今日上堂個feel勁好..早上個堂勁好玩呀...個阿sir又勁gag呢...勁笑死...好快就過左3個鐘喇..之後食lunch,例牌個樣野喇~日本野..之後返去上堂喇..下午ga堂係討論堂...基於我琴晚有溫書ga關係..今日對答好流...er...都有少少唔識ga..上左1個鐘之後...成個人好眼訓...鍾下鍾下咁上完 ...之後食d野就去練水...今日其實唔係好想講練水d野...因為有人同我講講游水好悶..我都知...但冇咩好寫呀嘛...但今日真係有趣喎...今日個天色一早已經唔好架喇..游左1200仲下起雨來tim..下雨都冇咩大不了..但竟然行雷...初初我地冇理到..但閃左幾次之後喇...教練就叫我地上水喇...勁大雨...勁 ...成班係體能室傾計同磅重,測肌肉(我都唔知測黎做咩架)...之後磅到71.6...嘩! ...你好想知我嘩咩呢....講你知呀..我黎澳洲個時係74kg架..而家瘦左3kg喇~....我仲日日食咁鬼多野tim...咁仲俾我瘦...真係冇天理喇~ 之後就測肌肉..一測就知我完全唔大隻囉...仲可以用瘦削黎形容tim...哈哈哈..之後見冇下雨我地就落返水喇...游左20個100蝶..就仲有15min先6:00...點知d雨同雷又返黎囉...你唔係呀嘛..仲有15min先練完...你而家係咪當我地游水運動員ga唔係運動員先?...之後係更衣室換衫個時d雨係勁大囉....最慘ga係我冇拎傘呀嘛....好左有個意大利人住我同一個區...佢又肯車我喎...真係thank you very much喇~..返到我個區一d雨都冇..係見到d雷雲閃下閃下姐...lee到d雷雲好靚架....你係見到佢係到左閃下右閃下架又大喎...lee d自然景象...你係香港幾難搵喇~...之後返屋企食飯..今日間屋勁焗+上要食辣野...出曬水呀~ 之後本來想溫書架....但勁累呀....訓左tim.....成個人散曬咁~

今日上IT堂悶到爆,得2個人上堂..悶左4個鐘…食lunch又係食日本野,但今次試食牛肉飯…講野牛肉飯一定諗起”吉野家”喇…荃灣間吉野家俾我地幾多”歡樂”呀 …放學就去練水喇..今日練水架勢堂喇…計9個200呀..前面7個唔講喇..最後個2個架勢堂喇…有幾架勢堂?好架勢堂架…點架勢堂?勁架勢堂喇~而家就話俾你知點架勢堂喇…真係好架勢堂架..第8個游完 100米 右腳小腿大抽根…頂住頂住…最後好辛苦咁游完~放鬆左 100米 ..右腳ok返..之後諗住last爆個2分10幾先架喇…一出去都ok..點知游完 100米 左腳小腿大抽根..我係到諗你"唔係玩野呀嘛"…之後當然係用"無比ga鬥志"游完佢喇…結果同第8個時間一樣…仲唔架勢堂咩?..之後行去搭車個時真係幾痛呀~…係巴士站個時唱”一生何求”..唔知點解突然諗起阿晶..因為佢真係冇日記…唔知佢近來點呢?...之後返到屋企打左俾$家姐…佢介紹d好食ga野食俾我.. 之後傾完曬d電話費囉…之後就開始溫management喇~溫到1點幾先訓…自從會考之後都未試一晚溫咁耐書喇~

今日又係去聽耶穌喇~聽完就去食午喇…又買返左張電話卡…今個星期又黎喇~uncle同我講原來我lee到係冇夏令時間架~…愚人節本來過得好好地架…last先俾人fix…11點 50min囉,$↓茵,勁囉你!之後去uncle到上網….同阿嵐係到傾計同聽森美移動…上到5點幾就返屋企喇,之後唔知諗左d咩(當然唔話你地知喇)..個人down曬…之後食飯冇咩mood..晚上睇下d IT 之後就訓囉~

今日係”個樣野”完結左3年ga日子,係條街一到行一到諗返…個樣野都算係我係ylsc做ga瘋狂事之一喇…之後行到返學校…冇開ga?..又話日日開ga?...貼左張memo　話４月1日close, included電腦室….嘩..愚人節你同我黎個大整蠱先呀? ..之後只好去uncle到上網…我仲未收到hidy 個video囉 …激左我喇~~~上到9點就行出車站搭車…條街一個人都冇,車唔多見一架..好有拍戲feel呀 …返到食完飯就打俾$家姐…佢係到講咩夏令時間….我都唔係好明…只係知,我而家只係同香港差一個鐘姐…傾完玩多陣就訓喇~

今日一早起身...拾野出門口..因為個時7:30,hidy話早上會online,佢send d video俾我呀...早早返去囉..點知我行左40min先記得..我冇拎上網個條線囉....要行返去囉....最後成9:10先行返到學校...行左成6k幾...之後俾我見到hidy...拿拿問佢拎d video之後就係到上網喇...上到1點幾,就去食lunch同返屋企拎練水ga野.....今日開會呀...80%聽得明喇..."如果你選左游水,就要放佢落第一位"..right~!.. 今日又係沖塘...6組3個25+1個50...沖到勁差....25慢成14秒,50去到成28"7...死得喇~ ...之後返屋企聽住"架勢堂"..笑到死左..因為條街真係冇咩人...笑到勁大聲 ....今日佢地玩camp fire...其實我冇咩興趣架..不過算喇...食完飯,坐係到hea,望住個火...勁諗野..之後傾下計,玩下火....到2點先返房訓~

今日早上成7:30先起身..30min整好曬所有野係冇整頭姐..之後就出門口喇…..點知我返到去一個人都冇…今日上math…得3個人..但vicky冇返…得2個人上堂…係我講上堂做咩之前..我要收返之前話”math好難”ga說話…因為原來係好easy架…我個唔知撞咩鬼話佢難架 ….EASY到你唔信…今日上堂學ga野我6歲學過喇….低能野!…低能左4個鐘就放學喇..之後同方去食lunch…今日勁肚餓呀,食左piazza同大碗飯…食左au$12…第一次食咁豪呀~..之後俾我搵到地方打機…打左成個鐘就去練水喇….今日d熱身好少..1100之喎…之後游完6個50就計3個 200米喇..第一個 200米…ok喇..之後放鬆係 5” 30ga400自,出奇地游完400又幾好feel之後第2個再快d再黎400放鬆..最後個個200自破PB..yeah …仲快過游短池呀…(唔講幾多喇…未到香港水平嘛)游完再放鬆400+18個50就游完喇…之後返到去食飯..就黎食完個時..包租公神神秘秘咁拎出左2封信…一封係我ga因為係關係學生搭車優惠ga..之後仲有一封就冇寫我個名..就寫住swimmer架…成屋人都係到笑..我笑到食唔飯囉…你班友…玩野係到…anyway多謝你地喇...封信呀..個張相…=o=…之後睇完電視就訓囉~

今日返學校岩岩好…9:00入班房….之後上堂超悶囉..早上ga真係悶到想訓囉 ..但個班得5個人…只好'半昏迷'咁上喇~….因為之前買錯書所以要係lunch去返間書店換書..今日lunch又係食日本野…lee到d日本野真係幾好食喎 ….下午返去上堂…係到玩心理測驗囉…之後係到玩益智問題囉,準時放學….之後hea陣就搭車練水喇….今日熱身唔講喇…都係幾千咁上下喇….之後游30個 1’ 00…香港就好耐冇游喇…黎到lee到游長池..真係怯一怯架 …咁樣游ga:30個100頭15個(3個 1” 25+2個 1” 20咁游…)(同場加映:佢地班癲佬就3個 1” 20+ 1” 15..佢地仲可以 1” 10~ 1” 12返到黎)…頭個15個 100米 ,完成左93%...休息30秒….之後個15個 1” 25a ll..100%完成…掂呀..係香港就算我10個休息一個都唔可以做曬..今次竟然做曬喎 …then放鬆400+6個50PB+6就完喇…返到去食完飯..竟然仲有甜品食喎係香蕉蛋糕呀..好味! …之後傾多陣計…就出去打電話喇..今日星期3..打俾阿晶…今次拎左”武器”同排朱古力…一到食一到傾…同阿晶傾左 10m in就收線喇…之後我諗諗下….就打左俾嘉靜喇…估唔到嘉靜第一個問題竟然係問我做咩唔打俾阿嵐呀?..我諗諗下..又係喎…算喇,,,打俾佢都唔知講咩好….之後同佢傾下傾下就同佢講左成2個鐘喇….又傾完左張電話卡喇~..嘩~好似好快就傾完喇…傾到成12點幾..最夜今次喇~返到去個個都訓囉~我用左lee2張卡..打左俾屋企人,$家姐,癲馬,阿欣,Hidy,阿晶同嘉靜…係阿晶同阿欣冇同我傾成2個幾鐘姐…個個都傾成2個幾鐘….哈哈哈~…

休息左10個月..今日終於開學喇…一早起身食左個靚早餐之後就出去…過馬路個撞到vicky之後一齊返,係lab到見到方…問完咩班房就上去喇…入到班房等左一陣…上堂喇..3個人?..唔係化?..上IT堂..D野勁EASY,中3巳經學左喇….都幾悶~之後lunch食M記食完返去上網…因為係電腦室上所以唔使走喇…上上下發覺我MO拎件好重要ga野…完全影響我之後做ga野囉…放左學去拎學生證…原來有id卡搭車都唔可以有優惠架…仲有交其他form…立即爆粗…之後返屋企做體能..今日條腰係到玩極限…而家都幾痛…之後又訓到食飯…之後係到睇”百萬富翁-澳洲版”…超難囉d問題 ..睇完就返房囉~

癲馬:生日快樂~