早排都有聽聞過有電腦節~~不過就無乜留意佢幾時同邊到開~~
都聽講左一段時間, 所以都諗住應該無左架啦~~(之前果d得3-4日)
最近我睇緊d LCDTV既mon...
因為我個mon有d問題, 早排佢無啦啦變色龍上身, 突然變左紫紫地咁~~
不過幾日後又無事~~都用左6-7年, 應該係時候畀佢退休~
想買部LCDTV mon, 諗住間房都有得睇電視~~^^
一直睇, 一路留意d價錢~~
今日食飯睇東張西望時, 講到電腦節...原來今日先係last day!!!開到9點!!
食完飯8點...同hoho二話不說即刻飛的落megabox~~haha
唔洗幾分鐘...我地就買左個Philips既22寸全高清LCDTV~同埋個高清雞頂盒~^^
o係廳到睇慣左高清...多d台選擇~~最愛J2~~^^
要我睇返平時既4個台, 我會唔甘心~所以點都要買返個雞頂盒放o係房~


一直以為我個書枱可以放得落22寸....岩岩一試先知原來最多放到19寸....
不過好在我一直都有打算換過張書枱~~haha~~^^都用左10幾年啦~~佢亦變左花面貓~
但係依家就暫時無得用個新mon....無得o係房睇電視.....要買左張新書枱先有得用~~
唯有等下啦~~~

有冇覺得呢個kitty紙袋似曾相識咁呢~~
無錯~~佢係來自新天地既hello kitty主題婚禮攝影~~
上年8月o係婚紗展join影相果時, 個sale姐姐畀我架~~haha~~^^
成為左我既收藏品~~

琴日收到新天地既電話~~話我地既婚紗相會o係下星期五, 17號送黎啦~^^
勁興奮~期待已久既相終於都到啦~~^^
但係....懶惰既我仲未執好間房黎迎接佢地~~
不過總算諗到安置佢地o係邊~~~
就係放佢地入去呢個kitty箱入面~~

之前o係trendyland買既可以坐既儲物箱~~^^
果時hoho堅持要買畀我~~當時其實唔多想要架~
一黎無地方擺啦~~2黎唔知放咩落去~~
但kitty凳咁可愛~~最後都係帶左佢返屋企~~
依家...終於都用得著佢啦~~haha~~
希望夠放得晒我地既5本相簿, 提名冊, 幾張細油畫啦~~
希望d相簿唔好大得滯放唔落就得啦~~

hoho今日出院啦~~^^
星期四果日都唔畀佢出, 仲以為要等到過左假期先有得出~
點知佢個主診醫生今日返左去睇佢, 跟住畀佢出院~~^^
今朝8點幾收到hoho既msg話佢可以出院, 即刻打畀佢問係咪畀佢出黎放假之後要返去~
佢話唔係, 係出院~唔洗再返去啦~~
我開心到即刻醒晒~~
好囉...終於都有人返黎幫我暖下張被啦~唔洗我日日玩nds解悶~唔洗晚晚都難以入睡~
夜晚訓覺遇上行雷驚醒既時候有人畀我攬住, 訓覺既時候同我搶被...........
總之~~你返黎陪我就最好啦~~^^已習慣你陪伴在我身邊的日子~~
我以後的日子亦要你一直陪伴住我~~



今日gingin佢地黎左....聽到個好消息~~恭喜晒呀!!!
祝一切順利!!!



新既音樂播放器又唔知做咩失左靈....=.="
好在Slide果到有得加音樂~~仲要搵到我首飲歌~
我對hoho既心聲~~嘻嘻~~

換左wallpaper~~係我同hoho既Q版公仔~
整得hoho勁似呀~~haha~~我就嘛嘛咁似~~
會成為我地婚禮既icon架!!!
已印制成貼紙啦~~到時會用黎封住張喜帖~~

xanga個音樂播放器唔知做咩鬼唔識自己播音樂~~
琴晚換左另一個播放器~~佢可以放多首歌曲~~我放左3首落去~^^
佢名叫"mp3音樂隨機播放器", 仲以為佢會播完一首再繼續播其他~~
點知原來係每登入一次個blog就隨機播其中一首.....=.="
唉~~有點失望~~但都好過無啦~~^^




早前一口氣整左幾次日式芝士蛋糕~~
比起2年前第一次整成功左好多~~^^(轉左食譜)
因為失敗過, 所以唔敢整咁大個~~就用左屋企最細既6寸模黎整~~
出黎既效果勁得呀!!!^^但味道就唔知, 因為畀阿妹拐帶左佢走~~
幾日後我又再整多個....今次我有份食~~^^真係勁好味~~拍得住依藤家果d~~hee~~


幾日後hoho話想再食~~我見6寸咁細大家唔夠食~~就用左屋企最大既10寸模黎整~~材料X2~^^
唔洗5分鐘就無左半個啦~~




最近愛上左用慕絲模黎焗蛋糕~~因為清洗方便~~haha~~我是懶人~
只要鋪d石紙包住個底就可以倒d蛋糕落去焗~~
唔洗用牛油紙~~唔洗洗多個蛋糕底~~haha~~good呀!!!

呢排都好得閒....探完hoho就返屋企上綱睇食譜~~
見到人地整呢個提子鬆餅, 睇見就留口水~
要食既就要一早起身去m記買~~我邊有咁神心一早起身丫~~
所以決定自己整, 一黎有得玩, 2黎自己整既, 用料都好過出面啦~~^^


琴日11點幾起身就開始整~~個零鐘後就有得食啦~~
未出焗已經聞到香噴噴~~一出焗就即刻唔見左幾個~~haha~~
但好似唔多夠甜~~唔知係咪我包糖霜放左9世, 仲要放o係雪櫃, 所以走左味呢~
下次可以再落多少少~~^^
不過真係勁好味~~皮脆內軟~加多杯cappuccino就prefect啦~~haha
夜晚亦拎左3個畀hoho....4個畀細妹~~hee~~^^

但係個賣相就略需改善~~
睇下下面呢個係人地整架~~圓柱形架~~幾靚~
但我果個就...變左半球體~~=.="
鬼咩~~人地係用個餅模一個個印出黎架~~
而我就懶醒就咁用手搓圓佢就算~點知焗起就走左樣~~

hoho既手術非常成功~!!^^
好多謝咁多位朋友一路以黎既關心同支持~
因為你地, 我先可以咁勇敢支撐到而家~多謝你地~~
不過果晚真係一路等一路嚇到我鼻哥窿都無肉~
佢下午1點半打畀我...講左2句就話要換衫落去做手術啦~
咁醫生講過個手術快則個半鐘做完, 慢則3個鐘~
咁我約左阿輝一齊去探佢~6點去到醫院~
lip口見到姑姐, gin同ling都黎左~~一齊上去~
仲諗住佢應該已經醒左, o係床等緊我地黎~
點知...上到去張床唔見左~~佢隔離個人話好似調左位~
但我地見到佢d野仲o係到~~心諗可能岩岩調緊掛~~
咁走去問姑娘啦~~第一個姑娘(應該係阿姐果d)好惡死咁叫我問其他人~~
第2個姑娘就好悔氣咁話~"你係佢邊位呀?佢做緊手術嘛~"
.......=0="咁既服務態度......我個人已經擔心緊架啦, 仲要受你氣!!! 真係O晒咀囉~

之後一大班人出返去出面等佢~~
一路等呀等....又研究下點解會咁耐都未返黎~
1點半落去.....可能唔係即時有得做, 畀1個鐘你等啦~~
2點半幫你打麻醉針啦.....再等多1個鐘等d藥發揮出黎啦~
3點半開始做啦~~畀3個鐘你做啦~~6點半應該做完啦掛~~
唔通醫生見得閒同佢抽埋脂~~阿輝話我痴線~
但等到7點半都未見佢返黎~~叫阿輝走先~~
跟住gin男友阿康都黎左~~再過一陣aunite同姨媽都到左~~
等到8點....大家一齊去canteen食野~~9點3再同gin上房問~~姑娘話佢就返~
落去叫大家上黎等~~大約9點半...終於見到有人推返hoho上黎啦~~足足8個鐘呀!!!
見到佢合埋眼, 帶住氧氣罩~~估佢應該岩岩做完, d麻醉藥仲未散~~
之後入去睇佢...見佢已經醒左~~佢開一開眼望一望我, 之後又合返埋~~一定係好倦啦~
同佢講野, 佢都答得好虛弱~~講左幾句就走啦~畀佢休息~

第2日再去探佢, 已經唔洗帶氧氣罩啦~~不過仲未坐得~~
呢日佢無也胃口食野...成日只係食左幾啖粥~~當然吊住鹽水啦~

第3日媽咪煲左d瘦肉粥畀佢食~~lunch時媽咪拎左過去畀佢, 食左一碗~
夜晚到我去再拎一碗畀佢食~~原來岩岩佢嫲嫲黎左拎左d湯畀佢飲~~^^
仲有好多人黎過...佢張枱放滿葡萄適, 保礦力, 水果.......
跟住姨媽同風姨都黎左....又有手信~~野飲...雞精~~
haha~~佢可以開小販檔賣d野飲畀隔離床d人啦~~
有返d胃口食野...唔洗再吊鹽水啦~~

今日係做完手術既第5日啦~~
插o係佢傷口果條去血水既喉可以折左佢~~
而佢亦終於可以落床行下~~
佢終於都可以去toliet啦~~去大~~佢忍左3日~~haha~~
佢話唔到訓o係到痾...死都要忍到落床先去~~真係畀佢笑死~~
我話...咁你忍咁耐...舊野硬左痾唔出咁點呀??
琴日佢興高采烈地講~~"好野, 聽日可以折喉啦~跟住我就會即刻去toliet"
.............仲以為佢下一句係"跟住就可以好快出院啦"~~點知係去toliet...笑死我

唔知佢聽日出得院未呢~~
如果聽日未出得就要過埋4日復活節假先出得架啦~~
希望醫生畀佢聽日出院啦~~

過去既個幾月都無update個blog....
我唔係o係屋企實戰cooking mama, 就係o係醫院出出入入~~
先係嫲嫲2月尾入醫做左個小手術~~割盲腸~
(乜割盲腸要開3刀既咩??嫲嫲個肚有3個傷口~奇怪的...)
嫲嫲住左院3,4日就出得院啦~~因佢要休養, 我就負起買餸煮飯呢個責任~
越煮就越來越愛上廚房既個聖地~~閒時又整下蛋糕, 麵包~~
(遲下有心情再post返之前煮過, 整過既野食上黎~)
原本一路過住幸福快樂既實習主婦生活~~
點知...3月初, hoho舊患復發~椎間盤移位~腰骨痛到佢...見到佢, 我個心都痛埋...
坐又坐唔到, 企又唔係, 訓又唔係~都唔知佢有冇好好咁訓過一覺~只見佢不停咁食止痛藥~~
有朝我仲驚見佢食晒成包止痛藥~(前一晚仲見到4-5粒), 佢一次過食晒咁多粒~><
但係...佢依然話好痛...d藥已經畀佢食到醇左啦~~
我呢...見到佢痛苦既表情而又咩都幫佢唔到, 亦喊過好多次~~
其後同佢去過睇跌打, 睇中醫, 做針炙....但都係無效~

之後...先後3次同佢出入醫院...
第一次walk-in去威爾斯~~等左3-4個鐘, 佢就捱痛捱足3-4個鐘先有一支止痛針佢打~
打完之後就畀d止痛藥佢, 打發佢走~
第二次call白車入去Q醫~~又係等3-4個鐘先有一支止痛針~
之後要佢去照x-ray...以為會畀佢留院啦~點知同佢電療左幾下就打發佢走~
第三次call白車去威爾斯~~由於佢既record o係威爾斯...所以諗住今次call白車應該會畀佢留院~
又係等啦~~今次唔知係咪因為call白車訓床入黎既原因~等左2個幾鍾就見到醫生啦~
好好笑囉...個醫生話...."咦~~你早幾日黎睇過架啦喎~"
ho: 係呀
醫生: 咁你今次想點丫?
ho: 食藥都無用, 想入院再check下~
我心諗...你唔係又想畀d藥佢又打發佢走呀??
而且你係醫生喎~你都見佢出出入入左幾次啦~係咪應該由你決定要佢去留院呢??

題外話:
真係唔明點解分流站既醫生姑娘唔同佢打左止痛針先~係要人捱痛捱幾個鐘先幫人打~~
如果唔係真係咁痛呀, 洗鬼入黎急症室咩~如果頂唔住痛到死左, 係咪醫院負責先???
都唔知呢d係咩鬼野政策黎~~
同埋, 好心d普通傷風感冒既人(老人家同bb另計)就咪鬼貪小便宜去急症室睇病啦~出面咁多診所唔睇~
係要o係到同d真正有需要既人爭~~!!!

就係咁...hoho就住左9日醫院啦~~我每日既節目就係去醫院探佢~
又畀左$2700去照多次磁力共振~(要free既話要排期一年~~痴線架~等一年都唔知發生咩事lu~)
其實平左啦...2年前照要$4000~當時又係話要排期一年, 先會自己畀$照~
佢呢個症早左2年前已經發現~但當時醫生話佢仲後生, 做手術有一定既風險~
因為開刀位太接近神經線, 建議佢唔好做~~當然既解決方法就係同佢打左幾支類固醇~
但類固醇只係治標唔治本, 只係畀到止痛既效果佢, 幾年後藥性無左就會失效~
而類固醇又有副作用, 所以不能多打~~
估唔到...期限咁快就到~~痛根又再出黎折磨佢~~
今次照完, 醫生提議佢做手術~因為已經無辦法~

找過資料, 知道仁安醫院有個微創手術名為<椎間盤水刀髓核切洗術>
其風險底, 最大好處係傷口細, 仲要做完可以即刻落床, 唔洗住院~
不過由於係私家醫院, 收費亦相當高~最大問題係...hoho既保險唔保佢呢個症, 因為係舊症~
查過資料, 全香港就只有仁安醫院有呢種手術做~
兩家人諗左幾日...為安全著想, 手術費5萬蚊貴就貴左d, 但為左健康, 決定畀佢做水刀~
後黎威爾斯既醫生話依家傳統既手術已經安全左好多~亦未有手術失敗既個案發生過~~
同埋佢依家有2條骨都有軟骨凸出要切除~
5萬蚊手術費係最basic既收費...依家佢有2舊要切, 一定唔止呢個價錢~
同埋...諗諗下...如果將來做完之後有咩事, 就一定要返去仁安...果d收費先金呀~~(由於無得claim保險~)
如果政府醫院做...有咩事都可以即刻返去嘛~~
既然醫生話傳統手術無問題~~我地就信你架啦~~!!!

上星期一hoho出左院返黎休養同等做手術~~估唔到醫生畀到個快期佢~~4月3日做~
今日一早就送返佢入醫院...準備聽日既手術~~
我臨走時好唔捨得走~~好想留底一直陪住佢~有d想喊~~大概係我太緊張啦~~
但我唔可以畀hoho見到我咁既樣架~~唔可以令到佢咁擔心~
我知佢一定同我一樣都好緊張~~第一次做咁大既手術~~係人都驚啦~~
依家仲未知聽日幾點做...可能夜d醫生巡房先同佢講啦~
願主保佑hoho聽日既手術順順利利~~!!!

今日試整左呢個薰衣草cheesecake~~
蛋糕入面黑色一粒粒既係rum酒提子~^^
個底用左海綿蛋糕~~因為趕住拎出去畀阿妹~所以無同個蛋糕裝飾~



切左一件件先逐件做裝飾~~haha
買唔到靚既士多啤梨~所以用左蘋果同奇異果~~估唔到效果都ok~~
用埋蛋糕圍邊帶包住佢~即刻勁似出面買d西餅~~


由於個蛋糕整得比較高身~~無食物盒可以裝得落~~
我既解決方法係......剪左d石紙黎拓底~~haha~~
因為趕, 所以無剪圓形, 求其一塊長方形包住佢就算~~haha~~尚算見得下人丫~~

講下個蛋糕既味道先~~
好香薰衣草味啦~~好特別, 好有貴氣~~
不過應該唔係個個會接受薰衣草味~就正如唔係個個鍾意食魚子醬同黑松露菌~
我勁鍾意薰衣草味~~不過食呢個蛋糕都係一件起兩件止~食得多會好溜~好濟~(難怪法國菜係細細件咁上)

26號嫲嫲盲腸炎入左醫院~~買餸煮飯呢項工作就要由我負責直至嫲嫲好返~
唔怪得佢發燒燒左幾日都唔退啦~又嗌肚痛~原來慢性盲腸炎係咁既~

今日我既重點餸菜有以下2個~~^^

墨魚膠蒸玉子豆腐
賣相勁吸引呢~~haha~~買左成年既野菜模終於都拎出黎用啦~~haha~~^^"
不過就嫌佢略為淡左d~~
未食過墨魚膠, 驚佢係有鹽既~所以都唔敢再落野醃佢~


清蒸唔記得咩魚
條魚個樣似桂花魚~不過唔係桂花魚~賣魚個阿姐講過~但我唔記得左lu~~haha~
承為$20~~但好滑好清甜~~我用微波爐叮左4分鐘~~再灑上勁多葱絲, 滾油同豉油~好好味呀~~
第一次整魚食~~總算成功~~haha~~

今日姑姐, lingling同gin過黎~~
以我估計嫲嫲一定會去燒味鋪到斬燒鵝雞之類既野~~
佢覺得請人食飯, 有咁樣既餸就好得體~(因為次次都係咁~我太明白嫲嫲啦~)
但呢d燒味我已經食到厭啦~~為左阻止呢場恐怖晚餐出現~我自動請纓話晚餐由我安排~~^^
琴晚msn問過gin想食咩~~最後就整左6餸一湯既精美晚餐出黎~~^^
gin想食既野係我之前2晚都有食既野~~就係金菇肥牛同涼拌四季豆~~
肥牛我都唔敢買咁多~因為我已經有d over, 因為一連2日都食左佢~亦怕daddy佢地厭~~
買左$30/包既肥牛同2包金菇加半個洋蔥...炒左出黎都幾大碟~~好怕食淨我要連續對佢4日~
但出乎意料地gin同lingling幫我清晒佢~~haha~~太好啦~~


呢個瑤柱肉丸炆節瓜係我第一次整~~之前hoho見到食譜話想食~
肉丸加左新鮮青豆粒落去整~~呢碟餸爺爺好鍾意~因為岩晒無牙力既佢~haha~
我都好滿意呢個餸~~味道岩岩好~~
d瑤柱落鑊真係要好快手炒佢, 因為佢會週圍彈~~好驚佢~


今次買左排骨, 整返個豉椒排骨~~^^
落返少d豆豉~~無咁黑~賣相靚仔返~~^^


香煎腍魚柳~~見百佳賣$9.9/2條咁抵~所以買黎試下~~
我用左d香草醃左佢先煎~~點沙律醬食又幾好味喎~~^^