上左頭6堂，都冇功課要做，諗住今日都唔洗點做野。lunch之後果堂係中文，抱住期待既心情去5B問野明有冇返，如果冇返既就多一堂吉堂，點知佢有返，仲要係lunch果時先返黎。上堂既衫時都係對返份隕測卷，係30分入面，我好榮幸咁有15.5分。然後野明就派左三份工4紙比我地，全部都係講景物描寫既詞彙，好多3唔識做，到依家都只係做左一半左右。

第二堂，阿sir冇返，結果係自修堂。係呢堂開始，我覺得有d肚痛，忍到第三堂終於要去爆石。小息時見冇乜事，照常落小食部訂飯。當上地理堂時，係某些人既要求下，阿sir開左冷氣，我又有d唔舒服！PE，係上理論課，好辛苦，係禮堂到又熱又焗，上完理論堂已經12點半，經過三思之後決定同阿sir講唔上堂。諗住可以避開體能測試，點知阿sir話時間緊迫，全班都唔洗考體能。好難3捱到1點，拎張飯卡去小食部退錢，飯都冇胃口食。最後係醫療室訓教，訓到2點返去上PA。

為期四日既「長假期」，今日就係最後一日。朝早去左買餱，買完之後就返屋企打陣機，溫下書咁。食左午飯之後就做功課，都做左45分鐘，3點半去左飛髮。個師傅唔洗10分鐘就同我剪完髮，然後去我老豆剪髮果間salon到等佢，等佢既時間長到差唔多夠坐飛機由香港直飛海南島(剩係計飛行時間)。

今日係一年一度既國慶，不過成日都有毛毛雨落。夜晚去到飲，成9：20先係黃埔返屋企。好彩錄左《女王的教室》，如果唔係真係唔知點算。返到屋企係10：50，睇到最後果段。下星期仲有兩集特別版，正！

中五第一個月既最後一日，係無無聊聊之中過去了。仲有兩日假期就要返學，星期四果時仲諗住趁呢幾日假期做埋數學WS，結果到今日乜野都冇做過，當中包括星期二要交既功課。聽晚仲要去飲，分分鐘等到星期一先做功課。

話咁快，開學到依家已經差唔多一個月了。由今日起，係一連四日既假期，今日係乜鬼教師進修日，所以我地有假放；聽日同後日就係星期六、日；10月2號就係國慶補假，10月3號就照常上課。

自从6月2號之後，今日終於恢復團契時間，亦都係新學年第一次。小弟首次以中五學生身份出席團契既開幕禮，經過大半小時敬拜之後，又到左分組時間。唔洗多講，小弟都係去返神經劇，真係正，星期四同星期五既活動都係一樣。唔洗耍三心兩意去參加乜活動好，又可以專心咁係神經發展。不過今年都只係能夠做幕後野，因為套劇一如以往，會係復活節演出，但果時我地呢批中五生已經去左CE，套劇既幕前工作就會交由一班中二、三既人負責，呢批人就係傳說中既「神經後裔」喇。仲記得以前，見到中五既「神經祖先」一個一個咁因CE而不能參與幕前工作，小弟由配角做到第二男主角，再由第二男主角榮升到第一男主角兼成套劇既主角，果時覺得CE離我地好遠。唔知CE夠唔夠14分，夠既話就可以原校升讀，原校升讀就會返返神經。

學校仲教梗等比數列之際，我補習老師已經既始同我溫書。呢兩堂都係做下MC先，都做左50%左右。遲下就會做長題目，然後就做Past Paper，相信到我做Past Paper之際，學校仲係同我地溫書之中。

今日又有最乞人憎既PE堂，而且仲要考體能。以往，考體能之前要上理論堂，不過今日就唔上住，直接考體能。首毛要做呢個掌上壓，阿sir話以前好多人報大數，所以乞次要係佢面前做，好難先做到27下比佢，點知佢扣左我7下，成績得返20下，差唔多係全班最低果個。然後就做sit-up，都係做左27下，冇比人扣分，僅僅多肥強三下，唔洗包尾。

廣告都有話：「『意外』即係意料之外，係唔可以避免既！」係咪好奇怪我做乜無啦啦係度發邑風呢？其實係內乾坤既，話說今日踩車返學，去到怡雅苑果時我必須要剷上行人路上橋先可以上山返到學校門口。當我係左線切入右線果時，有個應該係救恩既學生係我右邊不足一米處駛至，由於時間非常緊迫，避無可避，兩架車相撞，兩個司機應聲倒地。我既右腳被夾住係兩架車中間，郁都郁唔到，我身體就擲住左救恩果條友同佢部私家車，兩個人就係咁無辦法自行起身。好彩有個途人守望相助，首先幫我拎起架車，令我可以起身先，我起身後，救恩果個人自然就起到身。為左保持各自學校既聲譽，大家都循例問下對方有冇事，然後各自趕返學校。我只係隻右腳腳踝果度有少少痛，落車之後檢查傷勢，只係甩皮，並無大礙。我懷疑係咪救恩果個人幫我擋左一劫,因為咁跌落石屎地一定流血，但我只係好少好少事，可能就係因為我擲左係佢上面先冇咁傷，不過佢就可能傷得重過我。