我想同佢講....其實我仲係冇忘記你e個好朋友,反而依家好耐冇一齊,

令我更加想你,見到你個陣,我好開心,但係你好似唔想正視我,

我唔知點解...之後我係到唸..會係因為我個日既妝扮嗎?定還是係因為我唔值得你去正視?

好奇怪..返到屋企個陣,我竟然為左你既一言一語同你唔正視我既事而耿耿於懷,

係點解呢?我都唔清楚,我只係覺得依家咁生疏,令我好痛苦,

曾經日日相見,互相安慰,有講有笑咁....但係依家就變到咁....

係咪我既錯呢?唸到e到,好想喊....好想搵人傾心事..

但係又一個可以同我仔細咁傾e件事既人都冇...

唔知佢有冇上黎我個日記板呢?唔知佢睇到又有咩感覺呢?

但係我知道佢係唔會黎...e d說話佢永遠都唔會睇到...

佢永遠都唔會知我仲係好需要佢...冇左佢好辛苦....

好想求佢番黎我身邊...好怪...我從來都未試過咁...

就算要我低聲下氣咁求佢唔好唔理我,我都唔介意...

佢係我邊個?我唔知...可能佢好討厭我...

可能佢已經唔記得我...我同佢可能就只係普通同學既關係...