到冷氣啦(中央已開左)，點知阿sir話要成班少於10人著冷衫先開喎，都預左開唔到喇，d女仔都唔除冷衫既...

今日我阿媽叫我幫佢將d檔案寫入隻CD到喎，咁中途有d小意外啦，我同佢講：「你行開d先啦，比張鄧我坐丫！」我頂佢個肺丫，佢話我語氣唔好喎，好唔耐煩喎，仲話想一巴打落我度喎，冇病呀化？幫你整仲想點呀？？？

**點解我有d檔案明明放左入隻CD到，佢自動幫我del晒架？？？

今日學校有個講座呀，迫我地返，唔返要寫請假信，如果唔係當曠課。咁咪返囉，丫！又唔係好悶咋啵，第一次令我覺得兩小時係咁易過既...起碼好過平時補兩小時習丫。仲有，今次係今年第一次係學校涼冷氣呀！-v-

臨尾果時有個活動喎,要d同學上去扮演人物喎，咁我上左去啦！不過........................................................................獻醜呀，到依家都仲覺得自已好瘀呀....點算呀？！

啱啱睇天氣報告呀，今日原來成28度喎，唔怪得咁鬼熱啦！

今日打乜好呢？！

今日返到學校，見到金仔呀。好野，佢冇事咯！^.^*

上account堂，呀sir依然好似食左火藥咁，第一次為功課而罰人留堂呀...我地學校又一良師殞落喇。-.-唔明點解呀sir呢排心情差左咁多...有時搞到我唔多想上account...但上咁多堂，account係令我最提到精神既一科！

放學之後又繼續排劇啦...

我做個60歲既伯伯呀，wahaha！

唉...

金仔佢呀叔有肺癌呀...佢地冚家都要做全身檢查睇下有冇中招...依家剩係知道金仔既屋企人全部冇事。金仔今晚9點幾就會攞報告喇，萬一有事既話佢就要即卡入院，如果唔係唔洗旨意打直出院！希望佢冇事啦，我唔想冇左個好朋友呀！不過得40%機會會中招姐...希望佢唔會係呢四成人既其中之一啦！

臨放學前我同佢講：「我唔希望聽日冇人坐我隔離！記住，God bless you！主保祐你！」佢表面上好似信心十足咁，話自已一定冇事。但其實，佢自已都好驚架...佢成日話驚今日係最後一日返學，以後會見唔到佢心愛既人，今日佢連prefect都唔做喇！

今日問過金仔佢呀叔係乜境況呀，佢話佢呀叔係惡性喎，雖然唔係好想講，但我都回應左佢一句：「咁即係死得啦！」但我都希望佢呀叔冇事囉，因為我唔想見到金仔喊呀...

願主保祐金仔同埋佢阿叔啦！

希望聽日見到金仔坐我隔離啦！

又比我老豆小呀...自已講野講到唔清唔楚又話人唔聽清楚佢講乜，搞錯呀！

今日好開心呀，終於可以去食自肋餐喇！原本上個星期五去食架，我地已經預先訂位架喇，點知佢話冇留位我地，頂佢個肺！跟住改今日囉，原本我屋企人都唔贊成比我今日去架，因為聽日要返學嘛...但後尾都比我去囉，哈哈！

好好餸呀，有三文魚，又有炒飯，又有咖喱魚蛋啦，正呀！食到我勁飽，差d郁都郁唔到呀，行去坐271返黎果時飽到想死，返到屋企忍唔住要即卡柯屎呀！

嘩！今日同佢嘔份會計功課出黎嘔左起碼3粒鐘呀！勁辛苦...好x難做呀！仲要做完都唔知自已錯乜果度先死得人多喎，唔理喇....照交啦...交左先算啦。

今日會計個呀sir好似食左火藥咁呀，係咁鬧人，都未見過佢咁惡！仲罰左兩條友留堂...唔留既話就等收藍紙...痴線架！！！好彩我冇得罪佢姐...如果唔係實比人打靶咯！

今日數學都唔知個呀sir up乜，上堂都唔q理佢，佢有佢講，我有我玩...哈哈！好彩今日有補習姐...個補習老師一講就明左八成以上咯！

等左成個禮拜，今日終於派返份數學卷喇。果然係我預料之內，肥左！-.-'

卷一(長問答)有成三大板冇做到，但我勝在我有做果d都差唔多啱晒，係果份死人卷二(MC)低分得滯，30分入面得13分，結果加埋得果45分...Bitch!!!

不過算啦，阿sir都話份野係好難，我地班合格既人數不到百分之50...最低分果個唔到10分，而最高分果個冇記錯既話係>70分...我都算中中挺挺啦。>3<

今日又派埋英文SBA喎，我竟然有16分呀，記住係24分滿分喎！睇到果時真係o晒咀，我都冇乜點講野，都唔知點解咁高既，仲高過我個fd3分咁大把喎！而且又係全組入面最高分既一位...哈哈哈！

好野，今次UT得數學唔合格咋,最高係account...65分入面拎左44分呀！同阿sir講話我account係今次UT最高分果科，佢笑得幾甜呀...-.-