今日八點幾就醒左，睇左陣書，本來想早D去圖書館，但禁早又唔知有冇人去，就等多陣。跟住啊堅都話去，不過佢話下午先去，如果早上去，又翻屋企食飯會好浪費時間。所以我都唔去住，就叫啊毅同我去跑步。
跑啊跑啊，有少少辛苦，冇態啊！跑多陣就行埋一面休息，俾我見到Zoie係度跑步喎，雖然跑得唔係好快，不過跑姿都同佢以前差好多。

吃飽後去圖書館溫書..................

小璐同sarah五點就話走，之後RO驚都話走，叫埋我走，我就跟住去，出左圖書館見到小璐企左係商場門口，就好似果D人做埋D非法ge野，帶我去見佢大佬。去到果度，意想不到見到sarah！
嘩，真係意想不到，好驚喜啊。我地走左去一處好少人ge地方---食蛋糕啊，我有許到願，不過就唔記得吹果支冇點著ge蠟燭，算啦。之後就切蛋糕，以紙合代碟，冇叉照食，不過我有個A型朱古力^.^
塊底餅就好好味，個蛋糕就勁勁好味！
唔講你唔知，呢個蛋糕係我第一個生日蛋糕黎ga！有份見證呢一刻，你地真幸福。哈哈哈哈！！有你地呢班朋友真好！你地俾左我一個這麼難忘的生日，為我人生刻畫下這個歷史性的一刻。多謝晒！！

今日係不平凡的一天，不過今日過後，又要要對考試，繼續平凡的生活。希望大家今次考試成績都會理想啦，今次唔得，下次就更加努力，考好D啦！