所以話人一比機會自己懶就好易懶落去，就好似打日記咁，
雖然話唔係要一定日日打，不過，懶開一日好易又一日，就好似我咁喇，
乖Ｏ既小朋友千奇唔好學呀。

其實呢幾晚有有Ｄ攰Ｏ既，同埋有時好似唔知打乜咁，所以冇打日記，
講返呢兩日假期都係留返Ｏ係屋企休息，上個月經過左凍凍Ｏ既一個月，
呢排天氣開始熱起上黎，晏畫有時都有成廿幾度，都好似有Ｄ難著衫咁，
著得太少又怕唔覺意冷親，但著得多又怕好熱，加埋呢排香港係流感高峰期，
仲因爆發流感攪到Ｄ小朋友提早放復活節假，所以都係要好好小心咁保重身體先得喇。

今個星期返四日工就可以放復活節假，有得放假我呢Ｄ死懶精係最期待架喇，
呵呵！！

今朝唔知點解冇乜人返工，不過咁都好，反而靜靜地我地最鍾意。
因為今日我點都要去銀行，分行秘書要去郵局，女王要去買野，
所以今日一齊出去食飯，因為唔想好似琴日咁因為外賣遲黎而出唔切去。

食完飯返家姐老闆有單交，不過佢似乎好急，因為佢平時都好小心，
但今日叮囑我幫佢望多兩眼，通常呢ｄ情況係佢寫得好急時寫，怕太急走漏眼，
不過佢走左之後，真係發現佢寫錯野，本來份表格日字係用”日月年”排列，
點知佢寫左用”月日年”結果３月１１日變成１１月３日，
最衰係個３字改１字比較難攪，結果打比老闆同佢商量，佢都知預左要客補簽名，
諗住叫我劃左佢改，後尾我都係決定用沙膠擦，總之過左cashier 先，
之後去到Underwriter要客簽咪再叫客簽囉，因為覺得劃左去仲覺眼，
一切都睇之後好唔好彩喇。

黎緊分行秘書要幫佢老闆同埋煩煩老闆做埋請人呢一part，今日佢比我煩煩老闆煩，
捉左佢去聽煩煩老闆打電話技巧，又叫分行秘書試講，分行秘書真係差ｄ忍唔住笑，
之後見煩煩老闆拎左手袋匆匆忙忙咁出左門口，一心諗住佢一定又”me me 摩摩”，
約左客唔到最後都唔出門口，所以都冇理佢，行左去家姐老闆房放返ｄ文件，
冇耐隱約聽到我手機響（因為我放左ｏ係自己張枱），於是行返出去，佢已經收線，
見個來電係煩煩老闆公司電話，於是去老闆位問佢係咪揾我，雖然覺得有ｄ奇怪點解佢又係公司，
點知佢比左本薄我，上面有幾個plan 要出，佢同我講唔好意思，個客依家上緊黎。

聽到佢咁講真係有少少起火，點解佢成個晏晝都ｏ係公司，都唔一早寫定比我，
係要下下咁急趕，個客上緊黎先要我做，咁點做得切呀？有時真係想唔想理佢，
好在家姐老闆唔係度，若果唔係家姐老闆成日揾我做野，我又乘機告下狀架喇，
結果都係要敲門入去拎ｄ quotation 入去，真係麻麻煩煩，好在跟住冇再call 我呢樣果樣，
因為ｄ野做得咁急我都怕會做錯野，因為冇咩時間check，之後夠鐘就走人喇。

星期一喇，又係唔願咁返工，今日唔算特別忙，但ｄ老闆都有返工，
包括生完ｂｂｏ既心急老闆，我今日問佢黎緊係咪會返工，
佢話應該日日都會返下黎，只係唔會一早返嗟，都正常ｏ既，放左個幾月假，
應該都要慢慢適應返工，同埋慢慢將跟開ｏ既野比返老闆，
但我覺得最初老闆放假時要follow 佢ｏ既野，唔知佢跟到邊，
所以都有ｄ煩，不過當ｄ野自己跟開後反而覺得習慣左，因為自己一手一腳經手，
知道晒ｄ來龍去脈，當然，可以比返老闆follow D客好ｄ啦，
因為最怕打電話比客∼ ^^|||

晏晝去開煩煩老闆個位拎野，佢又問我scan 野ｏ既進度，
雖然佢想我將佢ｄ文件scan 晒落電腦已經都係兩年幾前ｏ既事，
不過佢做左十幾年，ｄ客一大堆，仲有心急老闆呢，兩個加埋我諗有成千個客，
要一時三刻scan 晒ｄ野談可容易？仲記得當時佢同我講睇下可唔可以兩個月scan 完ｄ” 一般保險”，
其實當時一聽都知冇可能，不過又唔想比佢覺得我試都唔試就話唔得，佢鍾意咪試囉，
之後佢又久不久問我，又話ｄ野好難揾，我話比佢聽好多人專登揾一個人返黎scan 野，
佢又一口話淨係信得過我，我個心諗真係多謝喇，其實我覺得佢係唔捨得請人，
ｏｋ啦，咁我咪唯有一有時間就scan 囉，但我都承應之前做法唔係咁好，
琴年開始轉左個做法後覺得好左，諗唔到今日佢又問我，可能佢覺得我成日掛住傾偈唔做野，
但佢唔知雖然我把口講緊野，但對手都不斷做緊野架？
佢叫我黎緊私三個老闆去旅行或去上堂時抽時間做，不過我份人又唔抵得，
於是如實話比佢聽，其實我依家不斷做緊，佢地唔揾我時我就已經scan 緊野，
當佢地揾我，我就處理左比我ｏ既野先，佢聽到立即話唔該晒我，又叫我睇下啦，會唔會OT做，
不過跟住佢又話明我住得好遠，我真係想答佢，你自己都識答啦？想我十點先返屋企呀？真係比佢激死，
其實我住得遠唔遠都唔會幫佢開OT，寧願比時抽時間出黎做。
佢之前又話信得過我，又ｏ係度想催我又問我，咁淨係信我定唔信我丫？？真係啋佢都傻！！