呢兩日公司工作量一般，唔太忙碌，有時都可以同秘書傾陣偈，
最主要都係服待家姐老闆，而心急老闆今日照計今日應該刑滿出獄（坐完月），
聽日應該打過電話比佢，提佢洗得頭喇∼∼哈哈！！
不過唔知佢隻野坐完月會唔會心急走返黎公司呢？

因為呢兩日公司都總算過得平平凡凡，都冇乜特別野記低喇。

過左週末週日又要返工喇，好彩天氣暖返ｄ唔係咁辛苦，
今朝返到公司一開工想check 下電郵，點知又上唔到公司網，
最近成日都係咁，真係好麻煩，因為上唔到公司網好似乜都做唔到，
唯有做住scanning 先，要到下晏先好返，但都唔穩定，
變成明明唔駛迫住做ｏ既野要攪到堆埋一齊做，
希望聽日唔好再有問題，若果唔係真係好唔方便喇。

<<清新可愛的水仙終於開花喇>>

<<最鍾意水仙花ｏ既香味，真係好清香>>

＊　＊　＊　＊　＊

經過左三個幾星期凍凍ｏ既天氣，琴日開始都感覺到暖左，
因為預計唔到呢排凍成咁，我諗大部份有買水仙頭ｏ既人都失晒預算，
ｄ花唔可以ｏ係農曆年開，不過都唔緊要啦，我覺得開得到經已唔錯，
我家ｏ既水仙呢兩日開始開花喇，我最鍾意水仙ｏ既香味，因為真係好清香，
有時一行入屋經已聞到，令人精神為之一振，所以都要幫ｄ花花影下相，
因為二家姐request 想睇丫嘛，我記得架∼∼

雖然呢兩日回暖，但聽聞下星期好似又會凍，之前成日話全球暖化就冇冬天，
冇諗過今年立即凍返夠本，不過至少呢兩、三日暖返少少等大家回下氣，
若果唔係真係好唔慣呢∼∼