四日假期結束，真係好唔捨得，呢兩日不斷打機，一恰埋眼都浮現遊戲中情境，
究竟點行法呢？仲欠左Ｄ咩呢？又開始打到發傻。

今日工作唔算多，但好明顯holiday mood 未過，個腦完全未運行暢順，
好多時都有ｄ遊魂感覺，好似家姐老闆黎叫我幫佢計ｄ乜乜，我完全好似冇聽入腦，
我諗我迷茫ｏ既樣一定好顯，所以後尾家姐老闆叫我print 左出黎等佢寫埋，
咁都好，唔駛我又要run 返起個腦∼哈哈∼

呢排分行有有風波，地獄經理不滿女分行經理，大家合作得唔開心，
佢同佢ｏ既unit 四月份打算分拆出黎，呢樣野對我黎講冇咩影響，
不過對分行秘書黎講，可以話要燒爆丈同飲得杯落，因為地獄經理十分麻煩，
幾乎個個秘書都頂佢唔順，分行秘書有份收佢錢，佢就多多意見又不滿，
我諗佢唔鍾意分行秘書，但分行秘書老闆就撐個秘書，都係令地獄經理唔滿意ｏ既其中一個原因，
ｄ人比左少少錢就巴鬼閉要求多多，因為佢都已經趕走左好幾個秘書，
若分行經理再聽佢攪到自己冇秘書就真係傻喇，所以唔理佢都ｏ岩。

聽朝全個分行要去大老闆度開特別會議，應該都係交待日後分拆ｏ既事，
睇黎我地都應該買定爆丈比分行秘書燒，慶祝終於可以送走瘟神都好∼∼

呢兩日掛住打機，攪到日記都冇打到，食完晏仔開始打，
跟住到食晚餐，之後又再打，打到朝早四點先訓，
所以近年掂少左遊戲機，費事自己又停不了，
今日食完晏都打到晚餐，不過今晚都係要忍手喇，
唔係聽日肯定恰晒眼訓，雖然以前都係咁，但依家年紀大喇，
冇咁捱得眼訓咯∼∼

歡樂ｏ既時光過得特別快，四日ｏ既復活節又過左喇，
聽日又要乖乖地返工喇∼∼>.<

<<第一次整的『砂鍋雲吞雞』，自己覺得合格喇＞＞

＊　＊　＊　＊　＊

放假通常都唔願訓教，所以琴晚，應該係今朝成四點先訓，
今日都唔叫好晏起身，不過都成一點鐘喇∼嘻嘻！！

晏晝冇出去食飯，琴日煲左一大煲湯，中午繼續飲，
好彩今日晏晝冇出去，因為今日落好大雨，近來都好少可落咁大雨，
聽講聽日又有冷峰到，氣温有解返去十六、七度，不過呢個温度都唔叫太低。

初時諗住兩個大學畢業朋友會過黎，今晚會同佢地成飯，
所以晏晝心血來潮走左去打機，仲打返我至愛的"Biohazard" (生化危機），
雖然呢隻遊戲不經不覺都十年以上，不過依家打返依然緊張，
尤其果ｄ喪狗爆窗跳入黎，依然比佢嚇左一跳，正一衰狗黎架∼∼

後尾先知兩個朋友聽日先過黎，於是走左去買餸，今日好想整『砂鍋雲吞雞』，
因為鍾意食好似又唔太難整，一直都想整好耐，不過先前係冇買瑤柱，
早前多得女王媽好客氣送左盒瑤柱比我，終於可以大派用塲，
早兩日同女王同埋前細佬老闆食晏都有食呢味菜，所以今日更想整，
結果好在味道唔錯，可惜係之前個砂鍋爆鬼左，若果唔係我諗用砂鍋整應該仲好味ｄ，
仲有今日太晏出去買野，唔夠時間自己買料包雲吞，結果只係買現成ｏ既雲吞，
下次多時一定要自己包雲吞，應該又會好味ｄ∼

今日遊戲機癮發作，一陣又去打陣機先得∼∼