今朝未起身已聽到行雷，仲聽到ｄ雨打落窗ｏ既聲，
起身後第一時間當然睇下係咪黑雨啦，點知都係得個閃電標誌，
又要ｏ係風雨交加之中返工，好在有靚靚水鞋，唔係又要踐水”乙水”，
好慘啦，其實著左水鞋條褲都濕左一半，因為都幾大風下，
但係落車已經冇雨喇，晏晝仲鬼咁好天添，真係天氣難測。
今日工作都唔算忙，都仲有時間教隻RM同事開個淘寶戶口，
不過呢隻真係心急怪黎架，樣樣野一見到第一時間就想做，
雖然佢份人冇乜點，不過佢急起上黎對住佢都幾有壓力，
而且諗住教識佢後以後等佢慢慢淘，唔駛經我，唔係我怕半夜佢都要打比我都似∼
晏晝又偷偷地同分行秘書上淘寶網，因為想話比佢聽有隻款可能有佢size，
隻傻瓜好想開黎睇，但又怕佢老闆突然走出黎揾佢，聽比老闆睇到唔好啦，
我仲同佢講笑可能佢老闆出黎見到，叫分行秘書幫佢買埋一份，
點知後尾佢老闆臨走，出黎同分行秘書交待一ｄ工事，跟住佢同我地講：
『你地係咪訂水鞋呀？做乜唔預埋我呀？？』雖然果刻我諗同分行秘書一樣心裏漓汗，
但又冇諗過女分行經理自己開聲話訂埋一份，咁我地問佢鍾意咩款式，
佢話留比分行秘書幫佢揀，佢個秘書好眼光媧，之後分行秘書話佢應該鍾意深色底，
佢老闆立即話係，睇下分行秘書老闆幾愛佢丫∼哈哈！！
咁ｏ岩我今日有著水鞋，於是叫女分行經埋穿一穿試下，以佢ｏ既身高（仲高過我），
理應只少同我咁上下size，咁佢試完之後就走左喇，睇黎今次想唔訂鞋都唔得啦，
分行秘書身負重任，自己唔買點都要幫老闆買，不過我叫佢唔好買同老闆買同一款式，
費事佢著得可愛過老闆時，第二日就唔駛返工喇∼∼哈哈∼
不過之後我地諗緊，點解連女分行經理都知道我地買鞋，一係就係家姐老闆講，
第二最大可能就係隻RM同事講喇，死啦，依家繼上次三人行去改變形象攪到好似全世界都知，
依家上網訂野都怕就快全層都知，我地一向好低調架嘛，依家攪到好似好張揚咁添，
太張揚怕好似招惹殺身之禍呀∼∼^^|||
仲有琴日RM同事o係網度發現10蚊吊帶裙，佢已經話仲平過地布，點知今日佢黎話我知，
見到有８蚊條添，真係好誇張，我同佢講笑，不如買晒五隻色啦，到時我地一人著一隻色，
黎個『制服誘惑』，我諗立即將ｄ老闆嚇死，尤其前細佬老闆添，個頭一定掛好大好大滴汗，
分分鐘嚇死當場添，我今日都有同家姐老闆講，我諗佢心裏都滴汗，
我怕遲早佢地禁制我地再去淘寶喇∼∼呵呵∼∼ | 
