懶左兩日冇打日記添∼嘻！！
呢兩日ｏ係公司做野有時有ｄ心散，因為有時同女王、分行秘書傾偈，
有時齊齊細聲講大聲笑細佬老闆個靚仔downline，攪到佢知我地講佢但又唔知我地講乜好慘，
一日都係因為佢招惹埋ｄ女狂蜂浪蝶坐過黎囉，所以我地都好珍惜呢兩日清靜ｏ既日子，
今日賤男同佢兩個女downline 開始搬入黎我地條巷喇，果然立即又圍住個靚仔，
黎一個又一個，真係見到都煩，都唔明ｄ女人咁鬼姣，真係影衰晒我地ｄ高貴ｏ既女性，
最衰就係佢地聚埋一齊會好鬼嘈，我至憎人嘈住晒，真係好似燥狂症發作。
今日晏晝前細佬老闆等緊見人但又未夠鐘，行左去我地條行同賤男ｄ八卦精downline 傾偈，
聽到八卦精問前細佬老闆幾時生多個ｂｂ，前細佬老闆答『九月』，
可能八卦精都好奇怪前細佬老闆答得咁實在，所以再問係咪九月生？
聽前細佬老闆冇答唔係，我心諗：『又有咗？』，不過我扮聽唔到拎文件去碎，
一來清野二來唔想成日聽隻八卦精講野。冇耐見前細佬老闆經過出去廁所，
之後佢入返黎時可能見我企ｏ係度碎紙果度得我一個人，於是走黎同我傾左陣偈。
自從冇幫前細佬老闆做野後都較少同佢傾偈，一來佢好忙，
二來因再冇同佢工作上關係，佢可能怕同我傾偈會比人誤會仲揾我做野又或者阻我，
今次見得我一個而佢又有少少時間就同我傾左陣，佢問我佢家姐有冇同我講佢又就快做爸爸？
我答冇呀，不過ｏ岩ｏ岩聽到，因為淨話聽到佢同人講，我又話因為未穩定怕小器唔同人講住，
明架喇明架喇，咁佢話依家老闆有左三個月左右，我問佢知男定女未，佢就答未。
跟住我都同佢講早幾日先睇返家姐老闆隻牒，裏面有訪問佢，佢自己都話當時細好多，
我咪話諗返都係四年ｏ既事，好似已經有好多變化，果陣佢都仲未結婚，
依家就快做第二任老豆添，果然好似好趕時間咁，哈哈！怪唔得佢呢排咁博命啦，
因為要揾奶粉錢丫嘛，仲有話若升到分行經理就生第二個，好多野有計劃係好，
不過都希望佢順順利利啦。 | 
