屋企幾日上唔到網，ｏ係公司上網又費事比ｄ是非人見到，
所以失踪左幾日，但反而多左機會睇下電視同埋早ｄ訓。
聽日開始放假四日，真係好期待，呢兩日ｄ holiday mood 已經bill 晒出黎，
呢排ｄ老闆生意淡泊，所以難得我都唔忙，可以專心scan 野，
不過今日心急老闆問我可唔可以下個月scan 晒ｄ野，簡直冇可能啦，
難得呢排靜我ｏ既進度好好，唔係一個星期可以scan 一個tray o既文件
（一個tray 大約都有廿幾個客，每個客可能唔止一張單），我自己都覺得好滿意，
隔離分行秘書都唔鬼抵得我進度咁快添，哈哈∼原來心急老闆話租左個倉，
想將ｄ文件放入去，因為佢間房好亂，雖然我都覺得超級亂，不過無從入手幫佢執，
咁我都同佢講只有盡力，不過我都少少洩氣，因為我自問都好努力咁做，
不過佢地好似有ｄ唔知我地ｏ既難度ｏ係邊，工序有幾多，
當然我明白佢地角度，好似過左好耐ｄ野都未做完，但我都冇辦法，
咁我都知心急老闆都唔係話我ｏ既，後尾我都係走去同佢提議，
不如將佢間房裏面ｄ櫃裏面ｏ既文件同書等入倉好過，因為呢ｄ我係度咁多年都未掂過，
拎走果ｄ唔用ｏ既野騰出ｄ位出黎放野好過，唔駛間房咁亂，希望家姐老闆會接受我意見啦。
因托女王ｏ既鴻福，今日有餐免費飯晏仔，因為女王過兩日生日，佢兩個老闆請佢食飯，
我都有份，依家好少機會同前細佬老闆傾偈，佢都太忙喇，另外都有同佢個靚仔downline 講，
成日招惹ｄ狂蜂浪蝶過黎攪到又煩又嘈，不過佢不嬲都木口木面冇乜表情咁，
雖然佢外型ｏｋ，但都唔明ｄ女人點解真係好似見到蜜糖咁，真攞命！
點都好啦，依家總之最緊要係放假，呢幾日要好好享受假期先得。 | 
