兩日假期又過左，又黎到星期一，今日工作量都唔算多，
朝早煩煩老闆同幾個經理開會例會，所以冇咩比我做，
家姐老闆因為要陪仔去拎身份証同埋拎車去整，所以都留左Ｏ係公司一陣。
上個星期家姐老闆又話下星期日去教會分享佢Ｏ既經歷同體驗，
想拎一隻曾經講述佢同細仔一齊面對病魔Ｏ既經歷『春風伴我行』去教會分享，
其實老闆呢幾年黎去唔同地方分享佢呢幾年經歷加加埋埋不下十次，
我諗佢都講到識背，咁佢拎隻ＤＶＤ比我，因為佢唔識Ｏ係電腦開黎講，
問我可唔可以幫佢攪同埋幫佢燒幾隻牒，我諗若一隻ＤＶＤ放咁少野好浪費，
咁我提議老闆不如將佢曾拍過講佢丈夫的『恩雨之聲』放埋一隻牒，
同埋成年前細佬老闆諗住比我COPY的幾隻家姐老闆丈夫藍球比賽Ｏ既牒一齊燒錄，
一來唔駛浪費，二來比家姐老闆自己KEEP 時唔駛咁多隻，
家姐老闆聽到當然話好，晏晝接完仔返屋企立即拎左隻『恩雨之聲』返黎比我，
佢做野一向效率非常高。
返到屋企我拎返隻『恩雨之聲』黎睇，睇返應該大約０４年拍，
唔覺唔覺都接近四年，重温返隻牒佢個大仔果陣仲好小朋友，
依家剛十四歲都至少有五呎九吋（我諗係咁上下），第日分分鐘高過爸爸，
仲有有份出鏡Ｏ既前細佬老闆，睇返果陣都較依家幼嫩，
畢竟依家都已經係人家老公同爸爸喇，時間好似過得好快咁，
唔怪得細佬老闆成日同女王講話我睇住佢大，諗諗下我Ｏ係呢間公司已經講向六個年頭，
諗返當初入黎公司時家姐老闆年頭剛離開左，返左一個月工就睇住細仔發病同一路睇住佢醫治至康復，
所以睇到佢呢兩次牒覺得好似重溫返以前Ｄ感覺咁，弊喇，又Ｏ係度懷舊添，
老人家症狀出晒黎喇∼∼哈哈！！！ | 
