呢兩日o係屋企沉迷打機，係琴日出去飲左餐茶外，幾日假期都冇出過門口，
打機打得多連訓教都好多遊戲情節，不過依家都唔會好似以前咁晚晚打，
明知自己一掂部遊戲機就放唔到手，所以都係放假先打。

呢兩日終於又打爆左一套完整的生化危機２（先打女版再打男版），
雖然呢隻遊戲已經十年，畫質、CG等技術及唔上依家Ｏ既新遊戲，
不過遊戲情節佈局吸引，即使我已經打過晒，又拎住本攻略睇，
仲有無限子彈同最勁武器，但依然有驚嚇感，尤其Ｄ怪物突然爆玻璃或天光板樸出黎，
音響加埋個震動手掣，攪到我成個人都彈左彈，怪獸一坐Ｏ係我隔離就比佢笑，
笑我咁大反應媧，咁呢Ｄ係人Ｏ係本能反應黎架嘛，真係丫，哈哈∼
不過真係幾刺激，不枉我咁多年黎一直鍾情呢隻GAME，經典即是經典。

但係歡樂Ｏ既時光過得特別快，三日假期又就咁過左，
又係要收拾心情返工咯∼∼

剛剛的一星期過得好輕鬆，因為班agent去左深圳上堂，真係超級寧靜，
下星期一朝早都仲有半day寧靜，因為全部去灣仔上堂，所以心理上冇乜壓力。

琴日徹底咁叉左電，所以電力十足，可以從事打機活動，
上星期的『生化危機』男版同女版都各自打爆左機喇，雖然相隔十年有多，
但都係一個好好的重温，琴日開始重温打『生化危機２』，呢個game 今年十年喇，
所以又要拎出黎打下，記得當年我好期待呢隻game 出，
當時一出之後好捨得咁幾十蚊走去買左本攻略本，雖然之後冇打，但一路都好寶貝咁收埋，
家陣又可以拎返出黎喇，呵呵∼∼

今日中午同埋內地大學畢業朋友一齊去飲茶，之後佢地去睇展覽，
我就立即返屋企打機，依家打爆左女版第一部份，一陣續去打男版另一部份先得，呵呵∼∼

分行大部份同事唔o係公司，可以繼續享受寧靜，
今日連心急老闆都冇返，所以成個人比晒家姐老闆淨係服待佢，
本來都冇乜太多野做，不過佢月中去杜拜，所以依家都要做下野，
若果唔係分分鐘成個月冇生意，咁就唔多掂喇，所以老闆好勤力咁打電話，
跟住就要出幾個客ｏ既quotation，雖然未知見完有冇著落，但都好過唔見。

今日亦講係輕輕鬆鬆，傾下講下咁渡過，呢ｄ日子真係難得呢，
希望享受埋聽日又輕鬆過返三日假期啦∼∼