今朝一早返工後話比家姐老闆聽心急老闆原來早兩日生左仔，
佢比埋ｂ女相佢睇添，佢倆個本身都friend 黎ｏ既，所以都要通知下佢。
之後家姐老闆一路都幾忙，好多人揾佢傾野，而我一路都想ｓｉｐ下位同佢傾野，
後尾去拎文件比佢時一見有空檔立即ｓｉｐ入去話同老闆傾下件事，
老闆都叫我坐低慢慢講，於是一坐就就傾左可能有成個鐘。
其實我都係將我知道ｏ既事同埋將要面對ｏ既事同老闆講，
而main point 最主要係我涉及兩個分行ｏ既人，即使要幫手做幾少ｏ既野都好，
怕心急老闆知道左會拆晒天，怕佢誤會其他兩個拍檔濫用我，
當然一如所料老闆一定撐我，因為由我一入職佢地就比左一個好清晰ｏ既指引比我，
我只係會幫三個老闆（曾經四個）做野，其他人要我幫手絕對係可以say no，
就係一直有佢地咁清晰ｏ既指引所以我先可以係度開心地做左咁耐，
所以若真係因煩煩老闆ｏ係經理要用到佢ｏ既秘書（即係我）做公家ｏ既野，
佢就要同我其餘兩個老闆傾下先得喇，家姐老闆仲講笑話試下嚇下煩煩老闆話我唔開心想唔做添，
真係蠱惑！！
食晏前見前細佬老闆行左入家姐老闆房，跟住關埋左門，我估一定係講我呢件事，
果然食完晏返黎前細佬老闆揾我入房傾偈，佢話上次開會應該係話會ｏｕｔ左我出黎，
唔會涉及公事上，叫我大可放心，係唔明點解會有唔同版本，
其實我都有同佢講問題係我鍾意清清楚楚，唔想涉及公家上ｏ既野同埋令心急老闆誤會，
咁佢都有講佢黎緊ｏ既諗法，我話我其實都冇乜野，反而叫佢要安撫下佢秘書（女王），
因為近來女王要幫手照顧佢兩個downline，有時突然間幾個一齊要照顧，
間唔中都會做到閔閔地，咁佢話知道ｏ既，所以跟住都會同佢傾返。
冇耐家姐老闆都問我前細佬老闆有冇揾我傾偈，我話傾左喇，原來家姐老闆同細佬講我係咁開心，
怪唔得前細佬老闆咁快就揾我啦，我都澄清其實冇唔開心，只係好多野想清清楚楚，
家姐老闆話ｄ野要誇大少少佢地先會覺得要正視多ｄ媧∼
今日早走諗住幫生完仔ｏ既心急老闆去醫院送返張賠償支票比個客，
去到醫院家姐老闆打比我，因為剛見緊個客所以轉頭先覆電話比佢，
原來佢打黎同我交待返佢已經打左比煩煩老闆了解我件事，
煩煩老闆話係分工係有分比我做，但佢打算另外比錢揾人做我呢part 野而唔影響到我，
不過我心諗呢part 野點另外揾人？點另外揾人做呀？？不過唔埋啦，
老闆專登打黎同我交待返等我安心媧。
有時諗返呢件事見老闆ｏ既表現都知佢地重視我ｏ既，
不過唔知煩煩老闆心裏會唔會諗我又走去同其他老闆告狀呢？
但我又諗，依家出左聲就話唔會涉及我，但若我冇出到聲結果會唔會係一樣呢？
點都好，呢個都係我想要ｏ既結果黎，但唯一係，我係怕今次件事連累到分行秘書，
因為佢係唯一有份去開會ｏ既秘書，而之後佢將個結果話左比我地聽，
而我就先發制人拎左出黎同老闆講，
我怕攪到我ｄ老闆覺同埋佢ｏ既老闆覺得分行秘書洩露件事比我知而制造左事端，
咁我又真係覺得唔好意思，因為我係相信佢唔係攪是非ｏ既，
反而諗緊聽日點同佢講返好嗟∼∼
今日基本上都圍繞緊呢件事，簡略左好多都咁長氣，所以可知我今日同老闆傾左幾多野呢？
| 
