成個星期冇打日記，因為剛過ｏ既一個星期又ｄ感冒精神狀態不佳，
加埋又要對住心急老闆ｏ既一堆信，仲要幫佢將封信send 晒出去，
我真係一對住就恰眼訓，所以呢個星期特別難過。其實ｄ信我都仲未寄晒，
因為寄寄下都冇乜精神同心機，加埋又要做其他老闆ｏ既野，
所以都半放棄狀態，至於心急老闆間房ｏ既野都係佢自己執左，
因為講真只有佢自已先知ｄ野要唔要，亦好難全部時間放晒ｏ係執野度，
若為若整到半路其他老闆呼喚又要停低都幾煩，但都好，間房叫做執好，
心急老闆今日晏書自己揾車搬走ｄ野，所以星期一返去間房應該都吉架喇。

返埋下星期一終於有我期待的大假，感覺上呢個月好難過咁，
琴日一提完ｄ老闆我下星期放假，立即好有回應，就係ｄ工作開始排山倒海咁黎，
老闆角度當然希望ｏ係我放假前盡量同佢地做定ｄ工作啦，
所以星期一預計都會做到冇停手，但好快有假放，真係好期待好期待。

到放完假返去就有一個新ｏ既開始，因為其中一個老闆換左，
但預計應該會比依家忙，因為聽女王講佢老闆已經諗左一堆大計出黎，
我新老闆又係佢下線兼拍擋，所以預計又會好似女王依家咁，
要成日打野同埋做powerpoint，之前仲諗住甩左前細佬老闆後唔駛再掂呢ｄ野添，
點知依家又meet 唔甩佢ｄ野添，日後肯定ｄ野要同女王齊齊咩喇∼∼

今朝起身外面落住雨，最憎落雨返工好唔方便。

朝早返到公司同女王同埋分行秘書大家襯ｄ人去晒開會又講下大家ｏ既新髮型，
之後開始唔少人發現我地三個同一齊轉左髮型都問我地係咪一齊去整，
後來攪攪下好似成個agency 都知咁，鬼咩∼∼先前都聽我地哦左三日，
我諗坐附近ｄ同事都聽到想死咁瀟，依家見我地整好個頭一定有得救ｏ既感覺喇。

今日繼續整心急老闆ｏ既信，不過真係冇乜衝勁整，所以進展都不大，
而心急老闆自己就開始執野，暫時都幫唔上太大忙，係幫手拎ｄ大垃圾袋比佢囉∼
佢話下個星期應該唔返喇，我仲有四日捱，都唔知捱唔捱得到喇∼∼ >.<

今日內地發起全國為四川汶川大地震哀悼三日，停止一切公共娛樂，
本來呢樣野我絕不反對，不過當返到屋企開著電視想睇香港兩個電台時，
發覺係冇得睇，因為呢三日係哀悼日，所以暫不提供訊號，
見到真係立即想『x@#z, 星星月亮太陽』，乜香港電視台ｏ既頻度淨係得娛架咩？？
連新聞都睇唔到，真係吹賬~~唔好意思，雖然粗俗左ｄ，但係想比自己少少情緒發洩，
所以依家只可以睇到國內電視台不斷播放有關地震ｏ既一切（修飾）過ｏ既消息，
真係睇到都唔想睇，諗諗下幾驚佢連網都上唔到呀，好彩好彩，都仲可以上，
若果唔係三日就好似與世隔絕咁喇∼∼

因為早兩日開始喉嚨痛吽病，琴日叫做捱住去坐左大半日整頭髮，
所以都好攰，今日都訓到成十二點先起身，冇耐出去醫肚，
再去超市買左ｄ水餃做今晚晚餐，因為好攰都冇乜精神去買餸煮飯。

返到屋企食左ｄ藥再上網，唔知係因為藥ｏ既問題定係因為唔舒服身體需要多休息，
對住部電腦冇耐真係對眼都有ｄ撐唔大，所以又走左去訓，一訓又兩粒幾鐘，
不過訓完又真係好ｄ咁，所以今晚我都會乖乖早ｄ訓，
因為聽日仲有一堆悶野等住我去清理呢∼∼