<<Annual dinner 抽中的 多功能 printer>>

＊　＊　＊　＊　＊

琴晚因為要去Annual Dinner夜返而未打日記，講返琴日因為臨近放年假，
真係開始冇乜mood 返工，ｄ Agent 返埋琴日都開始放假，下星期公司會更加少人，
但因為琴日係月頭第一個工作日，所以全部Agent 晏晝都要開會，
不過夜晚ｏ既Annual dinner 邀請ｏ既嘉賓需要早走，所以要早ｄ開始，
通告話會六點開始，ｄ Agent 開會最遲到五點左右，一開完會都雞飛狗走，
準備夜晚食飯，家姐老闆一開完會都立即閃人，連我都唔發現佢閃左，
我估因為要返屋企接埋仔過去啦。而我地ｄ秘書正常係放六點，不過今晚有份去ｏ既秘書，
通常老闆都會識做六點先放人，等ｄ秘書六點可以到。

大約五點左右，我果個煩煩老闆話有單野想我跟埋先，我知都唔係覆雜，
應該填完份表格影印sent 走就ｏｋ，果陣佢都問我幾時走，因為我冇收到旨示，
我答未知，睇下佢地（老闆）點安排，因為當時得煩煩老闆ｏ係公司，應該都係服待埋佢先嗟，
大約五點十五分佢比填好份野比左我，跟住聽到佢同其他同事講要走喇，唔係迫趕唔切去，
跟住我問埋佢我應該幾點走得，點知佢個衰野答我，其他秘書應該都係放工先走，
咁叫我放左工去。

放工先去？？即係六點先走得啦，個dinner 都開始左，於是我都係照直講個dinner 六點開始媧？
佢答我六點走過到去（黃埔博藝會）都係六點三左右即，咁放工先去囉，
六點三？？佢預算時間都幾叻，雖然尖沙咀去黃埔係好近，但放工時侯紅磡好多時塞車，
我都同佢講我怕塞車，點知佢話唔緊要啦，跟住自己就急急腳叫ｄ同事走人，
佢個downline經過我身邊都問我做仲唔走？我都有ｄ發晦氣答：『未走得媧，
不過唔緊要啦，我地呢ｄ咁早去都冇用啦。』

真係老土，我果個煩煩老闆就係經常會玩野。講真咁去真係得個悶字，因為實一大輪致詞，
但我覺得人地話得六點鐘開始，準時去係尊重大會，佢唔比我早走，冇所謂呀，
咁遲到囉，衰ｄ真係想唔去點呀。本來細佬老闆都冇話比女王聽幾時走，都知佢趕住返去湊埋女黎，
而且ｄ男人冇咁細心，而佢都冇乜所謂，女王幾時走都得，但因為同埋我一齊去，
所以佢都陪埋我六點走，而分行秘書因為唔去，所以都六點收工，結果大約五點九，
全個office 差不多走剩我地三個，我地仲笑冇人可以大叫都得添。

之後我同女王坐小巴過去，我一定唔會浪費錢坐的士，因為反正都遲到，而且我仲要晏ｄ去，
等家姐老闆同埋前細佬老闆發現我地仲未到時，佢地一定會問點解，咁我就一定如實咁講。
結果去到六點半左右，臨上去前細佬老闆果然打左比女王問我地ｏ係邊，
上到會場等左兩分鐘等致埋詞先入去，好彩今次前細佬老闆做攪手，之前同佢單聲想同女王一齊坐，
果然靠下關係佢真係安排到我同女王同埋家姐老闆同前細佬老闆坐，若果唔係仲要我同煩煩老闆同枱，
加埋對住果隻地獄經理，我肯定悶足一晚。

果然去到家姐老闆立即問我點解咁晏先黎，我立即話佢知係煩煩老闆叫我收工先黎，
佢聽到都立即唉左一聲扁一扁咀，話早知佢走時拉埋我走，又叫我同佢講丫嘛，
我咪話都冇所謂啦，反正黎到都冇咩做，我把口係咁答，其實我係專登唔打比家姐老闆，
然後懶委屈咁照遲到後等老闆問我，雖然好似好衰咁，但對住煩煩老闆呢ｄ成日咁唔識做ｏ既老闆，
我覺得係需要咁黎反映。

跟住成晚節目對我地黎講都係悶字，好彩真係坐ｏ係女王隔離，唔係真係悶死收場，
唯一多個驚喜係我居然抽到獎，仲要係二獎添，禮物係多功能printer，我份人不嬲冇乜抽獎命，
但呢兩年我都抽到獎，我硬係覺得有造馬成份，因為呢兩年前細佬老闆個downline 有份做攪手，
而呢兩年抽獎形式電腦化，以前係每個人放咭片落抽獎箱黎抽，
但呢兩年係將每個agent O既相放入電腦，我地秘書就淨係用命，敫動抽獎時會見到所有相不斷閃動，
至直襟制停止時係邊個張相就邊個中獎，舊年我都抽中左，我已經覺得電腦可以造馬，
因為之前同細佬老闆個downline 懶惡講笑話我要抽到獎架。而今年佢打命時，
串女王個英文命先知佢個命有double "L"，女王聽到又要去打佢教訓佢，佢好驚咁話至多打多幾個命入去，
我答佢駛乜打多幾多命？打一個命中到大獎咪得囉∼雖然今次中獎果個唔係女王，
但我覺得佢可能仲驚我多ｄ，所以真係比我中左個大獎都未定，
咁好啦，至多返工見到佢時同佢講”well done”叫女王打少佢兩次啦∼∼哈哈∼∼

之後家姐老闆都怕我拎埋咁大盒野好重，所以都好好比我坐順風車去到過境巴士站，
ｏ係車度佢又問我煩煩老闆叫我放工先走ｏ既事，我咪又重覆多次囉，
跟住家姐老闆都話佢駛唔駛咁執著，然後佢話年三十果日同我”揮”放半晝，｜
駛事煩煩老闆又話要睇下跟邊個邊個放，家姐老闆同心急老闆都好錫我，呢ｄ情況佢地冇乜所謂，
係煩煩老闆騎騎呢呢怕死蝕抵，咁我都希望年三十真係可以放半晝啦。

＊　＊　＊　＊　＊

真係好耐冇試過凍咁耐，今朝終於可以訓返晏ｄ，唔駛天都未光就爬起身，
好似好耐冇去飲茶所以去飲左茶，但今日有雨，又覺得凍上加凍，
返到屋企對左部電腦一陣又爬左上床做豬，好在今日有”好心人”
由得我做豬幫我去街市買野，^++++^，今晚又係打邊爐，雖然我都知打得多好熱氣，
不過凍冰冰都唔知整乜？又費事整完ｄ餸菜拎到出黎好快凍晒，
夜晚仲凍凍又唔想出街食，算啦，熱氣就熱氣啦，豁出去喇∼

黎緊仲會凍到新年年假，真係好耐冇試過凍咁耐，今晚仲得８度左右添（香港），
一凍真係活動能力都減退晒，唔係食就訓，仲要訓咁多都覺得眼訓，
太凍真係應該要冬眠先ｏ岩喇。

今朝好凍凍呀，唔夠十度兼落埋雨，真係凍上加凍，
今日終於攪掂晒心急老闆ｄ客人交保費ｏ既事，真係謝天謝地。
雖然今日只係星期四，但心情已經係星期五，
一來凍凍冇咩人返工，二來有兩個分行下個月開始搬去另一層，
所以ｄ人都忙於執野，我地附近立即人氣少左，不過就請靜左，
但係佢地搬左之後，唔知我地呢度會唔會又裝修，因為聽聞會加大個見客室，
但若果真係咁，家姐老闆間房好大機會會係裝修ｏ既一部份，
即係話又要幫佢搬房，真係一個噩夢，都唔明點解公司年年都要玩呢ｄ事？
係驚大家得閒得濟還是嫌錢多得濟，每年都花錢裝修整黎整去，
一陣要拆左ｄ房，轉頭過兩年又整返，好無聊，裝修公司就真係多得佢，
因為年年都有生意做，但苦左我地年年要執野搬野，遲早要打去地球之友投訴公司，
年年攪出一大堆建築廢料，浪費錢又唔環保∼∼ .\ /.

聽晚係我地Agency ｏ既Annual dinner，講真真係唔係好想去，
對我地黎講都幾鬼無聊，只係年年ｄ老闆話請我去，拒絕佢地好似又唔係好比面，
加上依家覺得公司好多好討厭ｏ既人，都唔係好想同佢地同?食飯，又冇咩講，
而且數又同唔到自己熟ｏ既朋友仔一齊坐，真係超級悶，聽晚仲凍冰冰添，
寧願早ｄ返屋企娟落被竇好過啦。

今朝比平時早左dd返工，因為九點左約左心急老闆一個客ｏ係隔離座等，
呢個係其中一個要催ｏ既客，若呢兩日再唔交保費又要ｃｕｔ單架喇，
好似可以聯絡到佢，真係謝天謝地，叫做煩少一個。依家仲ｏ係差一個客未補到野比我，
唯有等多一日盡下人事啦。

今日家姐老闆話冇乜野唔返，真係一個好消息，因為可以抖下，
食晏呢排都係叫外賣，因為心急老闆放假，先有個地方食下飯。

臨放工幾個經理約左開會，我諗應該係臨時決定，因為佢地ｄ秘書都唔知，
因為我坐正ｏ係分行經理房門日，雖然關左門，但有時佢地大聲時我都會聽到少少。
今次佢地ｏ既開會我地估係分行秘書一職決定保留，但應該係傾要點夾錢法，
果然我地冇估錯，因為地獄經理講野不嬲大聲，加上佢有ｄ激動所以更加大聲，
我果然聽到佢又ｏ係度篤分行秘書，話佢顧住做分行經理ｄ私人野少做分行ｏ既野，
又成日話分行經埋下下維護個分行秘書，呢個女人真係好衰格，雖然佢同家姐老闆好好都係咁話，
ｄ人出左少少錢就要拎雙倍ｏ既野，講真人地分行經理比大舊錢出黎，
個秘書做多少少佢私人野都唔過份，而且我坐ｏ係分行秘書隔離，
講真我覺分行經理都唔算要個分行秘書做太多私人野，總之果ｄ人心腸太壞，
硬係想篤死人為止，所以我都知道依家分行女經理同地獄經理好唔妥，
仲成日鬧交，佢地以前曾經夾份請過幾個秘書，個個秘書都係頂地獄經理唔順先走，
唯一最經典係之前豹紋同事，比個地獄經理煩到頂唔順，結果ｏ係電話度當眾大鬧地獄經理，
佢可能前所未試過咁比人鬧過，當堂被激到扎扎跳，我地聽到都覺得大快人心。

琴日分行秘書同佢老闆食飯，佢老闆都透露過『有人』話分行秘書多私人電話，
但我坐分行秘書隔離我覺得佢一日都冇乜一兩個私人電話，係有時同ｄ同事講公事時傾幾句，
果個人肯定係獄經理，呢ｄ人真係無良，咁都可以拎黎篤，今次開會我間唔ｏ係出面聽到ｄ，
但佢篤分行秘書ｄ野真係好無聊，不過我地到放工時佢地都未開完會，唔知結果係點。

所以話佢地ｄ人真係有利益時就乜都得，當初大老闆走ｏ既時侯又懶一條心要同自立分行，
當時攪到滿城風雨，但依家目的達到後又為左少少錢ｏ係度鬧黎鬧去，
真係反轉豬肚就係屎。本來琴日分行秘書同佢老闆食完飯知老闆都撐佢心情都好ｄ，
但依家又比佢知道果ｄ衰人又係度想整死佢，雖然佢老闆都好撐佢，
不過個心都係淡左，我估佢本來諗可能遲ｄ先走，依家可能又會想走，
ｄ人真係咩心態？點解無良到咁？？講衰ｄ呢種人應該個天收佢。