呢幾日都幾攰又加上卦住打機，所以懶左冇打日記，
呢個星期返四日工又放一日假，加埋分行大部份人ｏ係１號至３號去深圳蛇口上堂，
加埋假期要下個星期先見到佢地，真係樂得清靜，希望呢個星期容易過啦。
今日去左染髮，本來想揾日過元朗同事仔介紹的髮型屋試下，因為價錢都幾平，
依家人民幣升值，某ｄ消費唔平得過香港，所以某ｄ野都會返香港消費，
不過怪獸今日問我敢唔敢試佢上次去果間ｕｐ ｄｕｐ髮型屋，價錢好平，
好似佢上次單剪髮都係５蚊雞，佢話剪得好過果ｄ貴髮廊，咁我覺得又冇乜所謂呀，
反正我久不久都要染，若話會傷頭髮，我又唔相信果ｄ貴ｏ既會唔傷囉，
加上講心機，深圳呢邊就真係比香港ｄ assistant 有心機，
至少唔會整到我ｄ頭皮一噠噠顏色，所以決定去試一次，結果只係用左５８蚊，
染髮加洗剪吹，佢仲唔sell 我用貴野添，咁ｏ既價錢比以前做ｏ既價可以做四次喇，
同埋我都想試下耐ｄ先整負離子，一來成日整都要花錢兼好傷頭髮，只多係冇咁靚嗟，
我又唔係要靠個樣揾食牙，等再忍唔住先去整啦。
早個星期朋友送比我地隻水魚，一直放ｏ係盤到唔多郁，睇落佢悶悶不樂咁，
又唔肯食野，之後將佢放ｏ係水仙盤度拎左佢出露台，仲用『筲箕』放ｏ係盤上面，
仲用石仔放ｏ係筲箕邊，等佢冇咁易走出黎，但兩日後怪獸諗住去望下佢，
已經發現兩粒石仔跌開左，盤裏面空空如也，跟住揾晒成個露台都唔見佢蹤影，
照計又冇乜理由會爬入屋，幾日黎都冇晒影，唔知爬左去邊，
我地諗都唔知會唔會爬到露台邊之後跌鬼左落街，我地夜晚得閒都留意深圳新聞廣場，
睇下有冇人報料話發現天降水魚，但又好似冇媧，所以依家都唔知隻水魚身在何處，
又係唔係健在，還是有一日自己又爬返出黎，真係不得而知喇∼∼ | 
