今日中文堂又有校董睇堂，都係冇乜特別，又係無無聊聊咁過左。不過呢個校董係臨尾果時都有對我地同學講返幾句說話，講返佢對我地上堂時既感覺，都好過上次果個乜都冇講。上次果個，好多人都唔覺佢有存在，剩係同我地打招呼，之後就好似人間蒸發咁，乜都唔講。

今日10點鐘就坐車去黃埔喇，去博藝會飲茶，d野都幾好食，尤其是係果個海蜇拍青瓜，正到痺！好彩尋日冇去飲茶，如果唔係連續三日都要飲茶，悶都悶死！飲完茶就去左灣仔，船費要$5.3，呃錢架？！跟住就係灣仔坐叮叮去左堅尼地城咁啦，係果度行左一陣，因為熱得滯就坐左101去觀塘。點知係軒尼詩道遇上大塞車喎，由堅尼地城去觀塘都坐左90分鐘以上，坐到屎忽都痛！然後係裕民坊食左個魚蛋河咁啦，$17一碗，又唔係話好大碗喎；汽水$7一支(192ml果隻)，我同我老豆一共食左$48。

今日睇左搶包山直播，睇到0時40分先上床，點知訓唔著，成2時20分先訓到。一掙大隻眼已經係9時15分，大鑊，10點半要補習架！即卡彈左起身，10點鐘先整到個辛辣面食，食到10時25分。咁等補習老師黎，等到11點都唔見人。我阿媽叫我打比佢，原來佢係我屋企門口，補習補到1點鐘。我老豆同我阿媽11點半就出左去飲茶，去返尋日果間東海海都，因為尋日有兩張$100既現金券嘛，佢地都八個人都食左$690，平均一個人食左$87既野，佢地話好好食。而我就係補完習之後落去海港買左個叉油雞飯，都只係$16咋，又好食喎。如果今日唔係咁熱既話，我諗我會去富善街市買，雖然冇咁好食，但勝左佢係$14包野飲，而且我又識斬料果個，可能有平野食。

今日放假啦，朝早就去左飲茶，然後去寶湖飛髮。黃昏5：30就坐車去尖沙咀，去港威中心既東海海都食晚飯，因為我姑媽生日嘛。食左二千幾三千蚊呀，不過唔係我出錢，哈哈！食左兩個幾鐘，d野食都唔錯呀，我食左三分之二碟炒飯呀，正呀！

依家ada日日都會抽同學出黎分享自已既事，咁今日就輪到阿巾喇。咁佢一出到去就話：「miss尋日抽中我啦，返到屋企諗極都諗唔到有乜好講喎。」跟住又up左一大堆說話啦，開頭都唔覺有乜特別。點知佢講下講下，講下講下，無啦啦爆左句：「ada老師，你做左我地班主任都有大半年啦，我地對你都冇乜認識喎。你咁樣日日抽一個人出黎都冇用啦，我地都唔會記得晒38個人講既野啦！不如每日你講下你既事仲好啦！」成班聽到都拍爛手掌，估唔到阿巾平日野都唔講多句，今日竟然咁勇寸鑊ada，勁呀！！呢d咪叫唔聲唔聲，嚇你一驚囉！^v^*

我地去完北京都有19日喇，今日就有個「五四睇相運動」喎，就係睇返係北京影既相咁啦，都幾好睇！淑明真係有係杭州買手信比我地呀。哈哈！女仔有絲綢既手巾，男仔就有剪紙既面譜啦，我比親d女仔睇都問我係咪送比佢。-.-"

咁比亞魚睇啦，嚴xx見到又問我係咪想送比亞魚喎，我話「痴線架？！」，跟住亞魚係度「妖！」我。=.='

今朝起身果時都仲落梗雨，又冇得踩車返學。上上下econ果時，無啦啦行雷，仲要係超響果隻。成班都比佢嚇親，因為之前冇乜落雨，都未做好心理準備話要行雷，點知佢一黎就整個勁響既雷，心血少d分分鐘比佢嚇瓜！今日英文堂有校董睇堂，又冇得訓...唉！不過個校董都唔講野，又冇話同我地一齊討論，完全唔覺佢既存在。

今晚出街喎，咁係樓下有個KFC既人係度派傳單啦，佢無啦啦叫我個名喎(中文全名)，我都唔知佢係邊個，諗極都諗唔到佢係乜水...所以冇理佢！-.-"

返黎果時好大雨呀，好似倒狗屎咁。依家出左紅雨反而冇咁大雨，不過係咁行雷閃電。打緊日記果時有個雷超響，琛哥唔開耳機都聽到。=.='

今日五一勞動節，我地學生哥當然有假放啦！-.-"咁今朝就去左寶湖飲茶喎，飲到11：15就返屋企喇。11：45就做左中文WS，果四張紙做左我粒幾鐘，打鑊佢！1點鐘果時就出去鴨寮街喇，好鬼熱呀！-.-行完鴨記就去左高登，好少去果度，因為對電腦呢家野唔係好熟。最後就係果頭食左個酸辣米線，好大碗，都只係$19，又幾好食，正！有幾大碗？話你知丫，大到連三份二都食唔到呀。結果4點幾先捨得返大埔，原本諗住坐紅van架，不過成12蚊，唔係，係13蚊先啱，咁Q貴梗係唔坐啦，又唔係冇佢就返唔到大埔喎，所以坐左72返黎，雖然係慢d，但都係8蚊雞之嘛。返到屋企成5點半，睇唔到多啦A夢既第一節...黎梗呢個禮拜，返學返三日，放假放三日，正呀！>v<

今晚出左去中環港外線碼頭果個乜鬼「廟會」，都冇野睇既，係得個假包山同埋有幾個牌坊咁，又有幾個小攤檔，跟住有d人係度做粵劇。好悶，悶到去左碼頭影船，跟住就坐天星返尖沙咀，係果度食左個M記，然後坐車返屋企。

今日又冇出街呀，留係屋企。咁又幫老媽子燒碟喇。開頭好地地，燒完就比佢check下有冇問題。點知，惡夢黎喇，佢開唔到喎，咁就係度鬧我喇，話我冇心機同佢燒喎。都唔明點解佢自已唔去學,,剩係靠我，燒唔到又鬧我，唉...有時都唔想對住佢，所以有時咁鍾意返學就係咁解囉。