＜＜呢兩日煲ｏ既『雪耳木瓜豬骨』湯，又幾清潤媧＞＞
＊ ＊ ＊ ＊ ＊
兩日放假都係盡情休息的時侯，一放假就訓到太陽伯伯ｏ係正頭殼頂先起身，
不過又真係超級爽∼∼
放親假不外乎都係去嘆下茶，跟住去行一陣，然後再去買餸整野食，
有時覺得放假時都幾似退休阿伯生活，不過人家ｄ伯伯通常晨早起身去完晨運先嘆茶，
我呢個懶伯就訓到日上三竿先起身，有時晏到連茶都飲唔到，
所以諗諗下我都係未合格做退休阿伯，哈哈∼∼
踏入冬天，天氣唔熱可以多ｄ機會整野食，近來都幾鍾意學下煲湯，
始終唔同阿媽住肯定冇乜湯水，唯有自己學下啦，好在依家ｏ係內地雖然物價都高左好多，
但對我地黎講都仲叫平，若ｏ係香港買材料都咁貴就未必會整喇，
所以可以ｏ既話個個星期都試下ｄ簡單湯水，呢排天氣咁乾，早幾日又連打兩日邊爐，
返工有時又閔閔地，都應該整ｄ清潤ｄｏ既湯水，
今次試左『雪耳木瓜排骨』，都唔錯丫∼∼哈哈∼∼
講起物價貴，近來香港真係乜都加價，自從九七年後都好似好耐冇試過咁喇，
朝早買麵包貴左，晏晝食飯又貴晒，連同事們話去買餸ｄ豬、牛肉都好鬼貴添，
依家成日吹噓話經濟好多，ｄ人捨得洗錢，根本就係揾籍口加價，
捨得洗錢係果ｄ炒股票買賣樓賺到錢ｏ既人，並唔係我地呢ｄ一般打工一族，
若果話因為人民幣兌換價高左，又或者因為內地來價貴而影響要加價我都仲接受，
講話大部份人揾到錢我就唔認同，但睇黎０８年係加價年，
香港人可能又要開始適應返樣樣加價的生活喇。
聽晚放工約左幾個朋友女去飯局，睇黎聽晚都有必打到日記ｌｕ∼∼ | 
