早兩日開始左幫心急老闆寄幾百封信，不過因為要group一個家庭寄一封信，
所以成份list 要翻黎翻去，真係翻到我都眼反反，琴日仲開始喉嚨痛添，
唔知係咪太唔想對住呢ｄ野，個身體自己潜意式反影左出黎，
所以琴日真係越對越頭痛，因為作緊病，最終都唔可以於預計中完成，
兼且做到我真係有少少想放棄，因為實在太難頂。
早兩日我地另一個話題係整頭髮，話說見前細佬老闆個RM同事剪完髮返黎，
感覺好清爽，其實我想去整頭髮好耐，上次整負離子都已經係半年前ｏ既事，
已經破晒我紀錄，我ｄ曲髮生返晒出黎覺得好唔舒服，本來諗住忍到放大假去整，
不過問左同女王同埋分行秘書傾偈，大家都好想去整下頭髮，本來諗住過兩星期揾日一齊去，
但後尾叫RM同事不如帶我地去，佢又好熱心，而且挑起左我條筋好想立即去，
於是琴日先決定今日一齊去整，唯一係隻分行秘書好鬼扭擰，講到整頭髮佢真係保守到死，
十年如一日次次去都係剪兩吋，真係佢唔悶攪到身邊ｏ既我地好悶，
所以我地邊威迫邊tum 再加要夾佢去，本來諗住佢今日唔會出現，點知估錯左，
真係有ｄ令我地喜出望外，可能真係怕我地星期一返去同佢割席或者用紙遮住唔要見到佢個樣啦，
哈哈∼笑死！！
但今次RM同事帶我地去ｏ既髮廊真係冇諗過，因為係ｏ係中文大學裏面，
都唔知佢點八到入去呢度整頭，唔知係咪佢之前去拍板盲中中入去整，
整完又滿意所以繼續去整啦，下星期問下佢先。
今次我依然整負離子，因為天生曲髮ｏ既我太想擁有直頭髮ｏ既感覺喇，
但今次師父如我所願幫我剪短左，依家頭髮側面僅僅掂膊，後尾剛掂恤衫衫領，感覺真係好正，
因為我ｋｅｅｐ左個長髮髮型都有成三、四年喇，不但覺得好悶，而且頭髮長成日又拉又染好傷，
所以早大半年都有想剪短ｄｏ既念頭，但早前一直ｏ係深圳剪，個個師父都叫我唔好剪短，
話叫我ｋｅｅｐ住果個型，但依家天氣開始熱，又見RM同事個清爽髮型咁正，
所以決定跟佢黎整，果然都好ｏ岩我心意，真係立即爽晒。
另外，我地係咪叫分行秘書轉下型象，師父話佢整負離子可能會較貼，建議佢不如電曲，
呢隻野立即又扭擰，好在又係我地威方利誘兼女王話陪佢電曲，呢隻野先肯就範，
為左勸佢去整頭已經大大話話浪費左我幾日ｏ既口水，
坐ｏ係我地陪近ｏ既同事都一定比我地奄悶死，不過佢終於肯整，都不枉我講到喉嚨痛，
而且整出黎效果都唔錯，佢自己都話接受，唯一係佢今次唔敢染，若果唔係效果應該仲好。
至於女王今次算係我地三個中變代最大，其實一路都覺得女王曲髮會較襯佢，
佢都比把頭髮休養生息左成年，今次襯機攪攪佢都好。之前女王未電過髮就電得比較保守ｄ，
頭頂冇電，今次佢比師父話事，成個頭電晒同埋成個頭剪薄ｄ，仲有做埋橙色Highlight添，
出黎效果真係唔錯，同平時型象完全唔同左，又比較ｉｎ添，所以有時放膽ｄ整效果可能仲好，
返工佢老闆實唔認得佢，唔知會唔會又講埋ｄ咩衰野窒女王添。
RM同事今日都有去整highlight，不過佢整完走前，我地整完走ｏ既時候都接近六點，
由朝早十一點幾開始到六點，真係坐左大半日，但好彩大家都滿意，咁都覺得值得ｏ既。
不過係大半日都冇乜野落肚肚仔餓ｄ囉，仲有因為有ｄ吽病，又坐左成日覺得好攰，
我諗今晚都要訓返好ｄ養返好ｄ精神先得喇。
| 
