<<元宵佳節食湯丸>>
＊ ＊ ＊ ＊ ＊
今日依然唔算忙碌，真係好彩。接近十二點打算叫外賣時，
搬左上樓上ｏ既短跑同事打黎，佢叫我地今日唔好叫外賣，因為佢地剛搬完上去，
公司攪左個拜神儀式同埋切燒豬，仲有ｄ小食，應該夠我地食，
不過我地有五個人一齊食飯，我初時估都未必夠食，提議不如叫兩盒飯再加小食搭夠，
但佢話應該夠食，咁我諗就算唔夠到時再去樓下買野食囉，咁都唔叫外賣住，
到食Lunch 時見同事拎ｄ野落黎，又發覺真係夠份量，因為有一盒燒豬肉、
一大盒沙律、幾件三文治，仲有雞翼、春卷、咖喱角，腸仔等，
同事話樓上好多agent 都要出街唔得閒慢慢食，覺得剩返咁多唔到又好浪費，
所以拎落黎大家齊齊食，其實最後都食唔晒，咁今日唔費浪費野又慳返一餐，
真係好喇。
晏晝家姐它闆見完客返黎，佢大嘆今個月生意淡簿未開過齋，
後尾臨走前同我傾左幾句，佢話前細佬老闆唔係太開心，因為最近做錯左ｄ野比客投訴，
而個客又好麻煩，所以心情都唔太好。跟住又指左一指女分行經理間房話佢仲大鑊，
我個心諗細佬老闆都好煩啦，但分行經理仲大鑊，咁咪好嚴重，所以咪立即問發生咩事囉。
老闆話果個地獄經理依家要同分行經理分開媧，其實之前都知道佢地兩個真係唔多妥，
成日為ｄ事情有嗌交，冇諗到真係要行到唔再跟女分行經理呢一步，
我同老闆講都知依家分行都極唔和諧，我認為係牛鬼蛇神ｏ既人就成日走埋一堆，
成日一齊講埋ｄ是非野同攪分化，家姐老闆話果陣佢地就係去左傾野，
而且佢又夾正ｏ係兩個唔ｏ岩ｏ既人中間，唯一做到ｏ係聽下佢地訴苦，
講完呢件事冇耐老闆就走左，臨放工前見分行女經理返左黎，但一行入房立即關門，
佢好少呢種舉動，我仲估佢傾完唔開心入房喊添，不過原來佢講電話，
唔知係訴苦定係點喇，咁我都有同女王同埋分行秘書提起呢件事，
大家都估計分行黎緊又可能出現新一輪ｏ既分裂，
自從前年前大老闆走ｏ既時侯出現過大動盪，只係短短一年左右又出現呢種情況，
想當初佢地要分家時懶團結要捧分行女經理上黎，依家又因錢銀問題決裂，
有時真係覺得好無謂，唔知係咪真係呢行ｏ既人特別睇錢緊要，
依家唯有就係睇下事情發展成點，因為我地都唔會做到ｄ咩，
遲下睇下會唔會係家姐老闆度八到ｄ野啦。
＊ ＊ ＊ ＊ ＊
今日係元宵佳節，所以都專登買ｄ湯丸返黎食應下節，
希望大家都開開心心，人月兩團圓。 | 
