下午出去同mark食飯, 搭98a時撞到Teresa~ 雖然大家都係翠林人, 但真係好少撞到佢, 仲要係同路搭98a~ 上到車又見到一位很面善的人, 原來係一隻受傷的河馬~~ 平時出街好少會撞到熟人, 真係橋呢~~ 同Teresa傾下近況, 大家都係剛出來做野, 傾傾下先諗起河馬同teresa應該係認識的, 大家都係湯鄧人, recall番佢地的memory後就相認了, 大家都傾下工作, 傾下目標, 好快就各自下車了~~

之後轉15號, 我真係好憎呢條線, 勁多燈位勁慢, 仲要係黎架熱狗, 坐到我成身汗!! 去到就同mark去蔡瀾食坊食lunch, 之後去左旺角行, 實在太熱太多人了, 行得好辛苦!! 行到6點幾我就搭車趕下場, 去Tony家打邊爐~ 偏偏呢個時候又撞車, 等左成4,5個字, 一架巴士都無, 氣!!

去到新蒲崗, Tony的家也不難找, 上到去已經見到大kat, nikki, lincoln同女朋友們都開始食緊了, 可惜阿瑩唔黎啦~~ 傾下計, 食下野, 之後就一齊睇港男~ 成個鴨show咁, d港男無個得,  一係mk, 一係怪人, 上年的rocky同mathew好好多~~ d表演好難頂, d人成日擺d懶型的pose, 好核突... 不過成班人一齊睇就好好笑~~

今日好難得咁番左將官bbq gathering~ 今次有好多人去, 有成廿幾個同學仔and幾個miss, 有鍾太, miss tam and一個我唔識的miss, 可惜我最想見到的miss ho, 高sir and 何sir都無黎~~ 同鍾太傾左幾句, 佢真係好記得我地5c, 佢話咁多年係我地嗰屆最叻, 最多人升上中六~~ 另外就係佢又當眾讚我靚左~呵呵~~

响三十幾度的天氣下bbq簡直係受罪, d野唔知點解燒極都唔熟, 一係就燶哂...加上太熱了, 都唔太想燒, 食左好少野就停手~ 之後就去打下排球~ 不過最衰無時間周圍行下, 都幾懷念官中的每一處, 特別是7B班房~~ 不過而家已經唔係班房了~~

bbq完我地去新都地鐵上蓋坐, 玩killer, 聽住佢地一人一句, 玩到好累, 玩到2點幾就番屋企了~

今日去左２個interview, 上午係觀塘的knitwear, 出門口時明明無雨, 但我一上到車就落狗屎, 勁大雨,攪到我有傘都濕哂~ 上到去間公司, 都好大~ 做左個written test, reply fax絕對無問題，呢個月我做得最多的就係reply email~ 之後同個女人傾下計, 都int得幾好, 應該會有2nd int~~

下午去左另一份interview, 九龍灣2nd int, 今次係見assistant merchandising manager, 係男人來的, 佢只係問左少少野, 講下份工要做ｄ乜同公司嘅福利, 之後就問我星期四番唔番到工, 仲諗住要再等電話tim~~ 呢間公司OFFER的所有野都比起之前的好, 人工, 年假, 其他應該有的benefit都有, 最正就係番５日工~~ 呢樣真係好好好吸引~~ 另外最開心就係佢無壓我價, 其實佢俾得番之前個人工我都ok, 但而家佢俾到expected salary 我tim~~

不過點都好, 都係要做落先知好唔好, 希望今次份工正正常常啦~~

今日心情好忐忑不安, 辭職信已經打好, 打算上司一番黎就俾佢... 咁大個女第一次辭職, 真係有ｄ驚~ 驚唔知佢會有咩反應, 驚自己會後悔, 驚佢唔俾我走... 辭職原因係: 屋企有事, 無錯, 呢個係一個大話, 我都好唔想講大話, 但我知我唔咁講佢一定勁留我, 勁問我點解, 我唔想同佢ｅｘｐｌａｉｎ, 只好用ｄ咁嘅藉口...

佢勁留我, 話希望我ｓｅｔｔｌｅ　ｄｏｗｎ屋企ｄ事會番黎, 我話唔ｓｕｒｅ... 佢猛問我同公司有無關, 我都唔知點答佢... 之後個老闆走埋入黎, ２條友都話希望我只係ｌｏｎｇ　ｌｅａｖｅ, 希望我會番黎...

講完之後, 我即刻走人, 一踏出公司門個人即刻鬆哂, 講大話真係好辛苦... 但我唔講就一定走唔到, 我唔想佢用幾個鐘黎留我~~　我唔想好似ａｎｎａ（一個同事）咁，　最後俾佢講到要做多３個月先走得．．．　

唉, 心情好不安, 呃人始終係唔啱的, 但我是迫不得意

之後不停咁諗, 我有無做錯呢?諗深一層, 我而家唔走, 將來３個月或６個月後都會被鬧走, ｏｒ頂唔順辛苦而走, 咁都係而家快ｄ斬纜好ｄ~~

今日搵左maggie食tea傾下計, 我真係好想搵人傾計, 好想人俾d意見我, 話俾我知係我有問題, 定係公司有問題~ 聽過幾個人的意見, 個個都係叫我早d走, 搵過份, 咁我都下定決心, 星期一番去炒老闆魷魚~

搵工係好容易, 但搵一份好工就好睇彩數, 永遠interview時就講到天花龍鳳, 但實際係點就要試過先知~ 記得henry(一位師兄)上年1月時講過, 佢d fd個個都轉過幾份工~ 原來真係要慢慢搵先搵到啱, 千其唔可以心急...

今日同maggie傾傾下, fellow都黎埋, 實在太好了, 大家好耐無見~ 可惜chung去左遊行, 太嘈聽唔到我地電話啦 (:P)~~ 傾下大家近況, 大家對將來得出個結論, 就係"等時間過"~ 出黎做野, 攞經驗, 等上位, 要等時間過; 儲錢, 有好d嘅生活, 又係要等時間過; 結婚, 生仔, 要等有錢, 都係要等時間過~

雖然每個人嘅人生都係"等時間過", 但我希望等的過程中會過得有意義d, 充實d, 做盡自己想做的事~~