就黎到一年一度既繽紛show喇，今日就係最後一次既綵排，聽日就出街咯。今次都幾好玩呀，我地就扮老師，老師就扮返學生。原來班老師平日咁嚴肅，玩起上黎都幾癲下，好難搞掂佢地。但就有一個好處，就係可以將四年黎對佢地既不滿一次過發泄晒，正呀！-.-
之前有兩晚都想通頂睇世界盃，但都做唔到。於是尋晚11點訓教，較左2：40起身睇波，開頭都好似未訓醒咁，唔想睇。但係後尾都克服左，係半場休息果時又訓過，訓到75'果時先起身睇返。睇到加時，意大利佔左好多優勢，雖然係咁，但係去到25'果時都未有波入。諗住實有得睇12碼，咁德國勝出既機會就會提升好多！點知去到29'果時，意大利無啦啦入左球，德國已經去到冇仇報既階段。意大利果班球員咁都唔夠本，唔夠一分鐘之後再射多球，列文想救都救唔到。就係咁，德國係最後兩分鐘連失兩球波，冇得捧盃。
之前拍過唔少短片，好想放上網與人分享。可惜搵唔到一個好既伺服器，搵到又上載唔到，咁就放棄左呢個意念。今日就再試一次，竟然成功左，好開心，於是一次過上載左兩段短片上去。雖然開頭有少少挫折，上載左之後播唔到，但最後都冇事，以後都會上載短片了。
*第100篇日記！*
今朝要返去練歌喎，練練下果陣miss無啦啦叫我出去，原來係講繽紛show既事。開頭諗住唔洗做啦，因為7月7號表演，咁耐都冇搵過我，點知miss同我講話2點要返去綵排，好野，有工開喇！由今日至7月6日，日日都要返去綵排。今次我揀既角色係數學老師，不過有個勁敵，叫L萍！都唔知佢係咪得閒過頭，有其他角色又唔鬼做，又唔同佢條仔爭做「班主任」喎，偏偏要同本大爺爭「數學老師」呢個角色，豈有此理！！
尋日開始打最後一輪既八強賽事，之前阿根廷已被德國擊敗，告別世界盃決賽週。尋晚首場賽事係英格蘭對葡萄牙，120分鐘都仲0：0，又要好似德國對阿根廷果場咁，以最殘酷既12碼分出勝負。第一球，葡萄牙嬴1：0，第二球英格蘭扳平1：1，第三球兩隊都唔入，第四球葡萄牙入到2：1，最後果球，葡萄牙出C朗，射入左，葡萄牙嬴3：1，英格蘭終於含淚出局。另外果場，巴西以0：1輸左比法國。
唔經唔覺，香港已經回歸左九年。由03年開始，每年7•1都會有遊行，我只係係03年行畢全程，05年就行左少少，因為覺得冇與趣。同埋覺得班人乜都得個嘈字，好唔好都係度嘈，覺得好無聊，所以唔想去行！
警告：以下片段會引致不安，患心臟病者不宜觀看！
片段的網址：http://www.youtube.com/watch?v=-r-w70Li0FE&search=%E4%B8%AD%E5%9C%8B 及
http://www.youtube.com/watch?v=uZBJnJ4vWLI&mode=related&search=%E4%B8%AD%E5%9C%8B
呢兩段片係講我地偉大既祖國既國民如何宰殺動物，在他們的眼中，只有「金錢」這兩個字，其他既野都唔重要了。今次真係唔出粗口都唔得，因為實在令朕感到不安！呢班咁既仆街，真係唔配做人，剩係識得錢錢錢，錢有幾重要呀？重唔重要得過動物既性命呀？你地有冇腦架？你地唔驚d動物第日返黎搵你呀？咁樣湯d動物，你地唔會唔安樂架咩？仲要搵你地果對臭腳踩住佢地，係佢地死之前都唔比佢安樂點？鬼唔望你地死撚左之後投胎做貓做狗，比人地湯返呀？！仲有，你地呢班咁既茂李，拎去打靶都益左你地(更何況依家唔洗打靶)，鬼唔望恢復曾幾何時既凌遲處死法，將你地既皮逐忽逐忽撕落黎，等你地感受下動物們既慘況！呢班友都唔撚知個死字點寫，如果比著朕做法官，一定會令佢地不得好死，死無全屍！
今日係試後活動既第一日，就出外參觀。原本本少第一志願係揀海洋公園既，但太多人去，搞到本少去唔到！於是本少就要去第二志願既「導遊工作坊」，都幾好玩，有得遊車河，去完山頂又去淺水灣，最後去埋赤柱。本少係今次旅行學到幾多野，有d野真係唔誚都唔知，好似淺水灣如果照英文譯既係叫「抗拒灣」，不過由於呢個夠咁核突，加上果度水既深淺度適中，所以叫淺水灣喎。另一個例子，就係果邊既「千歲門」，其實係「淺水」既普通話譯音，摸果個財神同四面佛又有玄機。本少雖然係香港住左16年咁大把，但對ed野都一無所知。
今日放假，又係一個無聊既日子。唔知點解，我係鍾意返學既，雖然日日返到去都會比人寸，但始終好過一個人係屋企。放假係飲茶既好時候，於是就去左旺角果頭同我阿公阿婆飲啦。飲完之後，就去左九龍城碼頭坐船去北角。去到諗住行去銅鑼灣，不過後尾臨時轉軚，坐車去小西灣，去左吹海風。-.-
一連三日既對卷日又完喇，咁就可以放低重擔，慢慢享受一連串的試後活動。今晚會有兩場精彩既世界盃賽事，分別係巴西對加納同西班牙對法國。加納今次唔知係勁左定係腐碌，入左16強，對住巴西。相信90%以上既人都會支持巴西，但係小弟就支持加納。點解呢？事緣前幾日派數學卷，肥強話我會高分過佢，但我就唔信，因為佢數學不嬲都好勁，於是我同佢講：「點會呀？我高分過你，加納都嬴倒巴西啦！」點知真係靈驗左，比我高分過佢，所以就產生左呢個支持加納既諗法。
