自從上星期心急老闆生左b放假，要幫佢跟ｄ客ｏ既野，
不過好多客好鬼漏氣，催極都係未做，但仲有兩日又過一個月，
有ｄ客再唔交保費張單會停，所以一日未攪掂個心都好唔舒服，
但有時成日打電話又怕ｄ客發難好話你一日到黑追住，所以呢個多星期以黎都覺得好奄悶，
好在琴日同家姐老闆單左聲，佢應該都差不多收爐，可能係咁今日晏書都冇揾過我，
真係謝天謝地。
經過一番努力要揾ｏ既客都揾到，但硬係仲未將要比我ｏ既表格sent 比我，
都話左今日一定要收到，先後打左三次電話，心急老闆又打過，個客又話應該冇問題，
不過到放工都係未收到，唉∼都叫盡晒力我都冇計，唯有聽日睇下點先算。
分行秘書今日同老闆食飯，我叫佢好襯機會同老闆ｔ盡訴心中情，
食完晏問佢餐飯食成點，佢都話有ｄ麻煩人ｏ既野，至攪笑佢爆攪事秘書入黎做係想識男仔，
我同女王聽左都笑死，分行秘書話同老闆講完自己都忍唔住想笑，
但又怕比老闆講到，唯又拎起個杯飲野乘機遮住個咀，我想像都覺得好好笑，
其實佢老闆都知我地同攪事秘書唔多妥，當然啦，因為我先知都同家姐老闆提過，
我都算係專登講比家姐老闆聽，因為佢同分行秘書老闆即係女分行經理好熟，實會話比佢知，
我都係想老闆知道我地之間發生緊乜野事，因為野事唔妥嗟。
今晚氣温又開始下降，我坐ｏ係度打日記都覺得越打越凍，都係快ｄ爬入被竇先得。
| 
