今日假期後第一日返工，老闆又冇乜揾我，所以好快咁清晒ｄ文件， 寄望今日可以延續，果然如願以償，可以輕鬆埋今日。 因為煩煩老闆今日請左假冇左人影，朝早我可以幫心急老闆打比ｄ客提佢地交返保費， 而家姐老闆都冇乜揾過我，所以晏晝仲可以做ｄ唔多駛用腦ｏ既野 - scan文件， 所以今日可以好輕鬆咁過，亦因為做ｄ唔多駛用腦ｏ既野， 有時可以邊傾住偈咁做，有時一個月裏面有幾日咁ｏ既日子真係唔錯， 咁d 燥狂症就唔駛成日發作喇，至少等我過左ｄ holiday mood ， 下個星期再努力過。
返左兩日工聽日又可以放假，實在太正喇∼∼ (^o^)
今朝終於要返工喇，不過放假後遺証就係夜晚訓唔著， 好彩係返到都唔算太眼訓。朝早返工時覺得冇咁凍，真係謝天謝地。 今日返到公司覺得人唔多，唔知係ｄ人仲未返齊工還是附近ｄ人搬左有關， 但張枱就例牌見到一堆文件，多數都係要做quotation，好想快ｄ將佢消滅， 九點幾家姐老闆打黎，開工大吉當然同佢講下恭喜說話， 雖然今朝未見老闆返工，但打開抽屜已經見到老闆封開工利是， 老闆本來諗住返黎先比我，但佢後尾覺得開工利是應該係一開工就見到， 所以琴日放定ｏ係我抽屜，哈哈，佢都好有心思。 好在今日老闆ｏ既電話公事唔多，都有傾下閒偈，所以冇令我暴燥。
大約兩粒鐘將堆文件消滅左，全賴老闆冇呼喚我，所以可以靜靜地咁清野， 返工的第一日咁樣實在好好，唔駛一返工就燥狂，希望可以happy 埋聽日啦。
終於又黎到假期尾聲喇，真係超級唔捨得，聽朝又要一早爬起身喇。 今日訓醒出面都見到有陽光，不過之後又陰返喇。
因為聽日要返工，所以今日都懶懶夜晚唔煮飯出去食， 夜晚返到屋企走過女王個blog 度睇下，因為佢今日開工， 不過見佢都幾忙，我估我聽日返工都肯定多野做，但都預左喇。
諗諗下今日係初七『人日』，即係人人都生日，唔記得祝大家生日快樂添， 而聽日係情人節，唔知ｄ有情人點去慶祝呢？
