今日終於出街喇，有兩個節目喎。第一個節目係去打羽毛球，由11點打到12點，打完就去買飯盒食。食完之後休息左一陣，就去踩單車喇。我地約1：45出發，目的地是大圍，去到大圍既顯徑邨都只係3：06，於是我們慢慢踩回家，係沙田公園作一個小休，又去左馬料水隻船到食左條腸，要成$4，撞鬼佢！咁係吐露港就有個賣臭豆腐既攤檔，我原本想買，但係太飽，所以冇買。於是我老豆就唔鋸，話混我個臭漲-.-。返到屋企是16：59，今天總共做了4小時14分鐘的運動，yeah！好耐都未試過踩長途車喇，通常只係做屋企來回學校既短途線。

前幾日係北京開開心心咁過左，估唔到今日連屋企門口都未出過，成日都著住套睡衣，係度睇返係北京影既相，回味一下過去的開心日子，又放比我家人睇下，佢地都好羨慕，因為天氣真係好唔錯。就係我走左既第一日，即係今日，北京又有沙塵暴喇，但我去果四日乜事都冇，日日陽光普照，真係好正。今日同金仔傾過計，都係環繞返我係北京既所見所闡，講到佢都心郁郁，話早知同我一齊去，有早知就冇黑衣啦...哈哈！

今日已經係4月16日了，我地既北京四天團又完結了。好開心呀，第一次扔低老豆老媽子自已一個去咁遠既地方。有d野應該係度講下，話說4月13日我坐飛機去京城時，個機師唔知乜事，起飛後不久就搞到架機無啦啦急墜數百米，成機人都尖叫。到降落喇，個機頭都未落地(剩下中間到落左地)，佢同我玩飄移，掟左個「靚」彎，搞到我今日坐飛機都有d陰影...不過今次既北京之旅真係好好玩，去左好多景點，做左好漢，又識到好多朋友。

今日，係4月12日，我地套劇終於要演出喇。好驚呀，一望落去頭果三行全部都係我既同班同學，一見到我出場就「田雞，田雞！」咁...套劇都幾成功呀，感謝主。

順帶一提，未來三天(13/4至15/4)我都不會打日記，因為我去北京呀，聽朝6：20就要去到上水火車站咯，係深圳飛。係北京既所見所聞，等到16/4就自有分曉喇。

今日為左套劇，留校留到夜晚9：35先走。學校一入黑就好得人驚喇，到到都熄晒燈。原本我地諗住行樓梯落去既，去到樓梯口先醒起樓梯已lock左，又要行返去搭lift...部lift開左門，但冇開燈，好恐怖，去到lift口，先知...out of serivce！成班人好無奈咁係禮堂旁的樓梯離開，禮堂已熄晒燈，班女仔係度尖叫，幾經艱辛先去到梯口，工友已幫我地開埋燈，行下行下，突然又熄晒燈喎，d人又尖叫喇，原來係班kai子係度玩野。我都幾驚架，因為我一來怕黑既...二來d尖叫聲仲更加令人提心吊膽！呢五分鐘，可能令很多人覺得十分刺激吧！

如果仲記得既話，我係「3月26日的日記」中曾說過我們的話劇會在4月12日演出。時光飛逝，今日已經係4月10日喇，仲有兩日...仲有兩日，我地套話劇就會演出喇。綵緋已進入尾聲，好多道具、服裝竟然可在此短短兩星期內全部出齊，感謝主！我地已背熟晒台詞，只係差走位、轉折位同埋與敬拜隊一齊配合的事情還未能做得很好。正因如此，我們綵排的時間日漸加長，由平時的2至3小時，變成現在的4至5小時，好累呀！希望主幫助我地，把最好的、最美滿的都獻給袮，阿們！

今晚去左黃埔吃飯喎，咁食完就去樂民邨坐75X返屋企啦。去到大老山隧道果時，赫然見到一條長長的車龍，而且隧道既慢線係封左既，順理成章，我地架巴士就行快線喇，真係好少試過坐巴士行快線囉！原來，係近出口果度(約18-19號逃生門)有架城巴壞左，停左係度。咁過左架壞車之後，我地架巴士就係隧道工作人員既指示下返回慢線喇，第一次係隧道入面cut線咋，之前都未試過。

今日不知不覺又過去了，我都未做過功課添，聽晚仲要飲架，依家又做咯，88啦！

今日派左班相呀...咁咪拎比同學簽名囉。嘩！今年比左好多個女仔簽呀，又有好多女仔主動搵我簽喎，之前都未試過既。放學返神經啦，咪拎比L簽囉，佢簽名好似畫公仔咁喎，都算啦，佢有創意姐，但佢仲要簽到勁大隻喎，又搞到亞魚簽比我個名少左一忽喎，真係焗冷氣呀！我叫亞魚簽果時呢...佢仲特登係張紙度試簽幾次先同我簽喎，話想簽個好d既名比我喎。可惜丫，一個咁靚既名就咁比L一手毀滅左喇。

萬歲！！學校終於進入自由換季既時期喇，終於唔洗打呔喇，等今日等左好耐喇！！今日學校有個英文書既書展喎，都有好多書架，全場既書都8折發售喎。我都買左本呀，原價$47呀，特價後係$37.6呀。本書個名叫Titanic喎，聰明既你都知本書講乜啦！