siuwai722

暱稱：小衛

最新日誌

•	又買鞋
•	平安夜、shopping 日
•	聖誕趴地日的飯聚
•	又剪髮
•	作感冒

:: 傻瓜糖糖 ::

日誌分類

•	全部 (393)
•	生活點滴 (393)

訪客留言

最近三個月尚無任何留言

::小狗旺旺::

我的好友

violafata

我的連結

尚無任何連結

站內搜尋

2008 年 5 月 1 日星期四

五一放假一天

<<擦擦擦:『神燈神燈, 快d變個有錢靚仔送比二家姐』~~^+++^>>

<<家姐老闆佢地o既戰利品, 真係睇到我咬牙切齒呀..>>

＊　＊　＊　＊　＊

今日係五一放一日假，可惜連唔到星期六，若果連到可以一連放四日會正ｄ，
琴日都算冇乜野做，晏晝都同女王同埋分行秘書傾左陣偈，
仲要覺得好似傾左好耐都未夠四點，兼且好有星期五ｏ既感覺，
我仲話驚星期五唔記得返工，因為記錯以為係星期日添。

心急老闆自從遞左信都應該停產唔會再出動簽單，但我諗佢應該要為新工做準備，
似乎都好忙碌咁，唔知係咪因為我地臨別秋波，覺得心急老闆對我特別客氣，
雖然佢平時對我都已經好客氣，咁大家話晒唔經唔覺都對左六年嘛，應該會好唔捨得，
但唔知點解冇乜特別感覺，唔知係咪未識感覺還是仲未知黎緊我會係點卦？
唔知心急老闆幾時先同家姐老闆佢地講，其實我好想佢早ｄ講，
因為每次同家姐老闆傾開偈都好想提呢件事，但係心急老闆又叫我暫時幫佢保秘密媧，
真係辛苦呀～～

聽日冇啦啦返一日工，我諗都冇乜mood，但聽日係香港一個特別日子，
因為奧運聖火ｏ係香港境內傳送，我又冇乜特別感覺，因為都唔會有份參與，
最緊要返工放工唔好影響到交通啦～

＊　＊　＊　＊　＊

p.s. 上次二家姐想睇我ｏ既『阿拉丁神燈』手信同埋家姐老闆ｏ既戰利品，
所以今日記住post 晒上黎，老闆佢地買咁多靚手信係咪好鬼過份呢？？哈哈

刊登時間︰2008-05-01 11:04 PM [ 訪客留言(2) ] [ 編輯日誌 ] [ 分享至FACEBOOK ]

2008 年 4 月 29 日星期二

人事變動

呢幾日上網極不穩定，仲估間上網公司唔得，後尾先發覺應該係個 router有問題，
所以呢幾日都冇上網，疊埋心水打機，不過又因為掛住打機打到唔捨得訓，
呢兩日返工都好鬼眼訓。

講返公司，不得不提黎緊對我有影響ｏ既人事變動，話說琴日臨食晏心急老闆叫我揾佢，
入左佢房佢就關埋門坐低講，通常有密偈講先有呢種舉動，原來佢話佢剛剛遞左離職信，
我聽到都有少少愕然，因為佢都ｏ係度估左十四年兼剛又生左個ｂ，
照計應該都係步向穩定，所以估佢唔知係咪做得唔開心，不過佢話呢個唔係原因，
原因係因為ｏ係度做左好耐，佢成績一向唔錯，不過有ｄ停滯不前冇乜突破，同埋有ｄ悶，
因為都好多舊同事去左第二間公司做發展唔錯，所以佢先有諗換下環境，
而且去到新公司唔會再好似依家咁專做保險，會做埋財務策劃方面，
唔駛浪費左之前讀左ｏ既書都考左ｏ既牌，佢呢個諗法都可以理解，
唔怪得呢排ｏ係咁追我scan 晒ｄ文件啦，佢話其實一路都幾唔捨得我，
因為同我都幾夾到，雖然佢新公司拍檔有叫佢帶埋我走，
但佢唔想因為佢離開而影響其他兩個拍檔，所以冇咁做到，我則話可惜少左個好老闆囉，
不過心急老闆話暫時想我幫佢保守秘密，過兩日先同我其他兩個老闆交待。

今次ｏ既人事變動當然對我有影響，因為心急老闆一向對我好好，
當然佢出去揾新發展我都會支持，但要面對黎緊人事變動，因為應該兩個老闆要揾新拍擋，
但現觀有能力同需要秘書ｏ既人唔多，即使有，通常果ｄ都係麻煩友，幫佢做野怕會嘔血，
到今日再同心急老闆傾開，佢話雖然走，但都唔會將現存客人買左ｏ既單斷左佢帶走，
而佢走後呢ｄ單都應該會由佢老闆follow，所以佢心裏有個方案係叫佢老闆比份錢請我，
而我則留ｏ係度幫佢跟進留ｏ係度ｏ既單，因為心急老闆做左十幾年，佢ｏ既客真係好多，
所以佢問我意願係點，我心諗呢個都未必唔係一個方案，雖然由我follow 佢留ｏ係度ｏ既野，
會需要同客人聯絡跟進，但相對比一個麻煩老闆好，所以我都冇乜意見，而佢老闆都冇問題，
最後係要同我其他兩個老闆傾，睇下佢地想唔想，所以暫時我都唔諗太多喇，
等佢地傾完先算啦。

雖然心急老闆叫我幫佢守秘密，不過我都係有講比呢度ｏ既老死秘書女王同分行秘書聽，
因為我都知佢地唔會揚出去，因為始終涉及我之後ｏ既變動，都想揾下講下，
最攪笑係今日家姐老闆經過我個位，咁ｏ岩我伸個頭出去望到佢，佢笑我仲乜個樣咁無奈，
跟住我同隔離分行秘書講，乜我個樣真係表現得好無奈咩？唔得，等我唱返首歌先．．．
『我本想跟你淡然去，無奈此去不易．．．．．』，跟住覺得歌詞好似好應景咁，
我仲諗緊，當家姐老闆聽到心急老闆離職ｏ既消息，佢會唔會無奈過我呢？

刊登時間︰2008-04-29 10:38 PM [ 訪客留言(2) ] [ 編輯日誌 ] [ 分享至FACEBOOK ]

2008 年 4 月 24 日星期四

好過份耶～～

琴日家姐老闆由泰國返香港，諗住去玩左成個星期，點都會抖下先，
所以預計今日會收到家姐老闆ｄ電話，點知未夠十點聽到家姐老闆房有開門聲，
探頭望過去見房門開左，心諗老闆冇理由咁早返到架？於是咪走去望下囉，
點知真係老闆返左黎媧，仲見佢拎左一袋袋手信返黎，
而我ｏ既手信就係ｏ係杜拜買返黎ｏ既『阿拉丁神燈』，
跟住老闆立即比我睇佢ｏ係泰國買ｏ既戰利品，差唔多全部都係sanrio O既物品，
最過份就係全部都係正品貨但又十分之平，家姐老闆仲比佢影左ｏ既戰利品想比我腸，
真係攤到成床都係，睇到真係咬牙切齒，我同老闆講唔得呀，我要同女王一齊去旅行先得呀，
老闆聽到就ｏ係度笑。跟住就聽佢講下去旅行ｏ既野，又睇下佢影ｏ既相，
仲聽到唔少八卦野添，不過最衰都係煩煩老闆架喇，次次人家ｏ係度傾偈佢又走入黎，
咁我冇理由仲留ｏ係度八啦，咪出返去做野囉，等人八少好多野嘛。

之後半日都冇心機做野，因為同女王佢地講唔抵得老闆去買左咁多靜野平野，
好鬼吸引家嘛，另外仲收埋心急老闆送比我ｏ既一個木制手飾品，可以放ｏ係公司櫃桶，
真係越黎越放得多野，等我聽日打刧老闆張戰利品相返黎幫手曬下先得～哈哈～

家姐老闆一返黎果然冇咁得閒，雖然今日都只係清下ｄ文件，但都係瑣瑣碎碎咁過，
好彩聽日又星期五，跟住又要好好咁抖返兩日先得咯～～

刊登時間︰2008-04-24 11:06 PM [ 訪客留言(1) ] [ 編輯日誌 ] [ 分享至FACEBOOK ]

« | 22 | 23 | 24 | 25 | 26 | 27 | 28 | 29 | 30 | 31 | ... | 131 | »