今晚,,本來諗著返工落一落去跑步步,,但跑到球場見到阿威..佢叫左我去游水,,因為可以加強肺功能,,諗左一諗應承左佢,,等埋雲念就一齊行去...今晚游水游左好多...但我個心仍掛住傻豬豬...因為我去左游水無話佢知,,佢一定會成晚擔心我,,雖然今晚我同Ｄ朋友都幾多計傾,但內心總是不安心的!!!游完水後,,無同阿威佢地食野,,立刻去左最近既便利店買卡卡..OH..身上得返48.8$...好在問了佢地借左1.2$...可能有人覺得50$囉黎食野仲好...但我覺得呢50$囉黎買卡卡同傻豬豬報平安係值得的!!! 打到比傻豬豬後,,佢好擔心我..我有點內疚..我以後唔會再咁做..我一定會向妳報到先得~聽到佢講話知道我平安回家就安心..我就放心了~!!! 哈哈~原來當我同傻豬豬都擔心對方既時候,,就會打日記同日記講...估唔到呢個日記有咁大魔力的^^"
　＞＞嘻嘻...已經完全習慣左有傻豬豬同我一齊既時間了...我已經唔再係一個人...因為我的生命中擁有了妳的影子!!!我愛妳!!!

今日遲左返工...因為遲左起身...所以就遲左返工..返到去又係數野..數野..數野..但做野前就打比傻豬豬報到^^..佢都忙忙地咁~~之後就開始做野了~...今日可以分箱了~好在可以係晏就前數晒,,真係好快!! 由於要趕貨,, 所以我組早左1小時去食飯...岩岩好可以打比傻豬豬....原來佢日日都係食足的...一講到我的愛心飯盒...傻豬豬就開心了~嘻嘻,,唔緊要,,以後一定會機會試到陳老太的飯盒的^.^....食飯既時候細心一想,, 我同傻豬豬每一日都會講既野真係好有用..呢樣野...係一種動力!!我真係好鐘意每一日聽妳講or同妳講三字經的^^...飯完飯,,返去玩野,,終於分箱了...強項呀!!!! 我係好快好快時間就分左10箱....oh....累啦!!! 終於可以坐下,,呢個時間做完野就發E-MAIL給傻豬豬...之前收到Wing電話要去佢公司囉返d舊圖辦...所以我就要早走了......Wing間公司係旺角登打士街....囉完野之後行過女人街..但期待既球衣還未到貨..又一次失落,,之後就坐59X回家了~
返到屋企.....只想睡覺.....好累呀!!!!! 今日一定唔去踢波了!!!
晚上係屋企食飯...同埋同傻豬殉傾計...今晚講左好多我以前既事比佢聽...因為想傻豬豬了解我多D...嘻嘻..睇黎我地越黎越了解對方呢^^" ...今晚要早D訓..決定左12點就訓...有樣野好感動...傻豬豬願意我幫她做任何決定~~我地要同步進行麻^^........錫晒妳呀!!!!

今早起身,, 幾精神下,,因為琴日1點就訓,,雖然都係訓得少,,但比平時都精神左好多,,之後刷牙洗面返工,, 坐地鐵時見到對面有個比介四十多歲既女人,,係我上車後係咁化妝,,我估佢一定係遲到上班的一族,,佢真係勁,,由佢上車到化妝化到落車岩岩好喎~真係可以服左佢,,中間一定查左好多層粉底了~暈!!
返到公司就開始做野,,今早果Ｄ玩具屋黎左貨,,真係好多組件,,又係人仔,,豬,,牛,,洋等等既小組件,,唔止,,間屋的組件都好多...哈哈~睇到呢D玩具諗起想當年係柏利行做呢類貨都要幾多通頂,,唔知今次洗唔洗呢!!!
今次動用好多人手....Q/C部所有同事Test 屋既組件,,我同Boss Test人仔,,豬牛洋個d,,=.="... Shipping部負責過箱,, 後生負責包裝......勁呀!!咁多人一齊做一個工程!! 不過呢,,就係數豬牛洋都數到個心亂晒了=.=" 睇黎有排數了...11點幾,,終於等到傻豬豬打黎,,佢終於到步了~咁我就可以放心d呢^^"不過當時好忙數到唔多點咁,,就唔同佢講著,,有點無奈=.="唔可以同佢傾傾..不過到了中午食飯時間終於有時間了@@"....同傻豬豬講返今早大家發生的事~d feel好好呀真係!!可以了解大家!!...報到完後,,我就去了食飯,,今日發覺一間食店既煙鴨胸幾好食,,好食在係黑招味,,真係好正呀!!22蚊抵啦~^^"之後又要返去做野了=.=" 數完再數,,係咁數..連Boss都唔數了~換了新同事數..新同事比我還要快手..因為佢話佢用特別方法..但佢又唔話我知,,真係比佢吹脹..無耐終於到落班時間了=.="累呀!!!有咩約會都要推晒啦~!!!最鐘意就係返屋企....返到屋企後,,再落街去剪髮...去了美樂剪,,因為平,,同剪得幾好~!!!
oh..今次剪個頭都好短下...Feel有點像波歷克同摩連奴個種短,,自己覺得幾好咁啦~因為成日都係個種髮型同好多fd都係同一個髮型,,想比d突破,,考慮左好耐就決定剪短啦~~o...傻豬豬係呢個時候打黎,,佢話可以回家了~但我剪髮當中..只好7點幾打比佢..剪完頭髮,,再返屋企..唉!!本來好累,,但知道領隊約人晚上踢波,,同埋唔夠人,,所以我就去了~晚上係球場踢波波,,都有好幾隊...我地先贏了一場,,之後個場踢了好耐~最後輸了~=.=" 但領隊麵覺得唔錯隊波~ 越來越覺得晚上踢波好好玩!!!! d對手強d係好好踢的!!!! 加油呀~!!藍獅夜更組@@!!!新稱號!!!
不過.....最算我晚上去踢波波,,我都要話比我既傻豬豬聽的~!! 領隊話每個星期一同四實有波踢~睇黎要同傻豬豬申請定先得~^3^"
踢完波後,, 坐左陣~球場關燈時候,,同康,,雲佬..威等人踢左陣波~ 原來用金毛既射門方式係好好的!!! 因為諗返起教練叔話金毛既射波動作係最好~所以想學下..佑唔到右腳射門比左腳還強呢!!
射完波後..就回家了~~回到家已經11點幾了..今晚夜左..下次唔會~@@

今朝好早就起左身,,6點幾,,但因為瀨床關係...瀨到9點先起身
完全醒晒時..就打比隊友們特訓了~9點半就出左門了~ 去左悅湖OK等BEN佢地,,BEN好早就到了~呵呵,,佢囉到對舊BOOT比金毛呀~等到金毛黎既時候,,金毛穿起BEN比佢對BOOT又係度講三講四麻麻煩煩咁!!!!!其實對BOOT係好野黎架~!!金毛真係唔識野啦~!!!!!! 等埋豪屎就去特訓,,但各人意見不同下,,決定返返七人做特訓..但返到七人就無左特訓件事了=.=" 今早七人場有3隊係度踢,,又係水V水...我地等左好耐,,差唔多成個幾鐘,,先可以出去踢..但出到踢既時候原來係另一回事黎~D人唔識走位就已經令到我地難踢好多~最後,,我隊堅持左半小時左右就輸波出返去...頹!!!! 好累好累好累好辛苦好辛苦好辛苦..!!!!原來早上踢同夜晚踢係兩回事黎~ 我地個個都話,,”返開夜更突然轉返早更真係唔得了∼！踢完波就去左食午飯，今日去食午飯既地方都好多人，而我地有４－５人左右，通常行到方間那個位，大家就決定唔到去邊間食，之後我同大家講一個方法，就係一個人代表一間食店，用猜包剪Ｘ，贏了的一方就去贏的一方代表的食店食，大家都覺得呢個決定唔錯，哈哈∼以後食飯一定岩用呢！！
下午回到家後．．成個人就死咁...辛苦到呢!!．第一時間上網向小童彤報到．．呢件係每日要做既事黎既∼＾＾”．．之後就去沖涼啦．．沖完涼就食飯．．食完飯之後就係同小童彤的２人世界了∼感覺係非常響往的＾＾”
今日晚上無咩特別事發生．．平靜啦∼之後明天小童彤要去出差，希望佢可以小心Ｄ啦∼小倫僧擔心佢的＾＾”

這篇是昨天的日記,,因為昨天瀨,所以到現在先打返,,以後唔可以咁呀!!
本來對昨天發生的事唔太記得,但我要努力寫言出黎,我唔想這一刻的我Miss左每一天的感受!!
　　本身對這一篇日記已經無太大印象,但得到小童彤的動力,我決定了不可以miss左任何一天!!

要慢慢諗起.....琴日早上6點幾起身,但有少少瀨床既感覺..咁樣瀨到8點先起身>.< 真係眼訓了!!但點都起左身了,起身後,無早餐食...因為老媽好早已經出門了~直至返到公司都無食野...係車上已經訓到豬咁,,返到公司...睇返之前test報告,,無耐睇睇下又眼訓了~雙眼情不自禁地又合埋了=.="一訓...訓到十一點幾先醒來,,好在今日公司無咩人返工姐,,一眼睇晒,得人事部Jolin(公司重要人事!!)....會計白小姐....shpping黎小姐(好似見到佢)...如果唔係訓咁耐一定比人講懷話呀!! 起身第一件事,,打比小童彤報到,,死啦,,今早返到公司無同佢報到呀!!不過佢都無嬲到我無同佢報到,,唔唔...我以後會準時報到架啦!!小童彤請放心!!
落班後,,本來約了金仔同肥波去海港食自助餐,,呢2位朋友好耐無見啦,,但我都係無應約,,因為真係好累,,所以就返到屋企了~唔好意思呀真係,,下次我請!!! 之後去左大家樂食飯,,d飯麻麻啦~我覺得係汁既問題囉~下次唔食個種汁!!!!
返到屋企,,有點累..第一時間守在電腦前等待小童彤,,小童彤真係乖乖啦!!!佢話我幾點出門,,佢就幾點去睡覺,,完全就晒我~Sweet^^" 時間好快過去了~ 下午3點幾約左豪屎佢地踢波,, OH....發覺下午D對手無挑戰性了~但下午都踢得好累下!!!!!踢到7點幾就同司徒、阿華佢地去了啟豐食飯~ 發覺原來所謂"瑞士雞翼"同"老水雞翼"無分別...就咁溝白飯就唔太好味!!! 都係塞飯好食D!!!
食完飯後,,返七人場,,好耐無見既疆屍好早就到了~ 之後D隊友一個一個到齊..今晚有特別隊友范志藝幫我地打GK..OH~我隊今晚真係好勁!! 我踢中堅,, 豪屎右後,, 疆屍左後,, BEN中場,, Kelvin & 大威前....阿健同司徒佢地都有踢架~ 今晚我地係七人場踢4場勝3場~唔知點解晚上比下午精神同集中好多~ 我都覺得自己踢得好好~!!!! 係後防殺晒咁!! 但踢到第3場既時候開始抽跟了~ 最後都係踢唔到啦!! 但今個晚上我們總算是七人場的大贏家呢!!! 由於我抽跟,,ben話今晚我唔惜合做特訓....11點我地去左悅湖食少少野~ oh~多謝晒大威送部MP4比我~等左好耐了~^^" 呵呵。。。未食完我就走了，因為要返屋企報到^^"
返到屋企好期待回到電腦面前,,因為等小童彤返黎,,但佢未返...擔心>..< 擔心佢既同時,,睇返佢既日記,,睇到佢打既野,, 好多大起大落....而且有點唔開心..晏少少終於打左比小童彤,,佢正在回家當中,,而且佢話飲左少少紅酒,,有少少醉醉地!! 不過同佢傾到佢返到屋企~我就放心了~ 再之後我同佢傾返佢日記個件事,, 我完完整整地同佢講晒我對佢那篇日記的感受,, 可能係我多心左,, 或者仲怕,, 但佢同我講返佢感受時,, 我之前既唔開心已經無左...@@ 同埋聽到小童彤第一次主動地對我說那3個字,,我覺得好感動,,想喊既感覺..總之心情難以形容...係開心既^^....小童彤,,多謝妳再次給我信心^^" 我愛妳呀!!!!!!!!!!!
琴日發生既差唔多係咁了=="暈!!!!