今日下午，老豆話太熱要開冷氣，咁我負責閂窗。當去到我間房時，一下唔小心，比個窗夾親手指，即卡流血。然後即卡搵水清洗，好彩冇乜事，唔洗連膠布。除左我周我補習老師之外，就冇其他人知道呢件事。

今日中文要補課喎，11點補到12點半。上次起碼都有20人返，自從阿sir上次話任我我地返唔返之後，今日就得6丁友返去。計我話呢，每個報名返去補課既人，預先比$100按金阿sir，返齊就可以拎返；返唔齊就阿sir要左佢，咁班人就一定返去喇。

今晚去左我阿姨果度食飯，姨丈話想食田雞，於是就落左去買。我不嬲都唔鍾意食呢種物體既，因為覺得唔好食嘛。咋一個原因就係爬都比人叫做「田雞」，如果我食田雞既話，就係食左自已的「同類」！

又到左冇野好打既日子喇，無計啦，唯有繼續貼返係FS既飛行照啦。今日既主角有兩款機，呢兩款機係香港都比較少見，佢地就係荷蘭既Fokker 100型客機同俄羅斯既Tu(圖)-154型客機。唔講咁多喇，貼相先：

↑在跑道上等候起飛的Fokker 100型。

↑飛行中的Fokker 100型。

↑起飛後的Fokker 100型，來了一個U-turn，回到三藩市國際機場的上空。

↑剛起飛的Fokker 100型，正在收埋機輪。

↑Fokker 100型的機尾。

↑剛剛離地的圖154型飛機。

今日跟教會去石澳游水，每人只需付出$25，就包晒來回程既車錢，真係抵。今朝見個天都陰沉沉，去到都分分鐘游唔到水。點知，去到石澳唔止冇落雨，仲藍天白雲喎。海浪都唔算大，不過真係好好玩。晚飯就自費既，咁我地就去左石澳中泰式酒家果度食野，野食都唔錯。夜晚7：30就上車言屋企，但有人遲到，所以遲左7分鐘左右先開車。返到大埔火車站既時間係8：40分，於是我地就由火車站行返屋企喇。

今日都用左好多時間打機呀，當然係玩返前兩日先download左落黎既FS啦！唔知點解，用聯合737黎飛果時成日都失速，話都冇咁快就跌返落地面。因此，我轉左玩F-16戰機同和諧式飛機，等我貼返幾張飛行既圖片先：

↑二萬五千呎高空上的F-16戰機。

↑爬升中的F-16戰機。

↑起飛後的和諧式飛機，雲層下就是三藩市。

↑從三千呎高空上回望三藩市國際機場。

↑滑行中的F-16戰機。

繼一星期之前既派比安之後，又有個風係台灣果邊吹梗黎，叫寶霞。香港天文台已發出一號戒備訊號，聽朝就有機會掛三號強風訊號。個實霞吹完之後，分分鐘又黎多個桑美，好期待兩個風一齊民黎香港既感受。

今日無無聊聊，就睇返之前打既日記。唔經唔覺，暑假都過左廿幾三十日咯，諗返起暑假頭果時，仲話有排都未到返學既日子。但今日已經去到8月8號咯，距離返學既日子仲有廿幾日咋。

好開心呀今日，終於download到Flight Simulator喇，都幾好玩。開頭果時用左好多時間研究點起飛呀等等，後尾就上網問人。最終都能夠起飛，依家主要用聯合航空既波音737-300黎飛。

7月14號果時訂左新書，今日就有得拎喇。朝早9：45就上到學校排隊拎書，都排左成粒鐘禁滯。仲有三本書未有貨，包括兩本英文同中史一本。臨尾果時有個家長無啦啦發晒脾氣，係度狂插商務既職員，話佢地有問題云云。商務班友都搞佢唔掂，最後要出動我地學校既教務主任先至KO到佢。係商務既人面前，個家長就be-li-ba-la咁鬧人，當教務主任出黎果時，就頭dup-dup，差左未眼濕濕！就好似某d人咁，剩係識得係香港話中國大陸唔好，係香港就搞示威之類既野，上到大陸就聲都唔敢出。

今日又再一次去黃埔飲茶，咁我舅父同兩歲大既表妹就係深圳落左黎。我表妹今日好精靈，冇話成日都喊。食食下野果時我舅母就幫佢抹鼻水，點知佢就喊晒口咁，原來佢鼻入面有d野係度。於是飲完茶之後，就帶佢去QE睇急症喇，原來我表妹手多多，塞左兩粒龍眼核入兩個鼻哥窿到，所以一店佢個鼻就好痛。